គោរពវិញ្ញាណក្ខន្ធសពឯកឧត្តមឧត្តមសេនីយ៍ឯក ជា ម៉ន
- សៀមរាប
ខេត្តសៀមរាប ៖ នៅថ្ងៃទី២៩ ខែតុលា ឆ្នាំ២០១៨ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានដឹកនាំគណៈប្រតិភូក្រសួងការពារជាតិ…
ខេត្តសៀមរាប ៖ នៅថ្ងៃទី២៩ ខែតុលា ឆ្នាំ២០១៨ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានដឹកនាំគណៈប្រតិភូក្រសួងការពារជាតិ…
ខេត្តសៀមរាប ៖ នៅថ្ងៃទី២៩ ខែតុលា ឆ្នាំ២០១៨ សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិបានដឹកនាំគណៈប្រតិភូក្រសួងការពារជាតិ តាមជើងយន្តហោះកងទ័ពអាកាសកម្ពុជា អញ្ជើញចូលរួមគោរពវិញ្ញាណក្ខន្ធ និងរំលែកទុក្ខយ៉ាងក្រៀមក្រំបំផុតជាមួយក្រុមគ្រួសារនៃសពឯកឧត្តមឧត្តមសេនីយ៍ឯក ជា ម៉ន មេញ្ជាការរងកងទ័ពជើងគោក និងជាមេបញ្ជា ការយោធភូមិភាគទី៤ និងចូលរួមក្នុងពិធីបុណ្យគម្រប់៧ថ្ងៃ នៅខេត្តសៀមរាប ។
សម្តេចពិជ័យសេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ និងគណៈប្រតិភូអមដំណើរក៏បានបង្ហាញនូវមនោសញ្ចេតនាសោកស្តាយជាទីបំផុតចំពោះការលាចាកលោករបស់ឯកឧត្តមឧត្តមសេនីយ៍ឯក ជា ម៉ន ដែលជាជនវីរៈជនស្នេហាជាតិមួយរូបដែលបានលះបង់អ្វីៗគ្រប់បែបយ៉ាង ដើម្បីបូរណភាពជាតិ និងទឹកដីមាតុភូមិខ្លួន ។ ការចូលរួមគោរពវិញ្ញាណក្ខន្ធនេះក៏ជាការចូលរួមរំលែកទុក្ខដ៏ក្រៀមក្រំនៃគ្រួសារសពផងដែរ ។
លោកជំទាវ មាសសន-ជា ម៉ន ភរិយានៃសពក្នុងនាមក្រុមគ្រួសារទាំងមូលបានបង្ហាញនូវក្តីរំភើបកក់ក្តៅចំពោះទឹកចិត្ត និងការលះបង់ពេលវេលារបស់សម្តេចពិជ័យ សេនា ទៀ បាញ់ និងគណៈប្រតិភូអមដំណើរព្រមទាំងមន្ត្រីកងយោធពលខេមរភូមិន្ទទាំងមូលដែលបានផ្តល់នូវការគោរពជូនដំណើរចុងក្រោយ ដើម្បីបានដួងវិញ្ញាក្ខន្ធស្វាមីបានទៅកាន់សុគតិភព ។
តាមរយៈសម្តេចពិជ័យសេនានេះដែរ លោកជំទាវភរិយានៃសពបានថ្លែងអំណរគុណយ៉ាងជ្រាលជ្រៅបំផុត ជូនចំពោះសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាដែលបានផ្តួចផ្តើមឧបត្ថម្ភថវិកាមួយចំនួនធំ ។ ឆ្លងទៅតាមកម្មវិធីនៃព្រះពុទ្ធសាសនាដែលរៀបចំទៅដោយលោកតាអាចារ្យ និងគណៈកម្មការបុណ្យនៃសពនាព្រឹកនោះសម្តេចពិជ័យសេនា ទៀ បាញ់ និងលោកជំទាវ រួមទាំងឯកឧត្តម លោកឧកញ៉ា លោកជំទាវគណៈប្រតិភូអមដំណើរ និងថ្នាក់ដឹកនាំ មេបញ្ជាការគ្រប់កងឯកភាព ចំណុះយោធភូមិភាគទី៤ អាជ្ញាធរខេត្ត មន្ត្រីរាជការ នាយទាហាន ពលទាហាន បានអញ្ជើញចូលរួមក្នុងពិធីរាប់បាត្រឆ្លងជាកិច្ចបង្ហើយបុណ្យ ។
ព្រមទាំងឧទ្ទិសកុសលផលបុណ្យ ជូនដល់ដួងវិញ្ញាណក្ខន្ធ ឯកឧត្តមឧត្តមសេនីយ៍ឯក ជា ម៉ន សូមឲ្យឯកឧត្តមបានទៅកាន់សុខគតិភពថ្មី ព្រមទាំងបែរងាកក្រោយឲ្យពរជ័យដល់ក្រុមគ្រួសារ បងប្អូន កូនចៅ និងថ្នាក់ដឹកនាំគ្រប់ជាន់ថ្នាក់ ក្នុងជួរកងកម្លាំងប្រដាប់អាវុធ មន្ត្រីរាជការ ឲ្យទទួលនូវសេចក្តីសុខ និងឲ្យស្គាល់នូវតែសុខសន្តិភាព សុភមង្គល និងការអភិវឌ្ឍន៍ប្រទេសជាតិលើគ្រប់វិស័យ ៕
ចែករំលែកព័តមាននេះ