ខេត្តកំពត ៖ អ្នកឡើងទៅធ្វើចម្ការនៅភ្នំព្រួយបារម្ភពីការបាក់ភ្នំបន្ទាប់ពីពលរដ្ឋជាច្រើននាក់នៅឃុំម៉ាក់ប្រាង្គ ស្រុកទឹកឈូ ខេត្តកំពត ហើយពលរដ្ឋភាគច្រើនគាត់ជាអ្នកធ្វើចម្ការនៅជួរភ្នំផ្សេងៗ នៅក្នុងភូមិសាស្ត្រឃុំម៉ាក់ប្រាង្គ ក្នុងស្រុកទឹកឈូ ។ ប៉ុន្តែអ្វីដែលពួកអ្នកភូមិមានការព្រួយបារម្ភគួរឲ្យភ័យខ្លាចបំផុតនោះ…
ខេត្តកំពត ៖ អ្នកឡើងទៅធ្វើចម្ការនៅភ្នំព្រួយបារម្ភពីការបាក់ភ្នំបន្ទាប់ពីពលរដ្ឋជាច្រើននាក់នៅឃុំម៉ាក់ប្រាង្គ ស្រុកទឹកឈូ ខេត្តកំពត ហើយពលរដ្ឋភាគច្រើនគាត់ជាអ្នកធ្វើចម្ការនៅជួរភ្នំផ្សេងៗ នៅក្នុងភូមិសាស្ត្រឃុំម៉ាក់ប្រាង្គ ក្នុងស្រុកទឹកឈូ ។
ប៉ុន្តែអ្វីដែលពួកអ្នកភូមិមានការព្រួយបារម្ភគួរឲ្យភ័យខ្លាចបំផុតនោះ គឺការបាក់ដីភ្នំហូនាំមកជាមួយផ្ទាំងថ្មធំៗ និងប្រះភ្នំ នៅចំណុចជួរភ្នំជ្រោះឪម៉ាល់ ស្ថិតក្នុងឃុំម៉ាក់ប្រាង្គ ស្រុកទឹកឈូ ។
អ៊ំស្រី សុខសឿន អាយុ៦៥ឆ្នាំ នៅភូមិស្នំប្រាំពីរ ឃុំម៉ាក់ប្រាង្គ បាននិយាយប្រាប់អ្នកយកព័ត៌មានឲ្យដឹង កាលពីពេលថ្មីៗនេះ នៅឯចម្ការមួយជួរភ្នំជ្រោះឪម៉ាល់បាននិយាយប្រាប់ថា គាត់មានដីចម្ការនៅភ្នំនេះចំនួន៥ហិកតា មានដាំចេក រួមទាំងខ្នុរផង ។ អ៊ំស្រីសុខ សឿននិយាយរៀបរាប់ជាមួយកូនស្រីនៅក្នុងខ្ទមតូចមួយថា ជាយូរឆ្នាំហើយមិនដែលមានប្រវត្តិបាក់ភ្នំទេ ទើបតែពេលនេះគ្រាន់តែជួភ្នំជ្រោះឪម៉ាល់នេះ មានស្នាមទឹកហូរបាក់៣ទៅ៤កន្លែង និងកន្លែងផ្សេងទៀតប្រះភ្នំតែម្ដង ។ អ៊ំស្រីសុខ សឿន និយាយថា ការបាក់ភ្នំនេះក្នុងខែ៨ និងខែ៩និងបាក់បន្តបន្ទាប់ទៀត នៅពេលយប់ ខណៈមានភ្លៀងធ្លាក់ជោគជាំ ។
លោក ស៊ុយ ធា ប្រធានមន្ទីរបរិស្ថានខេត្តកំពតបានថ្លែងប្រាប់ឲ្យដឹងកាលពីម្សិលមិញថា ការបាក់ភ្នំនេះឃើញតែអ្នកលេងហ្វេសប៊ុកបង្ហោះ តែនៅឆ្ងាយៗ លោកប្រធានមន្ទីរបរិស្ថានខេត្តនិយាយថា លោកមិនទាន់ទទួលរឿងបាក់ភ្នំនេះជាផ្លូវការនៅឡើយទេ ។ គេបានប្រមើលមើលពីក្រុងកំពតទៅជួរភ្នំចំណុចជ្រោះឪម៉ាល់នោះគេឃើញស្នាមទឹកហូរបាក់ភ្នំជាជ្រលងទឹកហូរតាំងពីលើដល់ក្រោម គេអាចរាប់ឃើញរហូតដល់១៨កន្លែង ។
អ្នកមានចម្ការនិយាយថា មិនទាន់មានសញ្ញាគ្រោះថ្នាក់ទេ ប៉ុន្តែបើមានជ្រលងបែបនេះហើយ បើមានភ្លៀងធ្លាក់បែបគំហុកយ៉ាងនេះអាចនឹងបាក់បន្ត ព្រោះមិនអាចនរណាឡើងទៅទប់ភ្នំបានទេ ហើយបើមានពលរដ្ឋរស់នៅជើងភ្នំប្រាកដជាមានគ្រោះថ្នាក់ ៕
ចែករំលែកព័តមាននេះ