រាជធានីភ្នំពេញ ៖ តបតាមការអញ្ជើញរបស់លោក វ៉ាង យ៉ាង ប្រធានសភាប្រឹក្សានយោបាយប្រជាជនចិននៃសាធារណរដ្ឋប្រជាមានិតចិន នាព្រឹកថ្ងៃទី២៣ ខែតុលា ឆ្នាំ២០១៨ នៅអាកាសយានដ្ឋានអន្តរជាតិភ្នំពេញ ។
គណៈប្រតិភូជាន់ខ្ពស់ព្រឹទ្ធសភានៃព្រះរាជាណាចក្រកម្ពុជា ដឹកនាំដោយសម្តេច វិបុលសេនាភក្តី សាយ ឈុំ ប្រធានព្រឹទ្ធសភាបានអញ្ជើញទៅបំពេញទស្សនកិច្ចផ្លូវការ នៅសាធារណរដ្ឋប្រជាមានិតចិន ចាប់ពីថ្ងៃទី២៣ ដល់ថ្ងៃទី២៦ ខែតុលា ឆ្នាំ២០១៨ ។
ក្នុងអំឡុងពេលបំពេញទស្សនកិច្ចនេះ សម្តេចវិបុលសេនាភក្តី សាយ ឈុំ ប្រធានព្រឹទ្ធសភានឹងជួបពិភាក្សាការងារទ្វេភាគីជាមួយនឹងលោក វ៉ាង យ៉ាង ប្រធានសភាប្រឹក្សានយោបាយប្រជាជនចិនជួបពិភាក្សាការងារជាមួយនឹងលោកលី ហ្សាងស៊ូ ប្រធានសភា តំណាងប្រជាជនចិន និងជួបជាមួយថ្នាក់ដឹកនាំជាន់ខ្ពស់នៃសាធារណរដ្ឋប្រជាមានិតចិនមួយចំនួនទៀត ព្រមទាំងទស្សនាតំបន់វប្បធម៌ និងឧស្សាហកម្មមួយចំនួនក្នុងរដ្ឋធានីប៉េកាំង ៕
ចែករំលែកព័តមាននេះ