ប្រជាពលរដ្ឋពេញភូមិនរណាក៏ចេញមុខធានាអះអាងពីបុរសម្នាក់នេះ
- ភ្នំពេញ
រាជធានីភ្នំពេញ ៖ បុរសកំព្រាម្នាក់ដែលឪពុកម្ដាយបានស្លាប់ចោលអស់តាំងពីច្រើនឆ្នាំមកហើយ ក្រៅពីឪពុកម្ដាយគឺគាត់ក៏គ្មានញាតិសន្ដានផ្សេងទៀតទេ សព្វថ្ងៃស្នាក់ក្នុងភូមិមួយធ្វើជាកម្មករសំណង់ ហើយពេលនេះបុរសនោះត្រូវបានកម្លាំងនគរបាលចាប់ខ្លួនបន្ទាប់ពីមានស្ត្រីម្នាក់ប្ដឹងថា គាត់លួចកាបូបលុយអស់ជិត២ពាន់ដុល្លារ ។ ប៉ុន្តែក្រោយពេលនគរបាលឃាត់ខ្លួនជនសង្ស័យបានបដិសេធន៍យ៉ាងដាច់អហង្ការថា គាត់មិនបានដឹង…
បុរសដែលជនសង្ស័យឈ្មោះ ឆន សុវណ្ណរាជ មានអាយុ៣២ឆ្នាំ មុខរបរកម្មករសំណង់ គាត់ជាកូនកំព្រាត្រូវឪពុកម្ដាយស្លាប់ចោលអស់ មានស្រុកកំណើតនៅក្នុងភូមិជើងព្រៃ ឃុំឈើកាច់ ស្រុកបាភ្នំ ខេត្តព្រៃវែង សព្វថ្ងៃស្នាក់នៅក្នុងភូមិសាមគ្គី៤ សង្កាត់ត្រពាំងក្រសាំង ខណ្ឌពោធិ៍សែនជ័យ។
ប្រភពដដែលបានបន្តថា គាត់មិនបានឃើញមុខទេតែបានសង្ស័យទៅលើបុរសឈ្មោះ ឆន សុណ្ណារាជ ខាងលើនោះព្រោះរាងរៅដូចគ្នា និងមានបន្សល់មួកមួយនៅកន្លែងកើតហេតុផង ម្យ៉ាងកាលពីពេលថ្ងៃបានឃើញជននេះជិះកង់ជិតផ្ទះគាត់ថែមទៀត ទើបព្រឹកឡើងគាត់បានទៅប្ដឹងនគរបាលឲ្យជួយអន្តរាគមន៍ចាប់ខ្លួនបុរសនេះដើម្បីសួរ ។
នគរបាលបានបន្តថា បន្ទាប់ពីសាកសួរ និងស្រាវជ្រាវយ៉ាងល្អិតល្អន់ពេញ១ថ្ងៃរួចមកលោកនាយប៉ុស្តិ៍ត្រពាំងក្រសាំងបានឆ្លងយោបល់លោកព្រះរាជអាជ្ញាអមសាលាដំបូងរាជធានីភ្នំពេញ លោកអធិការ លោកអធិការរង សម្រេចដោះលែងជនសង្ស័យខាងលើឲ្យត្រឡប់ទៅផ្ទះវិញ ព្រោះគ្នានភស្តុតាង និងសាក្សីគ្រប់គ្រាន់ ។ ចំណែកជនរងគ្រោះក៏បានសម្រេចដកពាក្យបណ្ដឹងវិញហើយនិយាយថា គាត់ឈប់ប្ដឹងហើយព្រោះខ្លាចមានវិប្បដិសារីនៅថ្ងៃក្រោយពេលដែលចោទប្រកាន់ទៅលើមនុស្សខុស ៕
ចែករំលែកព័តមាននេះ