រាជធានីភ្នំពេញ ៖ ក្រុមហ៊ុន វីតាល់ ដែលជាក្រុមហ៊ុនផលិតនិងចែកចាយទឹកពិសាគុណភាពខ្ពស់ និងល្បីល្បាញលើសកម្មភាពសប្បុរសធម៌បានត្រឡប់មកជាថ្មីម្ដងទៀតជាមួយសកម្មភាពមួយទៀតប្លែកបន្ថែមដោយ នាំយកលោកតាលោកយាយ វ័យប្រមាណចន្លោះពី ៦០ ទៅ ៨០ឆ្នាំ ចំនួនជាង ១២០នាក់ពីតំបន់ដាច់ស្រយាលនៃខេត្តកំពង់ស្ពឺ មកទស្សនាព្រះបរមរាជវាំងជាលើកដំបូងបំផុតក្នុងឆាកជីវិតរបស់គាត់ ។
បើតាមប្រសាសន៍របស់លោកស្រី កូវ ច័ន្ទនិច បុគ្គលិកពាណិជ្ជសញ្ញាវីតាល់រៀបរាប់ទាំងអារម្មណ៍ក្ដុកក្ដួលបានបញ្ជាក់ថា៖ វីតាល់ពិតជាសប្បាយរីករាយមែនទែនដែលបានសម្រេចក្ដីបំណងរបស់ពួកគាត់ក្នុងការនាំមកទស្សនាព្រះបរមរាជវាំង ដោយហេតុថា ក្នុងមួយឆាកជីវិតប្រមាណជាង ៧០ឆ្នាំនេះគាត់មិនដែលបានមកដល់ទីក្រុងភ្នំពេញសោះឡើយ ទើបយើងសម្រេចចិត្តបង្កើតឡើងនូវសកម្មភាពនេះឡើងនាំពួកគាត់ឱ្យទទួលបានអារម្មណ៍មួយប្លែក និងភាពសប្បាយរីករាយ ។
សួរថាតើពួកគាត់មានពេល ១០ឆ្នាំប៉ុន្មានដងទៀត? ខ្ញុំពិតជាមានក្ដីស្រណោះជាខ្លាំងដែលស្ទើរតែទប់ទឹកភ្នែកពុំបាននៅពេលឮថា គាត់មិនដែលឈានជើងចូលទីក្រុងភ្នំពេញ និងស្គាល់ព្រះបរមរាជវាំងឡើយ។ ដើម្បីសម្រេចក្តីស្រម៉ៃរបស់លោកតា លោកយាយ វីតាល់បានអញ្ជើញលោកតាលោកយាយទៅទស្សនាព្រះបរមរាជវាំងជាលើកទីមួយក្នុងមួយជីវិតរបស់លោក ក្នុងឱកាសចូលរួមគោរពព្រះវិញ្ញាណក្ខន្ធ ព្រះបរមរតនកោដ្ឋជាទីគោរពសក្ការៈដ៏ខ្ពង់ខ្ពស់បំផុត ក្នុងខួបគំរប់ ៦ឆ្នាំនៃការសោយទីវង្គត និងអបអរសាទរពិធីគ្រងរាជសម្បតិ្តរបស់ព្រះករុណាព្រះបាទសម្តេចព្រះបរមនាថសីហមុនីផងដែរ។
លើសពីនេះវីតាល់ក៏ចង់រលឹកអនុស្សាវរីយន៍រវាងលោកតា លោកយាយនឹងសម្តេចព្រះសីហនុ ដោយពួកគាត់មានចិត្តគោរពស្រលាញ់សម្តេចព្រះសីហនុខ្លាំងណាស់ ហើយក៏ចង់ផ្តល់នូវពេលវេលាចងចាំសម្រាប់ពួកគាត់អំពីដំណើរកំសាន្តជុំវិញទីក្រុងភ្នំពេញផងដែរ។ យើងក៏បាននាំពួកគាត់មកទទួលទានអាហារថ្ងៃត្រង់ក្នុងភោជនីយដ្ឋានប្រណីតមួយកន្លែង ជាមួយនឹងការចែកជូនជាអំណោយ ភួយ ក្រមា ស្បែកជើង រួមនឹងថវិកាមួយចំនួន និងដំណើរកម្សាន្តទស្សនារូបសំណាក់ព្រះបរមរតនកោដ្ឋ វិមានឯករាជ្យ និងរមណីយដ្ឋានប្រវត្តិសាស្ត្រវត្តភ្នំសម្រាប់ពួកគាត់ផងដែរ មុននឹងត្រលប់ទៅកាន់គេហដ្ឋានរបស់ពួកគាត់វិញ។
លោកជំទាវ ជឹង សុគន្ធាវី អគ្គនាយិកា នៃក្រុមហ៊ុនវីតាល់បានមានប្រសាសន៍ថា នេះជាសកម្មភាពមនុស្សធម៌ និងសប្បុរសធម៌មួយថ្មីទៀតដែលវីតាល់បានធ្វើឡើងថា ជាការពិតណាស់វាគួរឱ្យសោកសង្វេគជាខ្លាំងនៅពេលដែលខ្ញុំបានឭលោកយាយម្នាក់ខ្សឹបប្រាប់ខ្ញុំថា «ចៅអើយ! យាយមិនដែលស្គាល់វាំងខ្មែរយើងទេ» ។
លោកជំទាវបន្តទៀតថា នេះមិនមែនជាលើកទីមួយទេ សម្រាប់វីតាល់ ចូលរួមក្នុងសកម្មភាពមនុស្សធម៌ និងសប្បុរសធម៌បែបនេះ គឺយើងតែងតែព្យាយាមពាំនាំនូវមូលនិធិទៅប្រើប្រាស់បន្តបន្ទាប់នៅតាមទីកន្លែងផ្សេងៗគ្នា។ លោកជំទាវ ក៏បានថ្លែងអំណរគុណដល់ក្រសួងព្រះបរមរាជវាំង ដែលបានចួលរួមជួយសម្របសម្រួល និងអនុញ្ញាតឱ្យវីតាល់បង្កើតឲ្យមានកម្មវិធីនេះឡើងយ៉ាងរលូន។
ក្រសួងព្រះបរមរាជវាំងដែលមានតំណាងមគ្គុទេស បានបង្ហាញក្តីសា្វគមន៍យ៉ាងកក់ក្តៅដល់ក្រុមហ៊ុន វីតាល់ និងលោកតាយាយដែលបានអញ្ជើញមកទស្សនានៅក្នុងព្រះបរមរាជវាំងនេះ។ នេះជាលើកទីមួយ ហើយថ្មីបំផុតដែលលោកមានការភ្ញាក់ផ្អើលមែនទែនដែលក្រុមហ៊ុនឯកជនមួយបានចំណាយពេលវេលា និងថវិកាសម្រាប់លោកតាយាយចាស់ជរាជាង ១០០នាក់នាំមកទស្សនាដល់ទីនេះស្របពេលដែលមានតែក្រុមភ្ញៀវអន្តរជាតិតែប៉ុណ្ណោះដែលទស្សនាជាច្រើនបែបនេះ។
ការឧបត្ថម្ភនេះពិតជាមានគុណតម្លៃ ដែលមិនអាចកាត់ថ្លៃបានសម្រាប់ពួកគាត់។ លោកបន្តថា ការចូលរួមនេះ បានឆ្លុះបញ្ចាំងនូវវប្បធម៌ចែករំលែកដ៏ប្រពៃ និងការគិតគូរយ៉ាងខ្ជាប់ខ្ជួនក្នុងវិស័យមនុស្សធម៌ និងសប្បុរសធម៌ដែលក្រុមហ៊ុនដទៃគួរយកចិត្តទុកដាក់ចូលរួម ជាក់ស្ដែងដូចអ្វីដែលវីតាល់កំពុងធ្វើនៅទីនេះ។
គួរបញ្ជាក់ផងដែរថា ទស្សនវិស័យរបស់ វីតាល់ មិនត្រឹមតែចង់ធ្វើសកម្មភាពសប្បុរសធម៌កាន់តែច្រើននោះទេ ក្រុមហ៊ុនក៏មានបំណង លើកទឹកចិត្តនិងផ្សព្វផ្សាយកម្មវិធីសប្បុរសធម៌នៅក្នុងប្រទេសកម្ពុជាឲ្យមានភាពកាន់តែពុះកញ្ជ្រោលផងដែរ។ វីតាល់ប្តេជ្ញាថា នឹងយកកញ្ចប់ថវិកាសប្បុរសធម៌២៥រៀល ដែលបានចូលរួមពីអតិថិជនទាំងអស់ទៅធ្វើកម្មវិធីសប្បុរសធម៌ជាច្រើនបន្ថែមទៀត ដើម្បីឧទ្ទិសកុសលផលបុណ្យ ជូនត្រឡប់ទៅអតិថិជនទាំងអស់វិញ។
ដូច្នេះសូមចងចាំថា គ្រាន់តែជាអតិថិជនវីតាល់ អ្នកគឺបានចូលរួមធ្វើបុណ្យកុសល និងចូលរួមចំណែកនៃការជួយ និងអភិវឌ្ឍសង្គមបានជាច្រើន «វីតាល់មោទនភាពផលិតផលជាតិ»៕ ដោយសហការ
ចែករំលែកព័តមាននេះ