រាជធានីភ្នំពេញ៖ អភិបាលរាជធានីភ្នំពេញ បានផ្តល់ប័ណ្ណកម្មសិទ្ធិអចលនទ្រព្យជូនប្រជាពលចំនួន៨៣៧គ្រួសារ រស់នៅសហគមន៏វិមានទ្រង់ សង្កាត់ក្រាំងធ្នង់ ខណ្ឌសែនសុខ ដើម្បីផ្តល់ភាពងាយស្រួលដល់ប្រជាពលរដ្ឋ ក្នុងការយកប័ណ្ណកម្មសិទ្ធិនេះទៅប្រើប្រាស់តាមតម្រូវការរស់នៅក្នុងជីវភាពប្រចាំថ្ងៃ។
ក្នុងពិធីចែកវិញ្ញាបនប័ត្រសំគាល់សិទ្ធិ អចលនវត្ថុជូនប្រជាពលរដ្ឋនៅសហគមន៏វិមានទ្រង់ ស្ថិតក្នុងសង្កាត់ក្រាំងធ្នង់ ខណ្ឌសែនសុខ កាលពីព្រឹកថ្ងៃទី ២២ តុលា លោក ឃួង ស្រេង អភិបាលរាជធានីភ្នំពេញ បានមានប្រសាសន៍ថា បន្ទាប់ពីមន្ត្រីជំនាញរៀបចំនិតិវិធី ដំណាក់កាលចុងក្រោយនៃការចុះបញ្ជីដីធ្លី មានលក្ខណៈជាប្រពន្ធ័រួចរាល់មក នៅពេលនេះ រដ្ឋបាលសាលារាជធានីភ្នំពេញ បានប្រគល់ប័ណ្ណកម្មសិទ្ធិស្របច្បាច់ជូនបងប្អូនតែម្តង។
លោក អភិបាលបញ្ជាក់ថា ការផ្តល់ប័ណ្ណនេះ ជាយុទ្ធសាស្ត្រចតុកោណ របស់រាជរដ្ឋាភិបាល លើវិស័យដីធ្លី ធ្វើយ៉ាងឲ្យប្រជាពលរដ្ឋគ្រប់ៗគ្នា ទទួលបាននូវប័ណ្ណកម្ម សិទ្ធិដីធ្លីស្របច្បាប់នេះ ដើម្បីចូលរួមកាត់បន្ថយភាពក្រីក្ររបស់បងប្អូន ហើយប័ណ្ណមួយសន្លឹកដែលរដ្ឋបាលរាជធានីប្រគល់ជូនបងប្អូននាពេលនេះ គឺមានតម្លៃស្មើនឹងតម្លៃផ្ទះឬក្បាលដីនីមួយៗរបស់បងប្អូន ។ ដូច្នេះសូមបងប្អូនត្រូវថែរក្សាការពារ ឲ្យបានល្អ និងមានសុវត្ថិភាព។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ