ខេត្តកំពង់ចាម ៖ ក្រោមការចង្អុលបង្ហាញពីសំណាក់លោក គួច ចំរើន អភិបាលនៃគណៈអភិបាលខេត្តស្ថាប័នជំនាញបានចុះបង្ក្រាបបទល្មើសនេសាទ ដោយបានសហការជាមួយនឹងកម្លាំងនគរបាលអធិកា
រដ្ឋាននគរបាលស្រុកបាធាយ ។
ដោយបានចំណាយពេលស្ទើរពេញ០១ថ្ងៃ នៅទី២១ តុលានេះ និងបន្តសកម្មភាពនៅកន្លែងផ្សេងទៀតនៅថ្ងៃទី២២ តុលា ២០១៨ ហើយបានបំផុសពលរដ្ឋកុំឲ្យប្រើប្រាស់នូវឧបករណ៍នេសាទខុសច្បាប់បន្តទៀត ។
លោកអ៊ុក ណារិន នាយខណ្ឌរដ្ឋបាលជលផលខេត្តកំពង់ចាមឲ្យដឹងថា ក្រោមកិច្ចសហការជាមួយនឹ
ង សមត្ថកិច្ចនោះនៅថ្ងៃទី២១ តុលានេះ រូបលោកបានដឹកនាំកម្លាំងចុះបង្ក្រាបចំនួន០៤ករណី នៅកន្លែ
ងផ្សេងគ្នា បានស្បៃមុង រហូតដល់ទៅរាប់ពាន់ម៉ែត្រ និងបានចាក់លែងកូនត្រីទៅក្នុងបឹងធម្មជាតិរាប់រយគីឡូក្រាម ហើយក្រុមអ្នកដែលប្រព្រឹត្តិបទល្មើសបានគេចខ្លួនបាត់អស់ ។
លោកអ៊ុក ណារិន នាយខណ្ឌរដ្ឋបាលជលផលខេត្តបន្តថា ចំពោះលទ្ធផលដែលបង្ក្រាបបានរួមមាន
ករណីទី០១- បានលូស្បៃមុងចំនួន៤៤មាត់ របាំងស្បៃមុងប្រវែង២២០០ម៉ែត្រ បង្គោលចម្រឹងចំនួន
៦៦០ដើម ចាក់លែងកូនត្រីទង្ងន់៦៧៥គីឡូក្រាម ត្រង់ចំណុចស្រះហ៊ីង ឃុំត្រប់ ស្រុកបាធាយ ។
ករណីទី០២- លូស្បៃមុងចំនួន១៧មាត់ របាំងស្បៃមុងប្រវែង៨៥០ម៉ែត្រ បង្គោលចម្រឹងចំនួន២៥៥ដើម
ចាក់លែងកូនត្រីចម្រុះទម្ងន់៨៥គីឡូក្រាម ត្រង់ចំណុចគោកសំរោង ឃុំត្រប់ ។ ករណីទី០៣-លូស្បៃមុងចំនួន១៦មាត់ របាំងស្បៃមុងប្រវែង៨០០ម៉ែត្រ បង្គោលចម្រឹងចំនួន២៤០ដើម ចាក់លែងកូនត្រីចំម្រុះទម្ងន់៤៨គីឡូក្រាម ត្រង់ចំណុចបឹងក្រសារ ឃុំត្រប់ ស្រុកបាធាយ ។ ករណីទី០៤- លូស្បៃមុងចំនួន៣២មាត់ របាំងស្បៃមុង ប្រវែង៣២០ម៉ែត្រ បង្គោលចម្រឹងចំនួន៣២០ ដើម ចាក់លែងកូនត្រីចម្រុះទម្ងន់៩៦គីឡូក្រាម ត្រង់ចំណុចទួលឫស្សីសាញ់ ឃុំត្រប់ ស្រុកបាធាយ ។ សរុបសកម្មភាពបង្ក្រាបទល្មើសទាំង០៤ករណី លូស្បៃមុងសរុប១០៩មាត់ របាំងស្បៃមុងប្រវែង ៤.១៧០ម៉ែត្រ បង្គោលចំនួន១.៤៧៥ដើម ចាក់លែងកូនត្រីសរុបទម្ងន់ ៩០៤គីឡូក្រាម ។
លោកអ៊ុក ណារិន នាយខណ្ឌរដ្ឋបាលជលផលខេត្តបញ្ជាក់ថា ផ្អែកតាមរដ្ឋមន្ត្រីក្រសួងកសិកម្មរុក្ខាប្រ
មាញ់ និងនេសាទក៏ដូចជា លោកអភិបាលខេត្តបានជម្រុញឲ្យស្ថាប័នជំនាញបន្តចុះសហការជាមួយ
នឹងកងកម្លាំងសមត្ថកិច្ច ព្រមទាំងអាជ្ញាធរមូលដ្ឋានត្រូវបន្តចុះបង្ក្រាបបទល្មើសនេសាទ បន្តទៀតឲ្យ
បានដូចភ្លៀងរលឹម ទោះបីជារដូវបើកនេសាទយ៉ាងណាក្តី ៕
ចែករំលែកព័តមាននេះ