ខេត្តព្រះវិហារ ៖ យោងតាមរបាយការណ៍របស់ស្នងការដ្ឋាននគរបាលខេត្តព្រះវិហារ ក្នុងរយៈពេល៩ខែឆ្នាំ២០១៨ នេះបានបង្ហាញថា ករណីគ្រោះថ្នាក់ចរាចរណ៍នៅខេត្តព្រះវិហារមានការថយចុះ១១ករណី បើប្រៀបធៀបនឹងរយៈពេលដូចគ្នាកាលពីឆ្នាំ២០១៧កន្លងទៅ តែអ្វីដែលគួរឲ្យកត់ សម្គាល់នោះ ចំនួនអ្នកស្លាប់ដោយសារគ្រោះថ្នាក់នេះមានការកើនឡើងទៅវិញ…
ខេត្តព្រះវិហារ ៖ យោងតាមរបាយការណ៍របស់ស្នងការដ្ឋាននគរបាលខេត្តព្រះវិហារ ក្នុងរយៈពេល៩ខែឆ្នាំ២០១៨ នេះបានបង្ហាញថា ករណីគ្រោះថ្នាក់ចរាចរណ៍នៅខេត្តព្រះវិហារមានការថយចុះ១១ករណី បើប្រៀបធៀបនឹងរយៈពេលដូចគ្នាកាលពីឆ្នាំ២០១៧កន្លងទៅ តែអ្វីដែលគួរឲ្យកត់ សម្គាល់នោះ ចំនួនអ្នកស្លាប់ដោយសារគ្រោះថ្នាក់នេះមានការកើនឡើងទៅវិញ ។
ស្របពេលជាមួយគ្នានេះ ការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តព្រះវិហារ បានពង្រឹងការផាកពិន័យតាមផ្លូវច្បាប់ដោយគ្មានការលើកលែងឡើយ ចំពោះបុគ្គលដែលនៅតែមិនរាងចាលបំពានច្បាប់ចរាចរណ៍ផ្លូវគោក នៅតាមគោលដៅសំខាន់ៗចំនួន៣ក្នុងខេត្តព្រះវិហារ ។
ថ្លែងប្រាប់អ្នកសារព័ត៌មានលោកវរសេនីយ៍ឯក ស៊ី សុគន្ធរដ្ឋា នាយការិយាល័យចរាចរណ៍ផ្លូវគោកស្នងការដ្ឋាននគរបាលខេត្តព្រះវិហារ បានឲ្យដឹងថា គោលដៅសំខាន់ៗដែលមន្ត្រីនគរបាលចរាចរណ៍អនុវត្ត មាន៣ទីតាំងសំខាន់ៗ ក្នុងនោះ ទី១-នៅភូមិហ្មសែត សង្កាត់ប៉ាលហាល ក្រុងព្រះវិហារ ផ្លូវជាតិលេខ៦២ ទី២-នៅភូមិមហាផល ឃុំឈានមុខ ស្រុកត្បែងមានជ័យ ផ្លូវជាតិលេខ៦២ និងទី៣-ភូមិពោធិ៍ខឿន ឃុំពោធិ៍ ស្រុកត្បែងមានជ័យ ផ្លូវជាតិលេខ៩ ដែលជាទីតាំងដែលចរាចរណ៍មមាញឹកជាងគេ ។
លោកបន្តថា ដោយសារតែបច្ចុប្បន្ននេះនៅខេត្តព្រះវិហារ ករណីគ្រោះថ្នាក់ចរាចរណ៍មានការថយចុះបន្តិចមែន តែករណីនេះ នៅតែកើតមានជាហូរហែរ ដោយសារតែការធ្វេសប្រហែសរបស់អ្នកបើកបរ មិនគោរពច្បាប់ចរាចរណ៍ បើកបរយានយន្តមិនបានពាក់ខ្សែ ក្រវ៉ាត់ ជិះម៉ូតូមិនពាក់មួកសុវត្ថិភាព បើកបរលើសល្បឿនកំណត់ ភាគច្រើនករណីនេះកើតឡើងដោយសារស្ថានភាពស្រវឹងពេលបើកបរជាដើម ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ