ខេត្តបន្ទាយមានជ័យ ៖ ជនសង្ស័យដែលសម្លាប់មិត្តភក្តិខ្លួនឯង ព្រោះតែក្នុងរឿងគំនុំ ត្រូវបានកម្លាំងនគរបាលជំនាញផែននគរបាលព្រហ្មទណ្ឌខេត្ត សហកាជាមួយកម្លាំងនគរបាលក្រុងសិរីសោភ័ណ ដឹកនាំបញ្ជាផ្ទាល់របស់លោកឧត្តមសេនីយ៍ទោអាត់ ខែម ស្នងការនគរបាលខេត្ត និងលោកឧត្តមសេនីយ៍ត្រី…
ខេត្តបន្ទាយមានជ័យ ៖ ជនសង្ស័យដែលសម្លាប់មិត្តភក្តិខ្លួនឯង ព្រោះតែក្នុងរឿងគំនុំ ត្រូវបានកម្លាំងនគរបាលជំនាញផែននគរបាលព្រហ្មទណ្ឌខេត្ត សហកាជាមួយកម្លាំងនគរបាលក្រុងសិរីសោភ័ណ ដឹកនាំបញ្ជាផ្ទាល់របស់លោកឧត្តមសេនីយ៍ទោអាត់ ខែម ស្នងការនគរបាលខេត្ត និងលោកឧត្តមសេនីយ៍ត្រី សិទ្ធ ឡោះ ស្នងការរង ទទួលផែននគរបាលព្រហ្មទណ្ឌ ចុះស្រាវជ្រាវឈានចាប់ឃាត់ខ្លួនបាន និងបង្ហាញមុខជាសាធារណៈ នៅថ្ងៃទី១៧ ខែតុលា ឆ្នាំ២០១៨ និងរៀបចំសំណុំរឿងបញ្ជូនខ្លួនទៅសាលាដំបូងខេត្តនាថ្ងៃនេះផងដែរ។
លោកឧត្តមសេនីយ៍ត្រី សិទ្ធិ ឡោះ ស្នងការរងនគរបាលខេត្ត ទទួលផែននគរបាលព្រហ្មទណ្ឌ បានឲ្យដឹងថា៖ បន្ទាប់ពីទទួទលបាននូវព័ត៌មានពីប្រជាពលរដ្ឋនៅម៉ោង១២ថ្ងៃត្រង់ថ្ងៃទី១៥ ខែតុលាឆ្នាំ២០១៨ ថា បានប្រទះឃើញសពបុរសម្នាក់ស្លាប់នៅក្នុងគុម្ពស្មៅផ្លាំង ចំណុចសាលាអ៊ិនតាំ ក្បែរផ្លូវជាតិលេខ៥ ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ ដែលត្រូវបានឃាតករសម្លាប់ ។
លោកឧត្តមសេនីយ៍ទោអាត់ ខែម ស្នងការនគរបាលខេត្ត និងរូបលោកផ្ទាល់ បានដឹកនាំកម្លាំងជំនាញ ផែននគរបាលព្រហ្មទណ្ឌ និងកម្លាំងនគរបាលក្រុងសិរីសោភ័ណ ចុះដល់កន្លែងប្រទះឃើញសព ដើម្បីធ្វើការត្រួតពិនិតយ្យលើខ្លួនសព រួចបើកការស៊ើបអង្កេតឈានដល់ការបង្ក្រាបជនសង្ស័យនៅល្ងាចថ្ងៃដដែល គឺថ្ងៃទី១៥ ខែតុលា ឆ្នាំ២០១៨ តាមបញ្ជាការរបស់លោកឧត្តមសេនីយ៍ទោ អាត់ ខែម ស្នងការនគរបាលខេត្ត និងដោយមានការសម្របសម្រួលពីលោកព្រះរាជអាជ្ញាអមសាលាដំបូងខេត្តបន្ទាយមានជ័យ គឺលោកមាស ច័ន្ទពិសិដ្ឋ ។
លោកឧត្តមសេនីយ៍ត្រី សិទ្ធ ឡោះ ស្នងការរងបានបញ្ជាក់ថា ជនរងគ្រោះដែលស្លាប់ឈ្មោះ ជុង អ៊ុង ភេទប្រុស អាយុ៣១ឆ្នាំ នៅភូមិព្រះពន្លា សង្កាត់ព្រះពន្លា ក្រុងសិរីសោភ័ណ ចំណែកជនដៃដល់ឈ្មោះ មាស គីហុង ភេទប្រុសអាយុ២១ឆ្នាំ នៅភូមិសូភី សង្កាត់កំពង់ស្វាយ ក្រុងសិរីសោភ័ណ ។ ជនរងគ្រោះគឺជាបងធំរបស់ជនដៃដល់ ក្នុងករណីជួញដូរគ្រឿងញៀន។
ចំពោះករណីឈានដល់កើតមានឃាតកម្មនេះ គឺផ្តើមចេញពីបញ្ហាចំនួន៣ចំណុច គឺ ១-ជនរងគ្រោះបានយកម៉ូតូរបស់ជនសង្ស័យជាកម្មសិទ្ធិជាមធ្យោបាយក្នុងការលក់ចែកចាយគ្រឿងញៀន ២-ករណីជនរងគ្រោះមិនឲ្យខ្លួនចេញពីបន្ទប់ជួល បង្អត់បាយ និងបំបាត់ទំនុកទុកចិត្តមកលើខ្លួន ព្រោះក្នុងរឿងស្រីញី
(ប្រច័ណ្ឌខ្លួននិងសង្សាគេ) និង៣-បញ្ហាគ្រឿងញៀន នេះបើតាម សំដីសារភាពរបស់ជនដៃដល់។
លោកឧត្តមសេនីយ៍ស្នងការរង បានបន្តទៀតថា ចម្លើយរបស់ជនសង្ស័យ បានបន្តទៀតនៅយប់ថ្ងៃកើតហេតុ ខ្លួននិងជនរងគ្រោះឈ្មោះ ជុង អ៊ុង បានជិះម៉ូតូទៅទិញថ្នាំញៀនពីឈ្មោះ អ៊ុក ពិន នៅភូមិបាលិ
លេយ្យ២ សង្កាត់ប៉ោយប៉ែត ខេត្តបន្ទាយមានជ័យ ដោយខ្លួនជាអ្នកឌុប ពេលត្រឡប់មកវិញ ខ្លួនមានបំណងចង់ព្រមានជនរងគ្រោះ ដោយឲ្យជនរងគ្រោះជាអ្នកបើកម៉ូតូម្តង ។
ជនសង្ស័យបាននិយាយជាច្រើនដង តែជនរងគ្រោះមិនព្រម ពេលនោះជនសង្ស័យបានបើកម៉ូតូយ៉ាងលឿន លុះដល់ចំណុចកើតហេតុ ជនសង្ស័យក៏បានលោតចេញពីម៉ូតូ បណ្តាលជនរងគ្រោះនិងម៉ូតូធ្លាក់ពីលើថ្នល់សន្លប់ ជាឱកាសល្អខ្លួនក៏ច្របាច់កបណ្តាលឱ្យជនរងគ្រោះស្លាប់ នៅវេលាម៉ោង១រំលងអាធ្រាត ឈានចូលថ្ងៃទី១៥ ខែតុលា ឆ្នាំ២០១៨ បន្ទាប់មកជនសង្ស័យក៏យកម៉ូតូជិះគេចខ្លួនបាត់។
លោកឧត្តមសេនីយ៍ស្នងការរងបានបញ្ជាក់ថា ក្នុងករណីបង្ក្រាបអំពើឃាតកម្មនេះ កម្លាំងនគរបាលជំនាញ ក៏បានស្រាវជ្រាវនិងឈានដល់ការបង្ក្រាបចាប់ឃាត់ខ្លួនជនសង្ស័យម្នាក់ទៀតឈ្មោះ អ៊ុក ពិន នៅភូមិបាលិលេយ្យ២ សង្កាត់ប៉ោយប៉ែត ខេត្តបន្ទាយមានជ័យ ក្នុងករណីជួញដូរគ្រឿងញៀន ដែលធ្វើសកម្មភាពលក់ ឲ្យជនដៃដល់និងជនរងគ្រោះនោះផងដែរ។
បច្ចុប្បន្នជនជនសង្ស័យ ក្នុងករណីអំពើឃាតកម្មនិងករណីជួញដូរគ្រឿងញៀន កម្លាំងជំនាញកំពុងរៀបចំណុំរឿងបញ្ជូនទៅសាលាដំបូងខេត្តផងដែរ៕
គួររំលឹកថា មានអ្នកស្គាល់គាត់ទេ? ត្រូវគេសម្លាប់យ៉ាងសាហាវណាស់
ចែករំលែកព័តមាននេះ