រាជធានីភ្នំពេញ ៖ តារាចម្រៀងស៊ិន ឧត្តមផល្លា បានងាកមកចាប់ការងារសិល្បៈវិញមានទាំងច្រៀង ហើយបង្កើនសមត្ថភាពក្លាយជាតារាសម្តែងនៅតាមផលិតកម្មមួយចំនួន។ ថ្មីៗនេះអ្នកនាងហាក់បង្ហាញនូវការមិនសប្បាយចិត្តទៅលើបុគ្គលមួយចំនួនបានមើលស្រាលដល់រូបនាងជានារីមេម៉ាយខ្លួនមួយ។ អ្នកនាងមិនបារម្ភរឿងអត់មានគូ បើសិនជាព្រមហើយផ្តាំដល់អ្នករិះគន់នាងគួរយកពេលថែប្តីខ្លួនកុំឲ្យបាត់ ដើម្បីកុំឲ្យមេម៉ាយដូចនាង។
ក្រោយពេលរសាត់ខ្លួនក្នុងអាជីពសិល្បៈវិញ អ្នកនាងផល្លាហាក់មានការសប្បាយចិត្តក្រោយពេលទទួលបានឱកាសក្រសោបបាននូវកិច្ចការជាច្រើន ជាពិសេសការសម្តែងភាពយន្តដែលជាចំណុចថ្មីមិនធ្លាប់សាកល្បង។ អ្នកនាងអាចច្រៀងបទបរទេសបានច្រើនសាសន៍ អ្នកនាងប្រាប់ថា ពេលនេះ បានចូលធ្វើជាតារាចម្រៀងតាមភោជនីយដ្ឋានវិញ នៅក្នុងភោជនីយដ្ឋានពិភពរាត្រី។
អាជីពនេះ នាងបានបោះបង់ចោលអស់រយៈពេលយ៉ាងយូរណាស់មកហើយ និងជាលើកដំបូងបំផុតតាំងពីសម្រេចវិលមកសិល្បៈម្ដងទៀតមក។ ការបោះជំហានទៅរកអាជីពចាស់នេះ គឺបន្ទាប់ពីអ្នកនាងទទួលបានការពេញចិត្តពេញថ្លើមពីម្ចាស់ភោជនីយដ្ឋានខាងលើ។
ផល្លា អះអាងថា នាងមានអារម្មណ៍ភ្ញាក់ផ្អើល និងរីករាយ ចំពោះដទទួលបានការកោះហៅមួយនេះ ត្បិតថា នាងមិនដែលនឹកស្មានឡើយថា នាងអាចវិលទៅរកអាជីពចាស់វិញបាន ដោយសារវ័យរាងច្រើនទៅហើយ។
បើមើលទៅលើសំណេរក្នុងបណ្តាញសង្គមរបស់អ្នកនាងផល្លា បានលើកឡើងទំនងចង់តបឲ្យជនមួយចំនួនដែលបាននិយាយមិនល្អមកលើនាងថា «សូមជំរាបដល់អ្នកមាត់អេកអូចអត់បានការ ដែលចូលចិត្តជំនុំជុំពារពីរឿងខ្ញុំ សុទ្ធតែខ្ញុំមេម៉ាយអត់ប្តី ចង់ប្រាប់ថា បើខ្ញុំចង់យកប្តីថ្ងៃណាក៏បានដែរ គឺប្តីដែលនៅកំឡោះ ហើយមានឋានៈជាឯកឧត្ដមទៀត ប៉ុន្តែខ្ញុំអត់ចង់រស់នៅជាមួយមនុស្សដែលខ្ញុំមិនស្រឡាញ់ ។
ហើយខ្ញុំសូមផ្តាំថា បើអ្នកឯងមានប្តីត្រូវយកពេលថែរក្សាប្តីប្រពន្ធអ្នកឯងអោយល្អទៅ កុំចាំបាច់ចេះដឹងរឿងជីវិតខ្ញុំ ហើយកុំមើលងាយគេរឿងមេម៉ាយអត់ប្តី តិចថ្ងៃណាមួយប្តីងាប់ចោលក្លាយជាស្រីមេម៉ាយដែរ ខែនេះខែភ្ជុំផង តិចប្រែតមកយកប្តីងាប់ចោលវើយ»។
ចែករំលែកព័តមាននេះ