ខេត្តកំពង់ធំ ៖ ហេតុការណ៍បុរសម្នាក់ចងកសម្លាប់ខ្លួនបានបង្ករឲ្យមានការភ្ញាក់កាលពីវេលាម៉ោង៥ល្ងាចថ្ងៃទី១៣ ខែតុលា ឆ្នាំ២០១៨ ស្ថិតក្នុងចំការស្វាយចន្ទីមួយកន្លែង នៅក្នុងភូមិគគីរ ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ ។
លោកវរសេនីយ៍ឯក ផល ធឿន អធិការនគរបាលស្រុកប្រាសាទបល្ល័ង្កបានឱ្យដឹងថា ជនរងគ្រោះដែលស្លាប់ឈ្មោះ នឹប វន ភេទប្រុស អាយុ៦៥ឆ្នាំ មានកូនចំនួន៥នាក់ (ប្រុស៣នាក់ ស្រី២នាក់) ក្នុងនោះកូនៗទាំង៥នាក់របស់ជនរងគ្រោះ រៀបការរួចបាន២នាក់ ចំណែកកូនៗដែលមិនទាន់រៀបការទាំង៣នាក់ ពួកគេបានទៅរស់នៅជាមួយនឹងបងៗរបស់ពួកគេនៅឯទីក្រុងភ្នំពេញ ដោយទុកឲ្យជនរងគ្រោះរស់នៅតែម្នាក់
ឯងនៅក្នុងភូមិកើតហេតុខាងលើ ។
បើយោងតាមការបំភ្លឺរបស់ឈ្មោះ អូន រ៉ា ភេទប្រុស អាយុ៣២ឆ្នាំ ជាប្រជាពលរដ្ឋរស់នៅភូមិកើតហេតុប្រាប់ថាជនជនរងគ្រោះជាមនុស្សញៀនស្រា ចាប់តាំងពីប្រពន្ធស្លាប់ចោលទៅ ជនរងគ្រោះតែងតែផឹកស្រវឹងជាប្រចាំ ។
នៅមុនពេលកើតហេតុ វេលាម៉ោងប្រហែល៩ព្រឹក គាត់ឃើញជនរងគ្រោះដើរកាន់ស្រា.សមួយដបទឹកបរិសុទ្ធ មកបបួលគាត់ផឹក តែ គាត់ប្រាប់ទៅជនរងគ្រោះវិញថា គាត់មិនផឹកទេ ឮដូច្នេះជនរងគ្រោះក៏ដើរចេញទៅបាត់មិនដឹងទៅណានោះដែរ លុះដល់ម៉ោងប្រហែល២រសៀល គាត់បានជិះម៉ូតូកាត់តាមខ្ទមចំការស្វាយចន្ទីរបស់ជនរងគ្រោះដើម្បីទៅស្រែ តែមិនបានឃើញជនរងគ្រោះនៅក្នុងខ្ទមទេ ។
លុះដល់ម៉ោងប្រហែល៥នាទីល្ងាច នៅពេលដែលគាត់ត្រឡប់មកពីស្រែវិញ មកដល់ចំការជនរងគ្រោះ ស្រាប់តែឃើញជនរងគ្រោះធ្វើអត្តឃាតចងកនិងក្រមាចងភ្ជាប់ទៅនឹងដើមស្វាយចន្ទីស្លាប់បាត់ទៅហើយ ពេលនោះគាត់ក៏បានទូរស័ព្ទហៅប្រជាការពារភូមិ និងបងប្អូនក្នុងភូមិឲ្យមកពិនិត្យមើល ។
ក្រោយពីទទួលបានព័ត៌មានភ្លាមកម្លាំងជំនាញ និងប៉ុស្ដិ៍នគរបាលសាលាវិស័យបានចុះដល់កន្លែងកើតហេតុ និងពិនិត្យសាកសព តាមការស្រាវជ្រាវពិនិត្យវិភាគកន្លែងកើតហេតុ សមត្ថកិច្ចសន្និដ្ឋានថា ជនរងគ្រោះពិតជាស្លាប់ដោយសាធ្វើអត្តឃាតដោយចងកប្រាកដមែន ដោយមិនពាក់ព័ន្ធបទល្មើសព្រហ្មទណ្ឌណាមួយឡើយ មូលហេតុស្រវឹងស្រា ។ បន្ទាប់ពីពិនិត្យរួច សពត្រូវបានប្រគល់ជូនក្រុមគ្រួសារធ្វើបុណ្យតាមប្រពៃ
ណី ៕
ចែករំលែកព័តមាននេះ