ខេត្តស្វាយរៀង ៖ គ្រោះថ្នាក់ចរាចរណ៍ដ៏អាក្រក់បង្កឡើងដោយរថយន្តកុងតឺន័រសណ្តោងរ៉ឺម៉ក១គ្រឿង ពាក់ស្លាកលេខភ្នំពេញ 3C 4429 បើកវ៉ាជែងរថយន្តកុងតឺន័រដូចគ្នា តែវ៉ាមិនផុតក៏បុកគូថគ្នាពីក្រោយពេញទំហឹង បណ្តាលឲ្យខូចកាប៊ីនមុខខ្ទេចយ៉ាងដំណំ បណ្តាលឲ្យតៃកុងរងរបួសធ្ងន់…
ខេត្តស្វាយរៀង ៖ គ្រោះថ្នាក់ចរាចរណ៍ដ៏អាក្រក់បង្កឡើងដោយរថយន្តកុងតឺន័រសណ្តោងរ៉ឺម៉ក១គ្រឿង ពាក់ស្លាកលេខភ្នំពេញ 3C 4429 បើកវ៉ាជែងរថយន្តកុងតឺន័រដូចគ្នា តែវ៉ាមិនផុតក៏បុកគូថគ្នាពីក្រោយពេញទំហឹង បណ្តាលឲ្យខូចកាប៊ីនមុខខ្ទេចយ៉ាងដំណំ បណ្តាលឲ្យតៃកុងរងរបួសធ្ងន់ ហើយបានគេចខ្លួនបាត់ភ្លាមៗផងដែរ ។
ករណីគ្រោះថ្នាក់ចរាចរណ៍នេះកើតឡើង កាលពីវេលាម៉ោង១២និង១០នាទីយប់រំលងអធ្រាត្រថ្ងៃទី៤ ឈានចូលថ្ងៃទី៥ តុលា ២០១៨ នៅលើកំណាត់ផ្លូវជាតិលេខ១ ត្រង់ចំណុចខាងលិចផ្សារក្រោលគោ ចម្ងាយ២០០ម៉ែត្រ ស្ថិតនៅភូមិព្រៃតាញ៉យ ឃុំក្រោលគោស្រុកស្វាយជ្រំ ។
បើតាមសមត្ថកិច្ចបានឲ្យដឹងថា ក្រោយពីបង្កឲ្យមានគ្រោះថ្នាក់ចរាចរណ៍ភ្លាមៗនោះតៃកុងរងរបួសបានគេចខ្លួនបាត់ភ្លាមៗបន្សល់ទុករថយន្តខូចនៅកណ្តាលថ្នល់តែម្តង រីឯរថយន្តកុងតឺន័រមួយគ្រឿងទៀតដែលគេបុកពីក្រោយបានបន្ថែមល្បឿនទៅបាត់ស្រមោលដែរ ទុកឲ្យសមត្ថកិច្ចដេកយាមមួយយប់ទល់ភ្លឺរហូតដល់ម៉ោង១០ព្រឹក ទើបឃើញម្ចាស់រថយន្តយករថយន្តមកសាងកន្ទុយ រ៉ឺម៉កទៅរាជធានីភ្នំពេញ និងស្ទូចក្បាលរថយន្តយកទៅជួសជុលដោយខ្លួនឯង ។ មូលហេតុបើកវ៉ាជែងខ្វះការប្រុងប្រយត្ន័ ៕
ចែករំលែកព័តមាននេះ