ខេត្តសៀមរាប ៖ កម្លាំងសមត្ថកិច្ចផែនការងារសន្តិសុខ នគរបាលខេត្តសៀមរាប ដឹកនាំដោយលោកឧត្តមសេនីយ៍ត្រី ហួត សុធី ស្នងការរងទទួលផែនការងារសន្តិសុខ នៃស្នងការដ្នាននគរបាលខេត្តសៀមរាប ចុះធ្វើការឃាត់ខ្លួនជនសង្ស័យ២នាក់ជាអ្នកកាសែត…
ខេត្តសៀមរាប ៖ កម្លាំងសមត្ថកិច្ចផែនការងារសន្តិសុខ នគរបាលខេត្តសៀមរាប ដឹកនាំដោយលោកឧត្តមសេនីយ៍ត្រី ហួត សុធី ស្នងការរងទទួលផែនការងារសន្តិសុខ នៃស្នងការដ្នាននគរបាលខេត្តសៀមរាប ចុះធ្វើការឃាត់ខ្លួនជនសង្ស័យ២នាក់ជាអ្នកកាសែត ដែលយកឈ្មោះថ្នាក់ដឹកនាំរដ្ឋបាលខេត្តសៀមរាបដើរសុំលុយ និងសុំបៀរតាមផ្ទះអាជីវករក្នុងខេត្តសៀមរាប ថា យកទៅជប់លៀងនៅសាលាខេត្ត បង្កឱ្យមានការភ្ញាក់ផ្អើលពេញក្រុងសៀមរាប រួចនាំយកមកសួរនាំនៅស្នងការខេត្ត ដោយមានអ្នកធានាត្រឹមត្រូវ ទើបលោកស្នងការអនុញ្ញាតឱ្យធ្វើកិច្ចសន្យាត្រឡប់ទៅផ្ទះវិញទាំងយប់នៅថ្ងៃដដែល។
ហេតុការណ៍ឃាត់ខ្លួនអ្នកកាសែត២នាក់នោះធ្វើឡើងនៅរសៀលថ្ងៃទី០៤ ខែតុលា ឆ្នាំ ឆ្នាំ២០១៧ ស្ថិតនៅក្នុងភូមិសាស្ត្រ សង្កាត់សាលាកំរើក ក្រុងសៀមរាប។
លោកឧត្តមសេនីយ៍ត្រី ហួត សុធី ស្នងការរងទទួលផែនការងារសន្តិសុខ បានប្រាប់នៅថ្ងៃទី៥ខែតុលា ឆ្នាំ២០១៨នេះថា ដោយពលរដ្ឋមានការសង្ស័យ រាយការណ៍មកសមត្ថកិច្ចមូលដ្ឋាន ថា មានជនសង្ស័យ២នាក់បានយកឈ្មោះថ្នាក់ដឹកនាំខេត្ត ជិះម៉ូតូដើរសុំលុយនិងសុំបៀរពីអាជីវករនៅក្នុងសង្កាត់សាលាកំរើក ខណៈពេលនោះលោកបានខលទៅសួរខាងសាលាខេត្ត ថា នៅសាលាខេត្តមានជប់លៀងដែរឬអត់? ហើយខាងនោះបានឆ្លើយវិញថា អត់មានទេ។
លោកបានបន្តថា ដោយមានការសង្ស័យ ទើបលោកសុំគោលការណ៍ពីលោកស្នងការនគរបាលខេត្ត និងឯកឧត្តម បណ្ឌិត ឃឹម ប៊ុនសុង អភិបាលខេត្ត ខណៈពេលនោះ ឯកឧត្តម បានបញ្ជាឱ្យតាមចាប់យកមកសួរនាំ ទើបលោកបានដឹកនាំកម្លាំងចុះសហការជាមួយកម្លាំងរបស់អធិការដ្ឋានក្រុងសៀមរាប ចុះទៅឃាត់ខ្លួនជនសង្ស័យចំនួន០២នាក់យកមកសួរនាំនៅស្នងការនគរបាលខេត្ត។
លោកបានបញ្ជាក់ថា ជនសង្ស័យទាំង២នាក់នោះ ១-ឈ្មោះ ស៊ាន សុខា ហៅពៅ ហៅសានពៅ អាយុ៤៣ឆ្នាំ មុខរបរអ្នកសារព័ត៌មានគេហទំព័រការពិត បច្ចុប្បន្នស្នាក់នៅភូមិបុស្សក្រឡាញ់ សង្កាត់ជ្រាវ ខេត្តសៀមរាប និង២-ឈ្មោះ គឹម ហាន ភេទប្រុស អាយុ៣៨ឆ្នាំ មុខរបរ រត់ម៉ូតូឌុប (ជាអ្នកដើរយកលុយ) បច្ចុប្បន្នស្នាក់នៅភូមិទ្រាំង សង្កាត់ស្លរក្រាម ខេត្តសៀមរាប ដែលកំពុងធ្វើសកម្មភាពយកឈ្មោះ លោក ធូ ចន្តុល ជាមន្ត្រីនៃការិយាអន្តរវិស័យរបស់ សាលាខេត្តសៀមរាប បានកុហកបោកប្រាស់ប្រជាពលរដ្ឋដែលជាម្ចាស់អាជីវកម្មជាច្រើនក្នុងខេត្តសៀមរាបថា លោកធូ ចន្តុល ឱ្យមកយកស្រាបៀរ ដើម្បីយកទៅជប់លៀងនៅសាលាខេត្តសៀមរាប ។
ពេលនោះអាជីវករដែលបើកអាជីវកម្មផ្សេងៗបានប្រគល់ស្រាបៀរសរុបចំនួន០៤កន្លែងបានចំនួន០៧កេសទៅជនសង្ស័យខាងលើ ក្រោយពីធ្វើសកម្មភាពលើកចុងក្រោយ ក៏ត្រូវប្រជាពលរដ្ឋរាយការណ៍ប្តឹងមកសមត្ថកិច្ច ហើយក៏ចុះទៅស្រាវជ្រាវភ្លាម ។ លុះរហូតដល់ថ្ងៃទី០៤ ខែតុលា ឆ្នាំ២០១៨ វេលាម៉ោង ១៦និង៣០នាទី ត្រូវកម្លាំងនគរបាលខេត្តដឹកនាំដោយលោកឧត្តមសេនីយ៍ត្រី ហួត សុធី ស្នងការរងទទួលផែនការងារសន្តិសុខ ឃាត់ខ្លួនជនសង្ស័យទាំង២យកមកធ្វើការសាកសួរ។
ក្រោយពីសមត្ថកិច្ចធ្វើការសួរនាំ សង្ស័យទាំ២ឆ្លើយសារភាពថា រូបគេទាំង២ពិតជាបានយកឈ្មោះ លោក ធូ ចន្តុល ជាមន្ត្រីសាលាខេត្តសៀមរាប ទៅកុហកអាជីវករលក់-ដូរ ដើម្បីយកស្រាបៀរចំនួន៧កេសពិតប្រាកដមែន។ បច្ចុប្បន្នជនសង្ស័យទាំង២នាក់បានទទួលសារភាពកំហុស និងសន្សាថា ចាប់ពីពេលនេះទៅឈប់ដើរប្រព្រឹត្តអំពើផ្តេសផ្តាសនេះបន្តទៀត ហើយ សុំការអនុញ្ញាតពីឯកឧត្តមបណ្ឌិតអភិបាលខេត្តផងនោះ ទើបកម្លាំងសមត្ថកិច្ចបានឱ្យធ្វើការកិច្ចសន្យា និងព្រមានជាលើកទី១ ហើយមានការធានាពីក្រុមគ្រួសារបានឱ្យត្រឡាប់ទៅផ្ទះទាំងយប់៕
ចែករំលែកព័តមាននេះ