អ្នករាល់គ្នាសុទ្ធតែធ្លាប់ប្រើត្រសក់មកបិទលើមុខ ដោយគ្រាន់តែចិតជា បន្ទះៗតែប៉ុណ្ណោះ ប៉ុន្តែមានរូបមន្តថ្មីក្នុងការប្រើត្រសក់ធ្វើជាម៉ាស់មុខ ។ តើវិធីធ្វើបែបណាទៅ ?
ដំបូងអ្នកអាចយកត្រសក់តូចចំនួនពីរផ្លែមកកិនក្នុងម៉ាស៊ីនទឹកក្រឡុកឲ្យម៉ដ្ឋ ។ បន្ទាប់មក អ្នកអាចដាក់ពងមាន់ចូលមួយគ្រាប់ ដោយយកតែផ្នែកសប៉ុណ្ណោះ រួចកូរឲ្យសព្វចូលគ្នា ។ បន្ទាប់មកទៀតអ្នកអាចដាក់ម្សៅមីបន្តិចចូលទៅក្នុងនោះ រួចកូរឲ្យសព្វចូលគ្នា ។
ក្រោយពេលដែលអ្នកធ្វើរួច អ្នកអាចយកមកលាបលើមុខអ្នក ដោយចៀសពីលាបកន្លែង នៅជុំវិញភ្នែក ។ អ្នកអាចទុកចំនួនពី៥ទៅ១០នាទី រួចលាងចេញជាការស្រេច ។
រូបមន្តមួយនេះអាចធ្វើឲ្យស្បែកអ្នកមានសំណើម ថែមទាំងអាចធ្វើឲ្យស្បែកអ្នកសទៀតផង ។ ប៉ុន្តែអ្នកដែលមានស្បែកឆាប់ប្រតិកម្ម គួរតែប្រើរូបមន្តមួយនេះដោយប្រយ័ត្ន ទើបមិនប៉ះពាល់ដល់ស្បែកអ្នកយ៉ាងងាយ (ប្រភពពី៖ Health.com.kh) ៕
ចែករំលែកព័តមាននេះ