ខេត្តមណ្ឌលគិរី ៖ តាមសេចក្តីរាយការណ៍បឋមបានឲ្យដឹងថា នៅខណៈព្រឹកថ្ងៃទី៣០ ខែកញ្ញានេះ ឯកឧត្តមស្វាយ សំអៀង ខេត្តមណ្ឌលគិរី កំពុងដឹកនាំមន្ត្រីជំនាញចម្រុះក្នុងខេត្តដែលបង្កើតជាគណៈកម្មាធិការមួយចុះត្រួតពិនិត្យតាមបណ្តាក្រុមហ៊ុនដែលវិនិយោគលើសម្បទាន មានការសង្ស័យមានឈើខុសច្បាប់ ដោយមានបទបញ្ជាពីសម្តេចក្រឡាហោម ស ខេង ។
សេចក្តីរាយការណ៍បានបន្តថា ករណីចុះពិនិត្យតាមបណ្តាក្រុមហ៊ុនខាងលើនេះ ក្នុងខេត្តមណ្ឌលគិរីទាំងមូលដែលរកមើលថា តើមានខុសច្បាប់រដ្ឋបាលព្រៃឈើអត់?
ដោយប៉ុន្មានថ្ងៃមុននេះ សម្តេចក្រឡាហោម ស ខេង លោកបានធ្វើការព្រមានដល់អភិបាលខេត្តមណ្ឌលគិរីថា បណ្តែតបណ្តោយឲ្យមានបទល្មើសព្រៃឈើ ចឹងហើយទើបអភិបាលខេត្តមណ្ឌលគិរីបានដឹកនាំកម្លាំងចុះពិនិត្យជាក់ស្តែង តាមបណ្តាក្រុមហ៊ុននានា ដើម្បីរកមើលបទល្មើស ហើយរហូតមកដល់ម៉ោង១១ព្រឹកនេះមិនទាន់មានឃើញក្រុមហ៊ុនណាមួយពាក់ព័ន្ធនឹងបទល្មើសឡើយ ៕
ចែករំលែកព័តមាននេះ