ខេត្តបាត់ដំបង ៖ អ្នកសារព័ត៌មានកម្ពុជាចំនួន២នាក់ ដែលជាទីប្រឹក្សា និងសមាជិករបស់សហព័ន្ធអ្នកសារព័ត៌មានអាស៊ាន នៅប្រទេសថៃ ហៅកាត់ថា (UMA) ត្រូវបានការអនុញ្ញាត្តឲ្យចូលជួបរាយការណ៍អំពីការពង្រឹងបន្ថែមទៀត រវាងអ្នកសារព័ត៌មានកម្ពុជា…
ខេត្តបាត់ដំបង ៖ អ្នកសារព័ត៌មានកម្ពុជាចំនួន២នាក់ ដែលជាទីប្រឹក្សា និងសមាជិករបស់សហព័ន្ធអ្នកសារព័ត៌មានអាស៊ាន នៅប្រទេសថៃ ហៅកាត់ថា (UMA) ត្រូវបានការអនុញ្ញាត្តឲ្យចូលជួបរាយការណ៍អំពីការពង្រឹងបន្ថែមទៀត រវាងអ្នកសារព័ត៌មានកម្ពុជា -ថៃ នៅតាមខ្សែបន្ទាត់ព្រំដែននៃប្រទេសទាំងពីរ ពីលោកខៀវ កាញារីទ្ធ រដ្ឋមន្ត្រីក្រសួងព័ត៌មាន នៅវេលាម៉ោង១០និង០០ព្រឹកថ្ងៃទី២៨ ខែកញ្ញា ឆ្នាំ២០១៨ នៅក្នុងទីស្តីការក្រសួងព័ត៌មាន ក្រុងភ្នំពេញ ។
លោកហួត សុងហាក់ ទីប្រឹក្សាសហព័ន្ធអ្នកសារព័ត៌មានអាស៊ានប្រទេសថៃបានពាំនាំពាក្យពីលោកប្រាស៊ិត សែនរុងរឿង អគ្គលេខាធិការសារព័ត៌មានអាស៊ានប្រចាំប្រទេសថៃ និងលោកវិជិត ឈុនកាចន អគ្គលេខាធិការរងខាងភាគីថៃបានសុំឲ្យមានការជំរុញអ្នកសារព័ត៌មានទាំងសងខាងមានការជួបគ្នាគ្រប់ទីកន្លែង តាមខ្សែបន្ទាត់ព្រំដែន ដែលក្នុងតំបន់នីមួយៗសុទ្ធតែមានអ្នកកាសែតឈរជើងដូចៗគ្នា ដើម្បីចៀសវាងរាល់ការយកព័ត៌មានទៅចុះផ្សាយមានភាពខុសៗគ្នា ដូច្នោះសុំឲ្យមានការរួមសហការរួមគ្នាទៅវិញទៅមកជៀសវាងការយល់ច្រឡំដែលបទពិសោធន៍ធ្លាប់មានកន្លងមក ដែលនាំឲ្យទស្សនិកជនបានទទួលព័ត៌មានមិនពិត នាំឲ្យកើតមានបញ្ហាកើតឡើង ។
លោកខៀវ កាញារីទ្ធ រដ្ឋមន្ត្រីក្រសួងព័ត៌មានបានឆ្លើយតបវិញថា រាជរដ្ឋាភិបាលកម្ពុជាបានជំរុញឲ្យកើតមានស្ថានីយវិទ្យុរួមគ្នារវាងកម្ពុជា-ថៃ មានរួចមកហើយ គឺរវាងខេត្តឧត្តរមានជ័យ និងខេត្តសុរិន្ទ ដូច្នោះសូមរាល់អ្នកសារព័ត៌មានទាំងសងខាង គួរតែយកដំណើរការកិច្ចរួមសហការប្រព័ន្ធផ្សព្វនេះ ជាគោលដែលបានដំណើរការប្រមាណ១ឆ្នាំកន្លងមកហើយនេះ គឺអាចទទួលបានលទ្ថផលល្អប្រសើរទាំងអស់គ្នា ។
បន្ទាប់មកលោកបណ្ឌិត សាត ដារ៉ា សមាជិក(UMA) ត្រូវបានលោករដ្ឋមន្ត្រីទទួលយល់ព្រមឲ្យសិក្សារៀបចំចងក្រងប្រវត្តិឯកសារដល់ឥស្សរៈជនកម្ពុជាសំខាន់ចំនួន២រូប ដើម្បីត្រៀមទទួលស្គាល់អំពីស្នាដៃផ្នែកនយោបាយ និងប្រព័ន្ធផ្សព្វផ្សាយនៅកម្ពុជាកន្លងមក ទទួលបានជោគជ័យប្រកបដោយភាពសុខដុមរម្យនា និងសុខសន្តិភាពរហូតកន្លងមកពីរាជរដ្ឋាភិបាលប្រទេសថៃ ដោយត្រៀមប្រគល់ពានរង្វាន់ពីព្រះមហាក្សត្រថៃដល់ឥស្សរៈជនអន្តរជាតិលើពិភពលោកនាពេលខាងមុខនេះ ៕
ចែករំលែកព័តមាននេះ