លោកមាជ សុវណ្ណារ៉ា ត្រូវបានអញ្ជើញចូលរួមក្នុងមហាសន្និបាត UN
- ភ្នំពេញ
រាជធានីភ្នំពេញ ៖ លោក មាជ សុវណ្ណារ៉ា អតីតសកម្មជនគណបក្សសង្គ្រោះជាតិត្រូវបានអញ្ជើញចូលរួមកិច្ចប្រជុំមហាសន្និបាតអង្គការសហប្រជាជាតិ (UN) ។ នេះតាមលោក មាជ…
រាជធានីភ្នំពេញ ៖ លោក មាជ សុវណ្ណារ៉ា អតីតសកម្មជនគណបក្សសង្គ្រោះជាតិត្រូវបានអញ្ជើញចូលរួមកិច្ចប្រជុំមហាសន្និបាតអង្គការសហប្រជាជាតិ (UN) ។ នេះតាមលោក មាជ…
រាជធានីភ្នំពេញ ៖ លោក មាជ សុវណ្ណារ៉ា អតីតសកម្មជនគណបក្សសង្គ្រោះជាតិត្រូវបានអញ្ជើញចូលរួមកិច្ចប្រជុំមហាសន្និបាតអង្គការសហប្រជាជាតិ (UN) ។ នេះតាមលោក មាជ សុវណ្ណារ៉ា ។
អតីតសកម្មជនបក្សប្រឆាំងដែលទើបនឹងត្រូវបានព្រះមហាក្សត្រលើកលែងទោស កាលពីថ្មីៗកន្លងមកនេះបានឲ្យដឹងថា លោកបាននឹងកំពុងចេញដំណើរទៅធ្វើសេចក្តីថ្លែងការណ៍ចំនួន៥នាទី ក្នុងមហាសន្និបាតអង្គការសហប្រជាជាតិ(UN) ថ្ងៃទី២៤ ខែកញ្ញា ឆ្នាំ២០១៨ ។ សម្រាប់មហាសន្និបាតលើកទី៧៣ របស់អង្គការសហប្រជាជាតិសម្តេចតេជោ ហ៊ុន សែន នាយករដ្ឋមន្ត្រីកម្ពុជាក៏នឹងអញ្ជើញដឹកនាំគណៈប្រតិភូជាន់ខ្ពស់កម្ពុជាចូលរួមកិច្ចប្រជុំទូទៅលើកទី៧៣ នៃមហាសន្និបាតអង្គការសហប្រជាជាតិ(UN) និងកិច្ចប្រជុំពាក់ព័ន្ធផ្សេងទៀត ចាប់ពីថ្ងៃទី២៧-២៩ ខែកញ្ញា ឆ្នាំ២០១៨ នៅទីក្រុងញូវយ៉កសហរដ្ឋអាមេរិក ។
លោកមាជ សុវណ្ណារ៉ា បានលើកឡើងក្នុងបណ្តាញទំនាក់ទំនងសង្គមហ្វេសប៊ុក នៅថ្ងៃទី២៣ កញ្ញានេះថា «ចេញដំណើរទៅថ្លែងការណ៍៥នាទី នៅមហាសន្និបាតអង្គការសហប្រជាជាតិ តាមការអញ្ជើញពីសំណាក់អង្គការសិទ្ធិមនុស្សអន្តរជាតិ ក្នុងនាមអតីតអ្នកទោសនយោបាយនៅព្រឹកម៉ោង១០ព្រឹក ថ្ងៃទី២៤ ខែកញ្ញា ឆ្នាំ២០១៨»។
សូមបញ្ជាក់ថា លោកមាជ សុវណ្ណារ៉ា បានជាប់ពន្ធនាគារអស់រយៈពេលជិត៤ឆ្នាំ ពាក់ព័ន្ធធ្វើកូដកម្មនៅទីលានប្រជាធិបតេយ្យក្រោយការបោះឆ្នោតថ្នាក់ជាតិឆ្នាំ២០១៣ ហើយត្រូវបានតុលាការដោះលែង កាលពីរាត្រីថ្ងៃទី២៨ សីហា ។ បន្ទាប់មកលោកក៏បានធ្វើពិធីសាងផ្នួសនៅវត្តដំណាក់ ក្នុងទឹកដីខេត្តសៀមរាបនៅព្រឹកថ្ងៃទី១ ខែកញ្ញា ឆ្នាំ២០១៨ ។ គោលដៅសាងផ្នួសរបស់លោក ដើម្បីបិណ្ឌបាតបញ្ចប់ហិង្សានយោបាយបញ្ជ្រាបមេត្តាធម៌ បញ្ឈប់វប្បធម៌គំរាមសម្លាប់-ចាប់ដាក់គុក និងរត់ចោលស្រុកជាដើម ៕
ចែករំលែកព័តមាននេះ