រាជធានីភ្នំពេញ ៖ ជម្លោះរឿងកន្លែងទុកកង់ សន្តិសុខស្ទុះទៅដាល់នារីអ្នកអនាម័យមួយដៃចំភ្នែក ទារសំណងចំនួន២ពាន់ដុល្លារគ្មានលុយសងត្រូវបានកម្លាំងមានសមត្ថកិច្ចចាប់វាយខ្នោះ ។ ករណីហិង្សារនេះដែរបានកើតឡើងនៅវេលាម៉ោង៩និង៣០នាទីព្រឹកថ្ងៃទី២៣ ខែកញ្ញា ឆ្នាំ ២០១៨…
រាជធានីភ្នំពេញ ៖ ជម្លោះរឿងកន្លែងទុកកង់ សន្តិសុខស្ទុះទៅដាល់នារីអ្នកអនាម័យមួយដៃចំភ្នែក ទារសំណងចំនួន២ពាន់ដុល្លារគ្មានលុយសងត្រូវបានកម្លាំងមានសមត្ថកិច្ចចាប់វាយខ្នោះ ។ ករណីហិង្សារនេះដែរបានកើតឡើងនៅវេលាម៉ោង៩និង៣០នាទីព្រឹកថ្ងៃទី២៣ ខែកញ្ញា ឆ្នាំ ២០១៨ នៅទីតាំងនៅផ្លូវលេខ៤៣២កែងនឹងផ្លូវលេខ១៨៧ ក្នុងសង្កាត់ទំនប់ទឹក ខណ្ឌចំការមន ។
បុរសជាសន្តិសុខរបស់ក្រុមហ៊ុនឯកជនមួយត្រូវបានកម្លាំងមានសម្ថកិច្ចចាប់វាយខ្នោះ ក្រោយពីរូបគេបានប្រើអំពើរហិង្សាដោយវាយទៅលើនារីដែលបម្រើការងារជាមួយគ្នាខាងផ្នែកអនាម័យម្នាក់ចំនួន១ដៃចំភ្នែកម្ខាង បណ្តាលឲ្យបែកចេញឈាមរងរបួរជាទម្ងន់ ហើយជនរងគ្រោះទារសំណងចំនួន២ពាន់ដុល្លារគ្មានលុយសងដោយសារតែរឿងកន្លែងទុកកង់នោះ ។
តាមប្រភពព័ត៌មានពីនគរបាលបានប្រាប់ឱ្យដឹងថា នារីរងគ្រោះមានឈ្មោះ ធា ស្រីពេជ្រ អាយុ ២២ឆ្នាំ មុខរបរជាអ្នកអនាម័យនៅហាង តេប៉ាក់ មានទីលំនៅផ្ទះជួលផ្លូវលំ ភូមិចំរើនផល ក្នុងសង្កាត់ស្ទឹងមានជ័យ២ ខណ្ឌមានជ័យ ។ ចំណែកឯបុរសជាជនដៃដល់មានឈ្មោះ រម្យ សារុន អាយុ២៧ឆ្នាំ មុខរបរជាសន្តិសុខឯកជនរបស់ក្រុមហ៊ុន CPS យាម និងស្នាក់នៅក្នុងភោជនីយដ្ឋានតេប៉ាក់ និងមានស្រុកកំណើតនៅភូមិក្រយា ឃុំក្រយា ស្រុកសន្ទុក ខេត្តកំពង់ធំ ។
មុនពេលកើតហេតុនារីរងគ្រោះបានជិះកង់ពណ៌ស មួយគ្រឿងចេញពីផ្ទះមកកាន់កន្លែងធ្វើការនៅក្នុងហាងតេប៉ាក់ខាងលើ ហើយក៏បានយកកង់របស់នាងទៅទុកនៅក្បែរមាត់ទ្វារផ្ទះបាយខាងក្រោយ ហើយក៏ដើរចូលក្នុងបាត់ទៅ ។ តាមប្រភពដដែលបានប្រាប់បន្តទៀតថា ភ្លាមនោះបុរសជាសន្តិសុខក៏បានដើរទៅប្រាប់នាររីរងគ្រោះឲ្យយកកង់របស់នាងទៅចតទុកនៅខាងមុខវិញ ដើម្បីងាយស្រួលខ្លួនមើលការខុសត្រូវ និងខ្លាចក្រែងចោរលួចបាត់ព្រោះកន្លងមកធ្លាប់បាត់កង់ម្តងរួចមកហើយ ។ តែនាងមិនព្រមយកទៅទុកខាងមុខឡើយ ដោយនាងបានចាក់សោទុក និងទទួលខុសត្រូវដោយខ្លួនឯងទើបមានការជជែកតឹងសរសៃក ដាក់គ្នាទៅវិញទៅមករហូតឈ្លោះគ្នា ។
បុរសជាសន្តិសុខរូបនោះក៏បានស្ទុះទៅដាល់រូបនាងចំមួយដៃត្រង់ភ្នែកខាងឆ្វេង បណ្តាលឲ្យបែកឈាមហូរ ហើយសន្លប់បាត់ស្មារតីតែម្តងទើបកម្លាំងមានសមត្ថកិច្ចចុះទៅធ្វើការចាប់ឃាត់ខ្លួនជនដៃដល់យកមកកាន់នគរបាលប៉ុស្តិ៍ទំនប់ទឹកភ្លាមផងដែរ ។
ក្រោយពេលកើយតហេតុទាំងនារីជាជនរងគ្រោះ និងបុរសជាសន្តិសុខជាជនដៃដល់ក៏បាននាំខ្លួនមកកាន់នគរបាលប៉ុស្តិ៍ទំនប់ទឹក ដោយភាគីនារីរងគ្រោះបានដាក់ពាក្យបណ្តឹងទាមទារសំណងជំងឺចិត្តចំនួន២ពាន់ដុល្លារ ហើយបុរសជាជនដៃដល់គ្មានលុយសងទើបធ្វើកំណត់ហេតុ និងបញ្ជូនខ្លួនទៅកាន់អធិការនគរបាលខណ្ឌចំការមន ចាត់ការទៅតាមច្បាប់ត ទៅទៀត ៕
ចែករំលែកព័តមាននេះ