ADផ្ទាំងផ្សព្វផ្សាយពាណិជ្ជកម្ម

Picture

ដល់ម្លុឹង! លក់ក្មួយស្រី​​ឱ្យយក​ប្តីចិន​រងទុក្ខ​វេទនា​ 

5 ឆ្នាំ មុន
  • ក្រចេះ

ខេត្តក្រចេះ ៖ ជនសង្ស័យ​ប្រុស​ស្រី​២​នាក់​ត្រូវជា​បងប្អូននឹងគ្នា​​ ដែល​នគរបាល​កំណត់​ថា​ជា​មុខសញ្ញា​រកស៊ី​ជួញដូរ​មនុស្ស​ទៅ​ក្រៅប្រទេស ត្រូវ​បាន​ចាប់ខ្លួន​ និង​បញ្ជូន​បន្ត​ទៅ​ឃុំខ្លួន​នៅ​ព​ន្ឋ​នាគារ បន្ទាប់​បាន​ពី​បើក​ការ​ស៊ើបអង្កេត​បឋម​មួយ​ពី​នគរបាល​ប្រឆាំង​ការ​ជួញដូរ​មនុស្ស ហើយ​រក​ឃើញ​ថា ជនសង្ស័យ​ទាំង​២​នាក់​នេះ​ធ្លាប់​ធ្វើ​សកម្មភាព​លក់​ក្មួយ​ស្រី​បង្កើត​ឲ្យ​ទៅ​បុរស​ជនជាតិ​ចិន នៅ​ប្រទេស​ចិន​កាលពី​២​ឆ្នាំ​មុន​។…

ខេត្តក្រចេះ ៖ ជនសង្ស័យ​ប្រុស​ស្រី​២​នាក់​ត្រូវជា​បងប្អូននឹងគ្នា​​ ដែល​នគរបាល​កំណត់​ថា​ជា​មុខសញ្ញា​រកស៊ី​ជួញដូរ​មនុស្ស​ទៅ​ក្រៅប្រទេស ត្រូវ​បាន​ចាប់ខ្លួន​ និង​បញ្ជូន​បន្ត​ទៅ​ឃុំខ្លួន​នៅ​ព​ន្ឋ​នាគារ បន្ទាប់​បាន​ពី​បើក​ការ​ស៊ើបអង្កេត​បឋម​មួយ​ពី​នគរបាល​ប្រឆាំង​ការ​ជួញដូរ​មនុស្ស ហើយ​រក​ឃើញ​ថា ជនសង្ស័យ​ទាំង​២​នាក់​នេះ​ធ្លាប់​ធ្វើ​សកម្មភាព​លក់​ក្មួយ​ស្រី​បង្កើត​ឲ្យ​ទៅ​បុរស​ជនជាតិ​ចិន នៅ​ប្រទេស​ចិន​កាលពី​២​ឆ្នាំ​មុន​។

នគរបាល​ជំនាញ​ប្រឆាំង​ការ​ជួញដូរ បាន​ឲ្យ​ដឹង​ថា ក្រោយ​ការ​បើក​ការ​ស៊ើបអង្កេត​ និងនាំ​ខ្លួន​មក​សាកសួរ​ជនសង្ស័យ​ប្រុស ស្រី​ទាំង​២​នាក់​បងប្អូន​បង្កើត​នេះ​ត្រូវ​បាន​រក​ឃើញ​ថា បាន​ប្រព្រឹត្ត​បទល្មើស​ខុសច្បាប់​ជួញដូរ​មនុស្ស​ឆ្លង​ដែន និង​បទ​ក្លែង​ឯកសារ ហើយ​ក៏​ត្រូវ​បាន​តុលា ការ​ឃុំខ្លួន​ពួក​គេ​ទាំង​២​នាក់​នៅ​ព​ន្ឋ​នាគារ​ខេត្ត​នៅ​រសៀល​ថ្ងៃ​ទី​២១ កញ្ញា ។

ស្នងការ​រង​ទទួល​បន្ទុក​ប្រឆាំង​ការ​ជួញដូរ​មនុស្ស លោកស្រី​វរសេនីយ៍ឯក នៅ រតនា បាន​ឲ្យ​ដឹង​ថា ស្ត្រី​រង​គ្រោះ​អាយុ​២១​ឆ្នាំ ត្រូវជា​ក្មួយ​ស្រី​បង្កើត​របស់​ជនសង្ស័យ​ទាំង​២​នាក់ មាន​ទីលំនៅ​ឃុំ​កំពង់​ដំរី ស្រុក​ឆ្លូង បាន​រង​គ្រោះ​ដោយ​ត្រូវ​ពួក​គេ​ល្បួង​យក​ទៅ​លក់​ឲ្យ​បុរស​ជនជាតិ​ចិន​នៅ​ប្រទេស​ចិន តាម​រយៈ​ខ្សែ​បណ្តាញ​របស់​ពួក​គេ​តាំងពី​ឆ្នាំ​២០១៦ ។

លោកស្រី​ស្នងការ​រង​បន្ត​ឲ្យ​ដឹង​ទៀត​ថា នារី​រង​គ្រោះ​បាន​រង​គ្រោះ​ដោយជនសង្ស័យទាំង​​២នាក់​ខាងលើ​ជួញដូរយក​ទៅ​លក់​ឲ្យ​បុរស​ជនជាតិ​ចិន​ចំនួន​២​ដង​។ រហូត​មក​ទល់​នឹង​ពេល​នេះ​ នារី​រង​គ្រោះ​មាន​ផ្ទៃ​ពោះ​ចំនួន​៨​ខែ និង​ត្រូវ​បាន​បញ្ជូន​មក​ស្រុក​កំណើត​វិញ​កាលពី​ពាក់កណ្តាល​ឆ្នាំ​២០១៨​។

ជនសង្ស័យ​ប្រុស ស្រី​ជា​បងប្អូន​បង្កើត​ទាំង​២​នាក់​ខាងលើ​នេះ ម្នាក់​ឈ្មោះ​ពៅ សា​រ៉ាត់ ភេទ​ប្រុស អាយុ ៤៦​ឆ្នាំ និង​ម្នាក់​ទៀត​ឈ្មោះ ពៅ ចិន្តា ភេទ​ស្រី​ អាយុ​៥៥​ឆ្នាំ ។ ជនសង្ស័យ​ទាំង​ពីរ​នាក់​ត្រូវជា​បងប្អូន​បង្កើត​របស់​ម្តាយ​នារី​រង​គ្រោះ​។

នគរបាល​បាន​ឲ្យ​ដឹង​ថា កាលពី​ឆ្នាំ​២០១៦ ជនសង្ស័យ​ទាំង​២​នាក់​នេះ​បាន​ល្បួង​នារី​រង​គ្រោះ​យក​ទៅ​លក់​ឲ្យ​បុរស​ជនជាតិ​ចិន​នៅ​ប្រទេស​ចិនតា​មរយៈ​ខ្សែ​បណ្តាញ​របស់​ពួក​គេ​នៅ​ប្រទេស​ចិន​។

ជនសង្ស័យ​ថែម​ទាំង​បាន​ក្លែង​ឯកសារ​មួយ​ចំនួន​សម្រាប់​សម្រួល​ដល់​ការ​ឆ្លង​ដែន​របស់​នារី​រង​គ្រោះ​ទៅ​ប្រទេស​ចិន​។ ពេល​ទៅ​ដល់​ប្រទេស​ចិន នារី​ត្រូវ​បាន​បង្ខំ​ឲ្យ​យកប្តី​ជនជាតិ​ចិន​ និងត្រូវ​រង​ការ​វាយ​ធ្វើបាប​ពី​ប្តី​ជនជាតិ​ចិន ហើយ​នារី​រង​គ្រោះ​បាន​រត់គេច តែ​ក៏​ត្រូវ​ពួក​គេ​លក់​បន្ត​ទៅ​ឲ្យ​បុរស​ជា​ជនជាតិ​ចិនម្នាក់ផ្សេង​​ទៀត​​នៅ​ប្រទេស​ចិន​​។ ដោយសារ​អត់ទ្រាំ​នឹង​ការ​វាយ​ធ្វើបាប​ពី​សំណាក់​ប្តី​ជា​ជនជាតិ​ចិន​លើក​ទី​២​នេះ​មិន​បាន នារី​រង​គ្រោះ​ក៏​បានរ​ត់ទៅ​រក​អាជ្ញាធរដើម្បី​ឲ្យ​ជួយ ​ហើយ​ក៏​ត្រូវ​បាន​អាជ្ញាធរ​ចាត់​បញ្ជូន​មក​ស្រុក​វិញ​ផង​ដែរ​។

នគរបាល​បាន​ឲ្យ​ដឹង​ទៀត​ថា ក្នុងអំឡុងពេល​ជាង​២​ឆ្នាំ​ដែល​នារី​រង​គ្រោះ​ត្រូវ​បាន​ជន​សង្ស័យ​ជួញដូរ​ឲ្យ​ទៅ​យកប្តី​ចិន​នៅ​ក្រៅប្រទេស ហើយ​នារី​រង​គ្រោះ​មិន​បានទទួល​​ប្រាក់​កម្រៃ​អ្វី​នោះ​ទេ ដោយសារ​លុយ​ទាំងអស់នោះ​​ត្រូវ​បាន​ជនសង្ស័យ​ទាំង​២​នាក់​បងប្អូន​នេះ​យក​អស់​។

អ្វី​ដែល​គួ​ឲ្យ​អាសូរ​នោះ គឺ​ចុង​ក្រោយ​នារី​រង​គ្រោះ​គ្មាន​សល់​អ្វី​ក្រៅពី​មានកូន​ក្នុង​ពោះ ដែល​ជិត​គ្រប់ ខែ​ដោយ​គ្មាន​អ្នក​ទទួលខុសត្រូវ​ឡើយ​៕

អត្ថបទសរសេរ ដោយ

កែសម្រួលដោយ