ខេត្តបាត់ដំបង ៖ ពិធីបញ្ចុះបឋមសិលាកសាងអាគារសាលប្រជុំ០១ខ្នង អាគារសាលប្រជុំ០១ ខ្នង ដែលជាអំណោយរបស់យោធភូមិភាគទី៥ ជូនវរសេនាតូចការពារអាកាស ដែលមានទំហំ៨ម៉ែត្រគុណនឹង២០ម៉ែត្រ ធ្វើអំពីបេតុង ប្រក់ស័ង្គសី ។
ដែលចំណាយថវិកាប្រមាណ០២ម៉ឺនដុល្លារត្រូវបានធ្វើពិធីក្រុងពាលីនឹងបញ្ចុះបឋមសិលា សាងសង់ ស្ថិតក្រោមអធិបតីភាពរបស់លោកឧត្តមសេនីយ៍ឯក ប៊ុន សេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ នាព្រឹកថ្ងៃទី២១ ខែកញ្ញា ឆ្នាំ២០១៨នេះ នៅទីបញ្ជាការវរសេនាតូចការពារអាកាស ស្ថិតនៅក្នុងភូមិបេង ឃុំអន្លង់វិល ស្រុកសង្កែ ខេត្តបាត់ដំបង នឹងមានវត្តមានចូលរួមមាន អស់លោក មេបញ្ជាការរងយោធភូមិភាគ សេនាធិការរង តំបន់ប្រតិបតិ្តការសឹករងខេត្ត មេបញ្ជាការ មេបញ្ជាការរងវរសេនាតូច អាជា្ញធរ មូលដ្ឋាន ឃុំ ភូមិនឹងនាយទាហាន សរុប៩៧នាក់ ។ ក្នុងពិធីក្រុងពាលីនៅលើទីតាំងនេះជាជំហានដំបូង ។
លោកឧត្តមសេនីយ៍ឯក ប៊ុន សេង និងសហការីទាំងអស់ ដែលបានចូលរួមបានធ្វើការអុជទានធូបនឹងធ្វើការបួងសួងសុំនូវ សេចក្តីសុខសប្បាយពីម្ចាស់ទឹកម្ចាស់ដីដែលថែរក្សាទីនោះ ព្រមទាំងបានសែននូវ សំណែនគ្រឿងសក្ការបូជានឹងបួងសួងដល់គុណបុណ្យព្រះរតនៈត្រៃយ៍ វត្ថុស័ក្ដិសិទ្ធិក្នុងលោកទស្សបារមីតាម ថែរក្សាភូមិករ នឹងភាពសុខសាន្តកើតមានដល់នៃការប្រារព្ធពីធីក្រុងពាលីប្រក់ព្រំក៏ដូចជា ការទទួលយកនូវគ្រឿងសក្ការៈបូជានៅក្នុងកម្មវិធីបញ្ចុះបឋមសិលាសាងសង់ដែលជាទំនាមទម្លាប់ប្រពៃណីជាតិខ្មែររបស់យើងផងដែរ ។ បន្ទាប់ពី បានធ្វើការបួងសួងសុំសេចក្តីទៅតាមទំនាមទម្លាប់នៃពិធីបញ្ចុះបឋមសិលាសាងសង់អាគារ ០១ខ្នងនឹងពិធីទម្លាក់ដុំសីមាជានិមិត្តរូបដំណើរការសាងសង់ជាមួយនឹងពិធីបញ្ចុះបឋមសិលា សាងសង់នោះដែរ ។
លោកឧត្តមសេនីយ៍ឯក ប៊ុនសេង បានមានប្រសាសន៍កោតសរសើរចំពោះថ្នាក់ដឹកនាំវរសេនាតូចការពារអាកាសដែលកន្លងមកនេះបានបំពេញភារកិច្ចទាំងការងារកសាងអង្គភាពរឹងមាំ លើគ្រប់វិស័យ ហើយសម្រាប់ឆ្នាំ២០១៨ នេះនៃការកែទម្រង់កងយោធពលខេមរភូមិន្ទក៏ដូច ជាការកសាងអង្គភាព វរសេនាតូចការពារអាកាសបានទទួលសមិទ្ធផលថ្មីមួយទៀតនូវសាលប្រជុំ០១ខ្នងដែលកំពុងដំណើរការសាងសង់ ។
លោកបានបន្ត ការក្រើនរំលឹកដល់ថ្នាក់ដឹកនាំ កងវរសេនាតូចការពារអាកាសត្រូវបង្កើនការកសាង អង្គភាព រឹងមាំលើគ្រប់វិស័យ ដើម្បីរួម ចំណែកការពារជាតិមាតុភូមិព្រមទាំងបានណែនាំដល់ក្រុមជាង ធ្វើយ៉ាងណាការសង់មាន គុណភាពខ្ពស់ រឹងមាំនឹងឆាប់រហ័សបន្ទាប់មកឯកឧត្តមបានពិនិត្យទីតាំងដែលកំពុងសាងសង់ ផងដែរ ៕
ចែករំលែកព័តមាននេះ