ខេត្តកំពង់ធំ ៖ ម៉ូតូមួយគ្រឿងបុកគូទរថយន្តដែលឈប់ចតលើផ្លូវ បណ្តាលឱ្យបួសធ្ងន់ទាំងពីរនាក់ ហេតុ ការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៤និង៥៥នាទី រសៀលថ្ងៃទី១៩ ខែកញ្ញា ឆ្នាំ២០១៨ លើកំណាត់ផ្លូវជាតិលេខ៦…
ខេត្តកំពង់ធំ ៖ ម៉ូតូមួយគ្រឿងបុកគូទរថយន្តដែលឈប់ចតលើផ្លូវ បណ្តាលឱ្យបួសធ្ងន់ទាំងពីរនាក់ ហេតុ
ការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៤និង៥៥នាទី រសៀលថ្ងៃទី១៩ ខែកញ្ញា ឆ្នាំ២០១៨ លើកំណាត់ផ្លូវជាតិលេខ៦ ចន្លោះគីឡូម៉ែត្រលេខ១០១-១០២ ស្ថិតនៅក្នុងភូមិក្រើល ឃុំអណ្តូងពោធិ៍ ស្រុកបារាយណ៍ ខេត្តកំពង់ធំ ។
សមត្ថកិច្ចនគរបាលបានឲ្យដឹងថា ម៉ូតូមួយគ្រឿងម៉ាកធូដេ ពណ៌ទឹកប្រាក់ ពាក់ស្លាកលេខភ្នំពេញ ១FK-២៩៨២ បើកបរដោយឈ្មោះ សាយ វឌ្ឌ្ឍនា ភេទប្រុស អាយុ១៨ឆ្នាំ នៅភូមិថ្លាក្រៅ ឃុំច្រនាង ស្រុកបារាយណ៍ រងរបួសធ្ងន់ផ្នែកក្បាល និងអ្នករួមដំណើរឈ្មោះ តឿ សារុន ភេទប្រុស អាយុ៣០ឆ្នាំ នៅភូមិ ឃុំជាមួយអ្នកបើកបរម៉ូតូ រងរបួសធ្ងន់ផ្នែកក្បាលដូចគ្នា ចំណែករថយន្តម៉ាកហ៊ីយ៉ាន់ដាយ ពណ៌ស ពាក់ស្លាកលេខ ព្រះសីហនុ ៣A-៦៧០៨ អ្នកបើកបរដោយបុរសម្នាក់មិនស្គាល់អត្តសញ្ញាណ បានរត់គេចខ្លួនបាត់ ។
ប្រភពព័ត៌មានបានឱ្យដឹងថា មុនពេលកើតហេតុ គេឃើញបុរស២នាក់ជិះម៉ូតូមួយគ្រឿង លុះដល់ចំណុចកើតហេតុបានបុកគូទរថយន្តម៉ាកហ៊ីយ៉ាន់ដាយដែលកំពុងតែឈប់អែបចិញ្ចើមផ្លូវនៅខាងស្តាំដៃបណ្តាលឱ្យអ្នកបើកបរម៉ូតូ និងអ្នករួមដំណើររងរបួសធ្ងន់ទាំង២នាក់តែម្តង ចំណែកអ្នកបើកបររថយន្តបានរត់គេចខ្លួនបាត់ ។
សមត្ថកិច្ចបានបញ្ជាក់ថា គ្រោះថ្នាក់ខាងលើនេះ មូលហេតុជាបឋមបង្កឡើងដោយអ្នកបើកបរម៉ូតូបើកបរក្នុងស្ថានភាពស្រវឹង ៕
ចែករំលែកព័តមាននេះ