លទ្ធផលបោះឆ្នោតជុំវិញរឿងដូរនាយកវិទ្យាល័យព្រះស៊ីសុវត្ថិ
- ភ្នំពេញ
រាជធានីភ្នំពេញ ៖ លោកហង្ស ជួនណារ៉ុន រដ្ឋមន្ត្រីក្រសួងអប់រំយុវជន និងកីឡា នាព្រឹកថ្ងៃទី២០ ខែកញ្ញា ឆ្នាំ២០១៨ បានអញ្ជើញចូលរួម…
រាជធានីភ្នំពេញ ៖ លោកហង្ស ជួនណារ៉ុន រដ្ឋមន្ត្រីក្រសួងអប់រំយុវជន និងកីឡា នាព្រឹកថ្ងៃទី២០ ខែកញ្ញា ឆ្នាំ២០១៨ បានអញ្ជើញចូលរួម…
រាជធានីភ្នំពេញ ៖ លោកហង្ស ជួនណារ៉ុន រដ្ឋមន្ត្រីក្រសួងអប់រំយុវជន និងកីឡា នាព្រឹកថ្ងៃទី២០ ខែកញ្ញា ឆ្នាំ២០១៨ បានអញ្ជើញចូលរួម និងជាសាក្សីក្នុងការបោះឆ្នោតសម្ងាត់ ដើម្បីជ្រើសរើសលោកមូល ស៊ុយហេង នាយកចាស់នៃវិទ្យាល័យព្រះស៊ីសុវត្ថិឲ្យនៅដដែល ឬក៏ផ្លាស់ចេញដែលមានការចូលរួមពីលោកគ្រូ-អ្នកគ្រូចំនួន១៥១រូប ហើយបានរៀបចំនៅសាលាប្រជុំវិទ្យាល័យព្រះស៊ីសុវត្ថិ ។
មុននឹងបើកកិច្ចប្រជុំលោករដ្ឋមន្ត្រីក្រសួងអប់រំយុវជន និងកីឡាបានមានប្រសាសន៍ថា កិច្ចប្រជុំនេះ គឺជាកិច្ចប្រជុំសម្ងាត់ ហើយមានរបៀបវារៈត្រូវធ្វើការបោះឆ្នោតជាលក្ខណៈប្រជាធិបតេយ្យ ដូច្នេះរឿងទុក(លោកមូល ស៊ុយហេង នាយកចាស់) ឬមិនទុក វាអាស្រ័យទៅលើការបោះឆ្នោតរបស់លោកគ្រូ-អ្នកគ្រូ ហើយលោកអញ្ចើញមកនេះក៏ធ្វើតាមសំណើររបស់លោកគ្រូ -អ្នកគ្រូដែលបានស្នើសុំកាលពីម្សិលមិញ (ថ្ងៃទី១៩ ខែកញ្ញា ឆ្នាំ២០១៨) ដូច្នេះសុំឲ្យបងប្អូនអ្នកសាព័ត៌មានចេញក្រៅពីសាលប្រជុំសិន ។
អ្នកគ្រូម្នាក់ដែលបានចូលរួមបោះឆ្នោតសម្ងាត់ហើយសុំមិនបញ្ចេញអត្តសញ្ញាណបានឲ្យដឹងថា ផ្អែកតាមលទ្ធផលនៃការបោះឆ្នោតដែលមានលក្ខណៈប្រជាធិបតេយ្យសេរីរួចមកឃើញថាខាងភាគីលោក មូល ស៊ុយហេង ទទួលបានការគាំទ្របានចំនួន៩៧សំឡេង លើ៥៤ ក្នុងចំណោមគ្រូ១៥១នាក់ ក្រៅពីនេះមិនបានមកចូលរួមនោះទេ គ្រូសរុបមានចំនួន២៣៦នាក់ ។
គេសង្កេតឃើញថា បើទោះបីជាសម្លេងឈ្នះឆ្នោតទៅលើលោកមូល ស៊ុយហេង នាយកវិទ្យាល័យចាស់ក៏ដោយក៏ក្រុមអធិការកិច្ចរបស់ក្រសួងគេកំពុងតែសួរនាំរឿងទំនាស់ខាងលើនេះផងដែរ ។
លោកគ្រូបង្រៀនថ្នាក់ទី៨ ម្នាក់សុំមិនឲ្យបង្ហាញឈោះ្មបាននិយាយាថា ការបោះឆ្នោតជាសម្ងាត់ និងមានការបិទទ្វាបន្ទប់ប្រជុំ ហើយមានវត្តមានលោក ហង្ស ជួនណារ៉ុន រដ្ឋមន្ត្រីក្រសួងអប់រំ និងកីឡាអញ្ជើញចូលរួម និងពិនិត្យជាលទ្ធផល៩៧សំឡេង លើ៥៤សំឡេង ដែលសុំរក្សាទុកលោកមូល ស៊ុយហេង ជានាយកវិទ្យាល័យដដែល ។ តែយើងមិនដឹងថា ថ្នាក់ក្រសួងគេឯកភាព តាមការបោះឆ្នោតនេះដែរ ឬក៏អត់នោះទេ ជាក់ស្តែងយ៉ាងណាយើងនៅរង់ចាំមើលសេចក្តីសម្រេចរបស់ក្រសួងបន្តទៀត ។
រីឯករណីមួយទៀតដែលលោកគ្រូ -អ្នកគ្រូនិងសិស្សានុសិស្សបានសំណូមពរឲ្យផ្លាស់សាលាជាន់ថ្មីចេញពីវិទ្យាល័យព្រះស៊ីសុវត្ថិនៅមិនទាន់មានចម្លើយពីក្រសួងអប់រំយុវជន និងកីឡានោះទេ ហើយក្នុងកិច្ចប្រជុំសម្ងាត់នេះដែរលោករដ្ឋមន្ត្រី ហង្ស ជួនណារ៉ុន មិនបានលើករឿងនឹងមកនិយាយឡើយ ។ ព័ត៌មានពិស្តារនឹងមានផ្សាយជូននៅកាសែតកោះសន្តិភាព ។
ចែករំលែកព័តមាននេះ