រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា នៅវេលាម៉ោង៧និង៣០ព្រឹក ថ្ងៃទី១៩ ខែកញ្ញា ឆ្នាំ២០១៨ នេះសិស្សានុសិស្សមួយចំនួនរួមទាំងលោកគ្រូ -អ្នកគ្រូ បន្តលើកបដាទាមទារមិនឲ្យដកលោកមូល ស៊ុយហេង នាយកវិទ្យាល័យព្រះស៊ីសុវត្ថិ ។
សេចក្តីរាយការណ៍បន្តរឿងដកលោកនាយក មូល ស៊ុយហេង ហើយដាក់សាលាមួយនេះទៅជាសាលាឯកជនវិញ តែមានការកើតទុក្ខមិនសុខចិត្តពីលោកគ្រូ-អ្នកគ្រូនៃវិទ្យាល័យព្រះស៊ីសុវត្ថិ ពេលឮដំណឹងថា ត្រូវដកលោកនាយកវិទ្យាល័យព្រះស៊ីសុវត្ថិ មូល ស៊ុយហេង ។
ជាក់ស្តែងមានលោកគ្រូ -អ្នកគ្រូ១៤៧ អ្នកនៃវិទ្យាល័យដ៏ចាស់បុរាណមួយនេះ បានដិតមេដៃតវ៉ាប្រឆាំងដាច់ខាតនូវការដកលោកនាយកគ្រប់គ្រងសាលា ។ ជាងនេះទៅទៀតការដកនេះ គឺដាក់បញ្ចូលវិទ្យាល័យព្រះស៊ីសុវត្ថិទៅជាសាលាជំនាន់ថ្មីដែលហៅកាត់ NGS គឺប្រៀបដូចទៅនឹងសាលាឯកជនមួយ កើតឡើងលើវិទ្យាល័យមួយនេះផងដែរ ព្រោះការសិក្សាត្រូវមានការបង់លុយ ។
គោលបំណងធំរបស់លោកគ្រូ -អ្នកគ្រូ សិស្សានុសិស្ស គឺចង់ឲ្យលោកមូល ស៊ុយហេង ធ្វើជានាយកសាលាវិទ្យាល័យព្រះស៊ីសុវត្ថិដដែល ៕
ចែករំលែកព័តមាននេះ