រាជធានីភ្នំពេញ ៖ សេចក្តីរាយការណ៍បឋមឱ្យដឹងថា បុរសម្នាក់ត្រូវគេដឹងថា បានធ្វើដំណើរតាមរថយន្តឈ្នួលចេញពីខេតស្វាយរៀង ដើម្បីមកលេងប្រពន្ធដែលធ្វើការនៅរោងចក្ររាជធានីភ្នំពេញ លុះជិះមកដល់ភូមិទួលពង្រ សង្កាត់ចោមចៅ១ ខណ្ឌពោធិ៍សែនជ័យ ខណៈដែលជនរងគ្រោះបានចុះពីលើរថយន្តវិញ កើតអាការៈវិលមុខ តែគាត់នៅអាចដើរបានទៅរកគ្លីនិកមួយក្បែរនោះ ហើយគេនាំគ្នាជួយសង្គ្រោះបឋមដោយជួយរឹតខ្យល់ឱ្យគាត់ ។ លុះមួយសន្ទុះ ស្រាប់តែជនរងគ្រោះបានក្អួតឈាមស្លាប់ភ្លាមតែម្តង ។
ហេតុការណ៍នេះ បង្កការភ្ញាក់ផ្អើលកាលពីវេលាម៉ោង០៣រសៀលថ្ងៃទី១៨ កញ្ញា នេះ ស្ថិតនៅចំណុចកើតហេតុខាងលើ ។ បុរសដែលស្លាប់មានឈ្មោះ កិត ពៀត មានទីលំនៅក្នុងភូមិព្រៃស្រះ ឃុំសម្បត្តិមានជ័យ ស្រុករមាហែក ខេត្តស្វាយរៀង ។ រីឯប្រពន្ធឈ្មោះស្រ៊ុន ណន អាយុ៣៧ឆ្នាំ ជាកម្មការិនីរោងចក្រកាត់ដេរ នៅម្ដុំផ្សារទួលពង្រ សង្កាត់ចោមចៅ១ និងមានស្រុកកំណើតនៅស្រុកមេសាង ខេត្តព្រៃវែង ។
រឿងនេះ បានធ្វើឱ្យម្នាក់ដែលចោមរោមមើលអាណិតជាខ្លាំង នៅពេលដឹងថា គាត់មកលេងប្រពន្ធ តែមិនទាន់បានជួបមុខប្រពន្ធផង ក៏ស្លាប់ទៅវិញ ។
ចែករំលែកព័តមាននេះ