ដូចដឹងមុនចឹង គ្រាន់តែទៅដល់បាត់អស់តែម្តង
- សៀមរាប
ខេត្តសៀមរាប ៖ នាថ្ងៃទី១៨ ខែកញ្ញា ឆ្នាំ២០១៨ លោកស៊ិន ចាន់ថុល អនុប្រធានគណៈបញ្ជាឯកភាពស្រុកពួក និងលោក ចាន់…
ខេត្តសៀមរាប ៖ នាថ្ងៃទី១៨ ខែកញ្ញា ឆ្នាំ២០១៨ លោកស៊ិន ចាន់ថុល អនុប្រធានគណៈបញ្ជាឯកភាពស្រុកពួក និងលោក ចាន់ តុង នាយរងខណ្ឌរដ្ឋបាលជលផលសៀមរាបដឹកនាំកម្លាំងអធិការដ្ឋាននគរបាលស្រុកពួកបានចូលរួមសហការជាមួយអធិការដ្ឋានរដ្ឋបាលជលផលខាងជើង បឹងទន្លេសាប និងកម្លាំងសហគមន៍នេសាទឃុំកែវ ពណ៌សសរស្ដម្ភ- ល្វា-មុខម៉ែន-ព្រៃជ្រូក និងពោធិទ្រាយបានសហការចុះបង្ក្រាបបទល្មើសនេសាទខុសច្បាប់ នៅចំណុចភូមិសាស្ត្រ ស្រុកជាប់បឹងទន្លេសាប ។
ការបង្ក្រាបខាងលើឈានដល់ធ្វើការដកហូតបានវត្ថុតាងមួយចំនួនយកមកដុតកម្ទេចចោលផងដែរ ចំណែកម្ចាស់បានដឹងមុនគេចខ្លួនបាត់អស់ ។
លោកស៊ិន ចាន់ថុល អនុប្រធានគណៈបញ្ជាការឯកភាពស្រុកពួកបានប្រាប់ថា ដោយមានការចូលរួមសហការល្អពីកម្លាំងពាក់ព័ន្ធក្នុងស្រុកដូចជា កម្លាំងអធិការនគរបាលស្រុកពួក, នាយរងខណ្ឌរដ្ឋបាលជលផលសៀមរាប, កម្លាំងសហគមន៍នេសាទឃុំ និងនាយសង្កាត់ជលផល ស្រុកក្រឡាញ់បានចុះបង្ក្រាបបទល្មើសនេសាទខុសច្បាប់នៅចំណុចភូមិសាស្ត្រស្រុកជាប់បឹងទន្លេសាប ឈានដល់ធ្វើការដកហូតបានវត្ថុតាងមួយចំនួនយកមកដុតកម្ទេចចោលផងដែរ ។ លោកបានបន្តថា ការចុះបង្ក្រាបបទល្មើសនេសាទនាពេលនេះកម្លាំងយើងបានដកហូតវត្ថុតាងរួមមាន អ៊ុយស្បៃមុង៩៩គ្រឿង សាច់មុង៣៨៥០ម៉ែត្រ ចំរឹង២៨៥០ដើម ។ ក្នុងផងដែរក៏បានប្រលែងកូនត្រីចម្រុះចំនួន១៩០គីឡូក្រាមចូលក្នុងទឹកបឹងធម្មជាតិវិញផងដែរ ។
សូមបញ្ជាក់ផងដែរថា ចំពោះអ្នកនេសាទខុសច្បាប់វិញ ពេលកម្លាំងយើងចុះទៅដល់ហាក់បីដូចជាដឹងមុនប្រហែលមានអ្នករាយការណ៍ទើបយើងមិនបានចាប់ឃាត់ខ្លួន ៕
ចែករំលែកព័តមាននេះ