រាជធានីភ្នំពេញ ៖ បុរសម្នាក់ចេញពីទិញសាច់កាប់វិញបានជិះម៉ូតូឆ្លងផ្លូវខ្វះការប្រុងប្រយ័ត្នក៏ត្រូវរថយន្ត សណ្តោងដឹកស៊ីទែនស៊ីម៉ងត៍បើកកៀរបណ្តាលអោយបុរសជាអ្នកបើកម៉ូតូដួលចូលក្រោមរថយន្តកិនធ្លាយខួរស្លាប់យ៉ាងអាណោចអាធ័ម ហេតុការណ៍គួរអោយរន្ធត់នេះបានកើតឡើងនៅវេលាម៉ោង៩និង៤០នាទីយប់ ថ្ងៃទី១៧ ខែកញ្ញា ឆ្នាំ២០១៨ ទុលមុខវត្តស្លែង ផ្លូវជាតិលេខ៣…
រាជធានីភ្នំពេញ ៖ បុរសម្នាក់ចេញពីទិញសាច់កាប់វិញបានជិះម៉ូតូឆ្លងផ្លូវខ្វះការប្រុងប្រយ័ត្នក៏ត្រូវរថយន្ត សណ្តោងដឹកស៊ីទែនស៊ីម៉ងត៍បើកកៀរបណ្តាលអោយបុរសជាអ្នកបើកម៉ូតូដួលចូលក្រោមរថយន្តកិនធ្លាយខួរស្លាប់យ៉ាងអាណោចអាធ័ម ហេតុការណ៍គួរអោយរន្ធត់នេះបានកើតឡើងនៅវេលាម៉ោង៩និង៤០នាទីយប់ ថ្ងៃទី១៧ ខែកញ្ញា ឆ្នាំ២០១៨ ទុលមុខវត្តស្លែង ផ្លូវជាតិលេខ៣ ភូមិវត្តស្លែង សង្កាត់ពងទឹក ខណ្ឌដង្កោ ។
សពជនរងគ្រោះមានឈ្មោះ ម៉ៅ ចំណាន ភេទប្រុស អាយុ៣៨ឆ្នាំ មុខរបរចុងភៅ មានស្រុកកំណើតភូមិព្នៅ ឃុំត្រពាំងគង ស្រុកសំរោងទង ខេត្តកំពង់ស្ពឺ ជិះម៉ូតូម៉ាក SUZUKI VIVA ស៊េរីឆ្នាំ២០០៩ ពណ៌ខ្មៅ ពាក់ផ្លាកលេខ កំពង់ស្ពឺ ១C-២១១១ ។ ចំណែកអ្នកបើកបរ រថយន្តបង្កមានឈ្មោះ ទូច វាសនា ភេទប្រុស អាយុ១៩ឆ្នាំ មុខរបរបើកបររថយន្ត មានស្រុកកំណើត ភូមិត្រាំងត្បាល ឃុំក្រាំងលាវ ស្រុកបាទី ខេត្តតាកែវ បើករថយន្តបង្កសណ្តោងដឹកស៊ីទែនស៊ីម៉ងត៍ទីក្រុងកោះពេជ្រ ពាក់ផ្លាកលេខ ព្រះសីហនុ ៣A-៦៣០៦ ។
តាមសម្តីអ្នកឃើញហេតុការណ៍បានអោយដឹងថា មុនពេលកើតហេតុគេបានឃើញបុរសខាងលើចេញពីទិញសាច់កាប់ នៅម្តុំផ្លូវបេតុព្រៃស កែងនឹងផ្លូវជាតិលេខ៣ នៅពេលទិញសាច់កាប់ហើយបុរសរូបនោះបានជិះម៉ូតូរបស់គាត់ម៉ាក SUZUKI VIVA ពណ៌ខ្មៅ ឆ្លងកាត់ទទឹងផ្លូវលក្ខណៈបញ្ឆិតតាមផ្លូវជាតិលេខ៣ក្នុងទិសដៅពីជើងទៅត្បូង តែខណៈឆ្លងបានបន្តិចក៏ស្រាប់តែបុរស៤នាក់រួមទាំងអ្នកបើកបរបានបើករថយន្តសណ្តោងដឹកស៊ីទែនស៊ីម៉ងត៍ទីក្រុងកោះពេជ្រ ពណ៌ឈាមជ្រូក បានធ្វើដំណើរតាមផ្លូវជាតិលេខ ក្នុងទិសដៅស្របគ្នាក៏ជ្រុលទៅកៀរ និងម៉ូតូបណ្ដាលអោយបុរសជាអ្នកបើកម៉ូតូដួលចូលក្រោមរថយន្តហើយរថយន្តត្រូវកង់ក្រោយរថយន្តកិនធ្លាយខួរស្លាប់យ៉ាងអាណោចអាធ័មនៅនឹងកន្លែងកើតហេតុតែម្តង ។
ភ្លាមៗនោះដែរអ្នកបើកបររថយន្តបង្កមិនបានឈប់នោះទេ គឺបានព្យាយាមបើករថយន្តរត់គេចពីកន្លែងកើតហេតុ១គីឡូម៉ែត្រដល់មុខប៉ុស្តិ៍នគរបាលក្រាំងពង្រក៏ត្រូវសមត្ថកិច្ចដេញឃាត់បានទាំងរថយន្ត និងអ្នកបើកបរយកទៅសាកសួរនៅប៉ុស្តិ៍នគរបាលក្រាំងពង្រតែម្តង ។ ក្នុងករណីនេះដែរអ្នកបើកបរបានបញ្ជាក់ថា គឺខាងម៉ូតូជាអ្នកបើកម៉ូតូចូលរថយន្តរបស់គាត់ មិនមែនគាត់បានបើកទៅបុកឬកៀរដូចដែរពាក្យគេនិយាយនោះទេ ។
ក្រោយពេលកើតហេតុសមត្ថកិច្ចមូលដ្ឋាន និងជំនាញបានចុះទៅកន្លែងកើតហេតុដើម្បីធ្វើការវាស់វែងយកម៉ូតូ និងរថយន្តព្រមទាំងអ្នកបើកបរទៅរក្សារទុកនៅការរិយាល័យចរាចរណ៍ជើងគោករាជធានីភ្នំពេញ ។ ចំណែកសពជនរងគ្រោះត្រូវបានសមត្ថកិច្ចធ្វើកំណត់ហេតុប្រគល់អោយក្រុមគ្រួសារសាច់ញាតិយកទៅធ្វើបុណ្យនៅស្រុកកំណើតខេត្តកំពង់ស្ពី ៕
ចែករំលែកព័តមាននេះ