រាជធានីភ្នំពេញ៖ តារាវ័យក្មេងពីរដួង គឺកញ្ញាវ៉ាន់ នីឡា និងកញ្ញាអៀ ម៉េងលិ បានឌឺដងផ្លែផ្កាដាក់គ្នាតាមហ្វេសប៊ុក ។ ពាក្យសម្តីឌឺដងនេះកើតឡើងបន្ទាប់ពីតារាសម្តែងអៀ ម៉េងលិ…
រាជធានីភ្នំពេញ៖ តារាវ័យក្មេងពីរដួង គឺកញ្ញាវ៉ាន់ នីឡា និងកញ្ញាអៀ ម៉េងលិ បានឌឺដងផ្លែផ្កាដាក់គ្នាតាមហ្វេសប៊ុក ។ ពាក្យសម្តីឌឺដងនេះកើតឡើងបន្ទាប់ពីតារាសម្តែងអៀ ម៉េងលិ បង្ហាញភាពហឺហារបស់ខ្លួនចិញ្ចៀនពេជ្រ និងរថយន្តទំនើបតម្លៃរាប់ម៉ឺនដុល្លារ ។
ភាពហ៊ឺហារបស់អៀ ម៉េងលិ ធ្វើឱ្យមហាជនទាំងក្នុង និងក្រៅសិល្បៈចាប់អារម្មណ៍ខ្លាំង ក្នុងនោះក៏មានតារាកំប្លែងវ័យក្មេងវ៉ាន់ នីឡា ដែរ ។ នីឡាបានស៊ែរព័ត៌មានទាក់ទងអៀ ម៉េងលិ បង្ហោះលើហ្វេសប៊ុករបស់នាង ។ វ៉ាន់ នីឡា បានស៊ែរអត្ថបទមួយរបស់អៀ ម៉េងលិ ហើយនាងបានសរសេរពីលើថា «ឡូយម៉េស គេរកស៊ីអីបានលឿនម្ល៉េះ ?»។
ជាមួយនឹងសារខ្លីនេះធ្វើឱ្យអៀ ម៉េងលិ ខឹង និងបានតបតទៅ វ៉ាន់ នីឡា ថា« អរគុណនីឡាដែលបានចំណាយពេលដ៏មានតំលៃមកតាមដានរឿងខ្ញុំ ពេលshare មានបានចូលអានអត្ថន័យគេចុះអត់ បានឆ្ងល់ចម្លែកម្ល៉េះ ? សុំទោសមួយរយៈនេះទំនេរខ្លាំងមែនទេ អត់មានអីថតមែន បើអត់មានខ្ញុំចែកឲ្យខ្លះ ខ្ញុំមានច្រើនណាស់រវល់ដកខ្លួនមិនរួចផង។
រាល់ថ្ងៃញុំមានការរកស៊ី៣មានដូចជា លក់ស្រាបោះដុំក្នុងស្រុក ចំណាយច្រើន ហាងតូច១អស់ជិតកន្លះលាន នៅឃ្លាំងស្រាទៀតមិនបាច់គិត ព្រោះវាច្រើនខ្លាំងកុំឲ្យគេថាយើងអួត ។ សម្រាប់អង្ករបោះដុំស្រុកក្រៅ ច្រើន ! ពិបាកនិយាយ ។ ហាងស៊ុបនាងខ្ញុំបានបិទហើយ។ ហាងលក់ផលិតផលចំណាយអស់ចូល៥០០០ដុល្លារ ។ នេះជាចម្លើយកុំឲ្យឆ្ងល់បានមកពីរណា មានលុយទិញឡាន លុយទិញចញ្ចៀន ហើយរកស៊ីអីបានមានលឿនម្ល៉េះ។ មិនមែនអួតទេណាតែនេះជាចម្លើយគេសួរ ។
គេលក់តែផលិតផល ហើយថតមានលុយទិញឡាន ឯងបើកដល់ហាងស្រា ហើយអង្ករបោះដុំ អត់លុយទិញឡាន ! អូយ ! កុំឲ្យឆ្ងល់ទៀតថាបានលុយមកពីណារកស៊ី ចម្លើយ៖ លុយកេរម្ដាយឪពុកញុំចែកឲ្យ បើនៅតែសួរទៀតអូសក្បាលមកហាងផ្ទាល់ហ្មង »។
តារាកំប្លែងវ៉ាន់ នីឡា បានឆ្លើយតបថា នាងគ្រាន់តែឆ្ងល់ និងគ្មានចេតនាអ្វីផ្សេងទេ ហើយនាងក៏បានលុបអត្ថបទដែលបានបង្ហោះនោះចោលហើយដែរ ៕
ចែករំលែកព័តមាននេះ