ខេត្តកណ្តាល ៖ បុរសវ័យចំណាស់ពេញនិយមផឹកសុរាស្រវឹងជោកជាំប្រចាំភូមិរាល់ថ្ងៃ កាលពីវេលាម៉ោង៥ ទៀបភ្លឺថ្ងៃទី ១៤ កញ្ញា គេប្របានប្រទះឃើញដេកស្លាប់ក្នុងថ្លុកទឹកភ្លៀង នៅចំណុចមុខទ្វាររបងដីឡូតិ៍មួយកន្លែង ស្ថិតនៅក្នុងភូមិដំណាក់អំពិល…
ខេត្តកណ្តាល ៖ បុរសវ័យចំណាស់ពេញនិយមផឹកសុរាស្រវឹងជោកជាំប្រចាំភូមិរាល់ថ្ងៃ កាលពីវេលាម៉ោង៥ ទៀបភ្លឺថ្ងៃទី ១៤ កញ្ញា គេប្របានប្រទះឃើញដេកស្លាប់ក្នុងថ្លុកទឹកភ្លៀង នៅចំណុចមុខទ្វាររបងដីឡូតិ៍មួយកន្លែង ស្ថិតនៅក្នុងភូមិដំណាក់អំពិល ឃុំដំណាក់អំពិល ស្រុកអង្គស្នួល ខេត្តកណ្តាល ។ ជនរងគ្រោះ
ឈ្មោះ កែវ លី ភេទប្រុស អាយុ៥៥ឆ្នាំ មុខរបរ ចាំដីឲ្យបងស្រី មានស្រុកកំណើតនៅភូមិពានភ្លើង ឃុំស្មោងជើង ស្រុកកំចាយមារខេត្ត ព្រៃវែង មានប្រពន្ធ និងកូនតែលែងលះគ្នាជាង២០ឆ្នាំ ហើយ ។
តាមការសួរបំភ្លឺរបស់បងឈ្មោះ កែវ សុខអាយុ៦១ឆ្នាំ មុខនៅភូមិដំណាក់អំពិល ឃុំដំណាក់អំពិល ស្រុកអង្គស្នួល ខេត្ត កណ្តា ល បានឲ្យសមត្តកិច្ចដឹងថា នៅវេលាម៉ោង៧យប់ថ្ងៃទី១៤ កញ្ញា គេបានឃើញជនរងគ្រោះអង្គុយផឹកស្រារ នៅតូបអ្នកលក់ក្នុងភូមិ និង ឃើញផឹករហូត(ផឹកប្រចាំភូមិ)ជារៀងរាល់ថ្ងៃ ។ លុះដល់ម៉ោង៥ទៀបភ្លឺចូលថ្ងៃទី១៥ កញ្ញា ស្រាប់តែឈ្មោះ សាន អ៊ុក ភេទប្រុស អាយុ៣០ឆ្នាំ រស់នៅភូមិ ឃុំជាមួយគ្នាបានទូស័ព្ទប្រាប់គាត់ថា ប្អូនប្រុសគាត់បានដួល ឈ្លក់ទឹកស្លាប់បាត់ហើយ ។
ស្ត្រីជាបងជនរងគ្រោះបន្តថា ពេលឮគេតេប្រាប់ដូច្នោះ គាត់ក៏ប្រញាប់ប្រញ៉ាល់ទៅមើល ក៏ឃើញប្អូនដេកស្លាប់ក្នុងទឹកថ្លុកនោះមែន ។ អ្នកស្រុកបាននិយាយថា ពេលព្រលប់មេឃកំពុងភ្លៀងខ្លាំង គេបានឃើញជនរងគ្រោះដើរចេញពីទៀមស្រា ទំនងសំដៅទៅរោងចាំដីរបស់បងគាត់វិញ ស្រាប់តែព្រឹកឡើងមានការភ្ញាក់ផ្អើល ឃើញជនរងគ្រោះដេកស្លាប់ នៅមុខទ្វារដីឡូត៍នោះ ។ ដូច្នោះជនរងគ្រោះអាចស្រវឹងជោគជាំ ហើយដើរបាត់បង់ស្មារតីដួលឈ្លក់ទឹកស្លាប់ នៅមេឃកំពុងមានភ្លៀង ។
សមត្ថកិច្ចនគរបាលគ្រប់ផ្នែកជំនាញ បានចុះទៅពិនិត្យសាកសព និង បានសន្និដ្ឋានដូចគ្នាថា ជនរងគ្រោះពិតជាស្លាប់ដោយ សារផឹកស្រាស្រវឹងអាចកើតខ្យល់ ទៅជាដួលស្លាប់ក្នុងទឹកភ្លៀងមែន ។ សពត្រូវបានក្រុមគ្រួសារ យកទៅធ្វើបុណ្យតាមប្រពៃណី ៕
ចែករំលែកព័តមាននេះ