ជម្លោះផ្ទៃក្នុងអតីតប្រធានបក្សអំណាចខ្មែរករណីក្លែងឯកសារ
- ភ្នំពេញ
រាជធានីភ្នំពេញ ៖ លោក សួន សេរី រដ្ឋាអតីតប្រធានគណបក្សអំណាចខ្មែរនៅព្រឹកថ្ងៃទី១៣ ខែកញ្ញា ឆ្នាំ២០១៨នេះ បានថ្លែងពេលសន្និសីទកាសែត លោកបានលើកឡើងថា…
រាជធានីភ្នំពេញ ៖ លោក សួន សេរី រដ្ឋាអតីតប្រធានគណបក្សអំណាចខ្មែរនៅព្រឹកថ្ងៃទី១៣ ខែកញ្ញា ឆ្នាំ២០១៨នេះ បានថ្លែងពេលសន្និសីទកាសែត លោកបានលើកឡើងថា…
រាជធានីភ្នំពេញ ៖ លោក សួន សេរី រដ្ឋាអតីតប្រធានគណបក្សអំណាចខ្មែរនៅព្រឹកថ្ងៃទី១៣ ខែកញ្ញា ឆ្នាំ២០១៨នេះ បានថ្លែងពេលសន្និសីទកាសែត លោកបានលើកឡើងថា តុលាការបានផ្តន្ទាទោសលោកដាក់ពន្ធនាគារ៥ឆ្នាំ ហើយត្រូវបានព្រះមហាក្សត្រលើកលែងទោសដល់រូបលោក ។
លោកថា«អ្វីដែលលោកចាប់អារម្មណ៍ គឺគណបក្សអំណាចខ្មែរដែលខ្ញុំបានបង្កើត និងដឹកនាំរយៈពេល១ឆ្នាំ និងខ្ញុំបានផ្តល់សិទ្ធិជាប្រធានស្តីទីដល់លោក សួង សុភ័ណ្ឌ ដឹកនាំគណបក្សនេះ» ។ លោកបានចោទលោកប្រធានស្តីទីដោយលើកឡើងថា រយៈពេល១ឆ្នាំនេះមិនបានធ្វើសកម្មអ្វីទាំងអស់ សូម្បីលើកស្លាកគណបក្សនៅតាមខេត្តក្រុង ។ សកម្មភាពអប់រំពលរដ្ឋពីសិទ្ធិនយោបាយដែលគណបក្សធ្លាប់ធ្វើក៏អត់មានដែរ ។ រយៈពេលជាង១ឆ្នាំនេះលោក សួង សុភ័ណ្ឌ បានយកគណបក្សអំណាចខ្មែរជាគណបក្សសកម្មផ្នែកនយោបាយនេះនៅពេលរូបលោកជាប់ពន្ធនាគារ ។
លោក សួន សេរីរដ្ឋា បានអះអាងថា គណបក្សរបស់លោកបានបង្កើតឡើងក្រោយពេលបោះឆ្នោត២០១៣ ។ គណបក្សបានរិះគន់ចំពោះការនិយាយមិនត្រូវរបស់គណបក្សកាន់អំណាច និងទង្វើមិនត្រឹមរបស់គណបក្សកាន់អំណាចតែសកម្មភាពទាំងនេះមានភាពស្ងប់ស្ងាត់ទាំងអស់ ។ លោកសួន សេរីរដ្ឋា បន្តថា«ដូចនេះសកម្មភាពស្ងប់ស្ងាត់ទាំងនេះបានធ្វើឲ្យអ្នកគាំទ្រ និងសមាជិកស្ថាបនិកនៅតាមខេត្តក្រុងយល់ច្រឡំមកលើគណបក្ស» ។ លោកថា អ្នកគាំទ្រភាគីច្រើនបានចំណាយពេលជួយបង្កើតគណបក្សនេះ តាំងពីលោកបានចូលមកកម្ពុជា កាលពីខែតុលា ២០១៥ ។ តែលោក សួង សុភ័ណ្ឌ បានបញ្ចូលមនុស្សថ្មីជាច្រើន ។ លើសពីនេះទៀតមានលិខិតក្លែងក្លាយមួយថា លោកបានលាលែងពីប្រធានបក្សអំណាចខ្មែរ ដោយមានការក្លែងហត្ថលេខាកាត់តឯកសារផង ដែលរៀបចំឡើងដោយលោកសួង សុភ័ណ្ឌ» ។ លោកបានលើកឡើងថា «លិខិតក្លែងក្លាយនេះត្រូវបានដាក់ផ្សាយតាមបណ្តាញសង្គមជាសាធារណៈ ។ ខ្ញុំមិនដែលលាលែងពីប្រធានបក្សទេខ្ញុំបានចុះហត្ថលេខាតែងតាំងលោក សួង សុភ័ណ្ឌ ជាប្រធានស្តីទីមិនដែលសុំលាលែងទេ ។ នេះជាបទឧក្រិដ្ឋមួយ ហើយបានស្នើដល់ក្រសួងមហាផ្ទៃពិនិត្យលើឯកសារដែលលោក សួង សុភ័ណ្ឌ ដាក់ចូលក្រសួងមហាផ្ទៃកន្លងមក ។ មានមនុស្សមួយចំនួនដែលដាក់ចូលសមាជិកអចិន្ត្រៃយ៍ដែលគេមិនដែលស្គាល់សោះ»។ លោកថា នៅពេលលោកជាប់ពន្ធនាគារគ្មានសិទ្ធិក្នុងការតវ៉ាផ្លូវច្បាប់ តែពេលនេះលោកបានសេរីភាព និងអាចតវ៉ាផ្លូវច្បាប់បាន ។
លោកបានបញ្ជាក់ថា សូមសម្តេចក្រឡាហោម ស ខេង ធ្វើកោសល្យវិច្ច័យលើកលិខិតលាលែងដែលលោក សួង សុភ័ណ្ឌ បានដាក់ជូនក្រសួងមហាផ្ទៃដែលរូបលោកមិនបានចុះហត្ថលេខាសោះ ។ សូមឲ្យពិនិត្យលើប្រវត្តិរូបមនុស្សមួយចំនួនដែលគ្មានឈ្មោះសោះ ហើយនេះជាការឆបោករដ្ឋាភិបាល និងក្រសួងមហាផ្ទៃផង ។ ចំពោះបុគ្គលនៃគណបក្សនេះ ព្រោះកាលណាធ្វើបែបនេះវាប៉ះពាល់ដល់ប្រទេសកម្ពុជាទាំងមូល នៅពេលដែលគណបក្សនយោបាយមួយមិនទាន់ទទួលបានអាសនៈផង បែរជាប្រព្រឹត្តបែបនេះ ។ លោកបានលើកឡើងថា អនុប្រធានមួយចំនួនត្រូវបានដាក់ជំនួសអ្នកដែលកំពុងស្ថិតនៅក្នុងតួនាទីដែលពួកគាត់មិនបានសុំលាលែងផង ។
សមាជចំនួនពីរលើកនេះធ្វើសមាជមិនស្របតាមលក្ខន្តិកៈរបស់គណបក្សអំណាចខ្មែរ ។ មានការដោះដូរសញ្ញាគណបក្សដោយគ្មានការយល់ព្រមពីប្រធាន អនុប្រធានបក្ស ហើយសកម្មភាពនេះរំលោភលើសមាជិកនយោបាយរបស់គណបក្ស ។ លោកថា បញ្ហានេះលោកបានដឹងពេលគេបានផ្តល់ព័ត៌មានសមាជ តែលោកមិនបានយល់ព្រមទេ ។ នេះជាការក្លែងឯកសារកុហកក្រសួងមហាផ្ទៃ និងសមាជិកបក្សទាំងអស់ ។ សមាជអាចធ្វើទៅបានលុះត្រាមានចំនួន២/៣នៃសមាជិកទាំងអស់ ហើយសុំផ្អាកសកម្មភាពសិន ។ លោកបានលើកឡើងថាលោក សួង សុភ័ណ្ឌ បានកុហកសេនាធិការរដ្ឋាភិបាល គឺក្រសួងមហាផ្ទៃ កុហកសមាជិកគណបក្ស និងក្លែងហត្ថលេខារបស់លោក ។
ចំណុចចុងក្រោយលោកនឹងបញ្ជូនសំណុំរឿងនេះទៅតុលាការចាត់ការលោក សួង សុភ័ណ្ឌ តែម្តង បន្ទាប់ពីស្នើឲ្យក្រសួងមហាផ្ទៃពិនិត្យមើលករណីនេះជាមុន ។ លោក សួង សុភ័ណ្ឌប្រធានស្តីទីគណបក្សអំណាចខ្មែរបានពន្យល់លោក សួង សេរីរដ្ឋា បានសុំលាលែងពីគណបក្សអំណាចខ្មែរមែន ។ លោកបានលើកឡើងថា នៅពេលលោក សួង សេរីរដ្ឋា ត្រូវបានចាប់ខ្លួនតាមផ្លួវច្បាប់គណបក្សត្រូវរំលាយតាមច្បាប់គណបក្សនយោបាយ និងច្បាប់វិសោធនកម្មគណបក្ស ។ លោកបានអះអាងថា លោកមិនបានក្លែងឯកសារដូចការលើកឡើងរបស់លោកសួន សេរីរដ្ឋា ទេនេះជាបរិហារបង្កាច់កេរ្តិ៍ ព្រោះនៅពេលដែលលោក សួន សេរីរដ្ឋា ជាប់ពន្ធនាគារក្រសួងមហាផ្ទៃបានទុករយៈពេល១៥ថ្ងៃ ដើម្បីឲ្យមានការរៀបចំក្បាលម៉ាស៊ីនគណបក្សឡើងវិញ។ ដើម្បីចៀសវាងការរំលាយបក្សនេះពេលប្រធានជាប់ចោទ និងផ្តន្ទាទោស ។ លោកថា«មានឯកសារ និងភស្តុតាងសំឡេងលោក សួន សេរីរដ្ឋា សុំលាលែងតែងបែរជាមកបរិហារកេរ្តិ៍ខ្ញុំ» ។ លោកថា នៅថ្ងៃទី១៤ ខែកញ្ញា ២០១៨ លោកនឹងដាក់ពាក្យប្តឹងលោក សួន សេរីរដ្ឋា ទៅតុលាការក្រុងភ្នំពេញពីបទបរិហារបង្កាច់កេរ្តិ៍ជាសាធារណៈ ។ លោកថា«ខ្ញុំនឹងដកពាក្យបណ្តឹងវិញនៅពេលណាលោក សួន សេរីរដ្ឋាសុំទោសខ្ញុំ» ៕
ចែករំលែកព័តមាននេះ