ពុទ្ធោ​! ក្មេង​តូចៗ​២​នាក់​ជួប​គ្រោះ​អកុសល​លើ​ផ្លូវជាតិ​លេខ​៦​យ៉ាង​រន្ធត់


ខេត្តកំពង់ធំ ៖ គ្រោះថ្នាក់​ចរាចរណ៍​រវាង​រថយន្ត​បុក​ជាមួយ​ម៉ូតូ​ក្នុង​ទិស​ដៅ​ស្របគ្នា បណ្តាល​ឱ្យ​ក្មេង​ប្រុស​២​នាក់​ស្លាប់​អាណោចអាធ័ម ។ ហេតុ​ការ​ណ៍​គួរ​ឱ្យ​រន្ធត់​នេះ​បាន​កើតឡើង​កាលពី​វេលា​ម៉ោង​៦​និង​២៦​នាទី​ព្រឹក​ថ្ងៃ​ទី​១២ ខែកញ្ញា ឆ្នាំ​២០១៨ នៅ​លើ​កំណាត់​ផ្លូវជាតិ​លេខ​​៦ ចន្លោះ​គីឡូម៉ែត្រ​លេខ​១៨៨-១៨៩ ស្ថិត​នៅ​ក្នុងភូមិ​បាគង ឃុំ​ត្បែង ស្រុក​កំពង់ស្វាយ ខេត្តកំពង់ធំ ។

លោក​វរសេនីយ៍ឯក ខេន ឈុ​ន​គ័​រ អធិការ​នគរបាល​ស្រុក​កំពង់ស្វាយ​បាន​ឲ្យ​ដឹង​ថា ជន​រង​គ្រោះ​ដែល​ស្លាប់​ទាំង​២​នាក់​ខាងលើ​ឈ្មោះ ចាន់ យុ​ត្តិ​ការ ភេទ​ប្រុស អាយុ​៩​ឆ្នាំ ជា​អ្នកបើកបរ​ម៉ូតូ រស់នៅ​ភូមិ​ត្រាំ​ខ្លា ឃុំ​ត្បែង ស្រុក​កំពង់ស្វាយ ខេត្តកំពង់ធំ បាន​ស្លាប់​នៅ​កន្លែង​កើតហេតុ និង​អ្នក​រួម​ដំណើរ​ម្នាក់​ឈ្មោះ ធួ​ក ឌុ​ល ភេទ​ប្រុស អាយុ​៧​ឆ្នាំ នៅ​ភូមិ​ឃុំ​ជាមួយ​គ្នា បាន​ស្លាប់​នៅ​កន្លែង​កើតហេតុ ។ ក្មេង​ប្រុស​ទាំង​២​នាក់​ជិះ​ម៉ូតូ​មួយ​គ្រឿង​ឌុ​ប​គ្នា​ម៉ាក​ហុងដា ធុន​C១២៥ ពណ៌​ខ្មៅ ពាក់​ស្លាក​លេខ តាកែវ ១C-៣០០៩ ។

ចំណែក​ភាគី​ខាង​រថយន្ត​ម៉ាក​អុី​ស៊ុ​យ​ហ្សុ៊​យ ពណ៌​ស ពាក់​ស្លាក​លេខ ភ្នំពេញ ២AV-៧៥៦៣ បើកបរ​ដោយ​ឈ្មោះ​ផ​ន ថេ​ប ភេទ​ប្រុស អាយុ​៤២​ឆ្នាំ ជា​ជនជាតិ​ថៃ រស់នៅ​ភូមិ​បាងកក សង្កាត់​បាងកក ក្រុង​ថេ​ប ប្រទេស​ថៃ និង​អ្នក​រួម​ដំណើរ​ជាមួយ​ចំនួន​២​នាក់​ទៀត​គឺ​ឈ្មោះ ឆាន ណា​កាន ភេទ​ស្រី អាយុ​២៨​ឆ្នាំ ជា​ជនជាតិ​ថៃ នៅ​ភូមិ សង្កាត់​ជាមួយ​អ្នកបើកបរ​រថយន្ត និង​ឈ្មោះ ម៉ុ​ន ឈ​ន ភេទ​ប្រុស អាយុ​៣៥​ឆ្នាំ ជនជាតិ​ខ្មែរ​រស់នៅ​ភូមិ​ធ្នុង ឃុំ​ដាន​រុន ស្រុក​សូទ្រនិគម ខេត្តសៀមរាប​។

លោក​អធិការ​នគរបាល​ស្រុក​កំពង់ស្វាយ​បាន​ឲ្យ​ដឹង​ថា​​ ក្មេង​ប្រុស​រង​គ្រោះ​ទាំង​២​នាក់​ជិះ​ម៉ូតូ​មួយ​គ្រឿង​
ឌុ​ប​គ្នា ធ្វើ​ដំណើរ​ក្នុង​ទិស​ដៅ​ពី​កើត​ទៅ​លិច លុះដល់​ចំណុច​កើតហេតុ​ខាងលើ បាន​​បត់​ឆ្វេង ក៏​ត្រូវ​រថយន្ត​មួយ​គ្រឿង​ដែល​បើកបរ​ដោយ​បុរស​ជា​ជនជាតិ​ថៃ បើកបរ​ផ្លូវត្រង់​ក្នុង​ទិស​ដៅ​ពី​កើត​ទៅ​លិច​ស្រប​ទិស​គ្នា​ជាមួយ​ម៉ូតូ​ក្មេង​ប្រុស​រង​គ្រោះ បាន​បុក​ពេញទំហឹង បណ្តាល​ឱ្យ​ក្មេង​ប្រុស​ជា​ជន​រង​គ្រោះ​ទាំង​២​នាក់​ស្លាប់​នៅ​នឹង​កន្លែង​កើតហេតុ ។

លោក​អធិការ​បញ្ជាក់​ថា ដោយ​អ្នកបើកបរ​ម៉ូតូ​មាន​វ័យក្មេង បើក​ម៉ូតូ​បត់​ឆ្វេង​ខ្វះ​ការ​ប្រុង​ប្រយ័ត្ន រួម​ផ្សំ​នឹង​អ្នកបើកបរ​រថយន្ត​មាន​ល្បឿន​លឿន​ក៏​បណ្តាល​ឱ្យ​មាន​គ្រោះថ្នាក់​បែប​នេះ​តែ​ម្ត​ង​។

បច្ចុប្បន្ន អ្នកបើកបរ​ត្រូវ​បាន​សមត្ថកិច្ច​ឃាត់ខ្លួន​នាំ​ទៅ​អធិការដ្ឋាន​ស្រុក​កំពង់ស្វាយ ៕

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

០២:៤៧ | ក្នុងស្រុក

ក្រុមហ៊ុន LION CORPORATION (THAILAND) LTD និង​ក្រុមហ៊ុន TSNR Distribution Co., Ltd បរិច្ចាគ​ថវិកា​ចំនួន ៤០.០០០.០០០ រៀល និង​ជែល​លាងដៃ ជូន​មន្ទីរពេទ្យ គន្ធ​បុប្ផា និង​មន្ទីរពេទ្យ​មិត្តភាព ខ្មែរ​-​សូ​វៀត

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

ការស្ទង់មតិគេហទំព័រថ្មី




សូម​អរគុណ