ខេត្តមណ្ឌលគិរី ៖ ក្នុងបំណងឱ្យមានការប្រែមុខមាត់ថ្មី និងធ្វើឱ្យភ្ញៀវទេសចរជាតិ និងអន្តរជាតិ ចាប់អារម្មណ៍មកទស្សនាទ្វេដងនោះ អាជ្ញាធរខេត្តបានរៀបចំពិធីបញ្ចុះបឋមសិលាស្ថាបនាវិមានឯករាជ្យ នៅសួនឧទ្យានសែនមនោរម្យ អតីតព្រលានយន្តហោះចាស់ ស្ថិតក្នុងក្រុងសែនមនោរម្យ…
ខេត្តមណ្ឌលគិរី ៖ ក្នុងបំណងឱ្យមានការប្រែមុខមាត់ថ្មី និងធ្វើឱ្យភ្ញៀវទេសចរជាតិ និងអន្តរជាតិ ចាប់អារម្មណ៍មកទស្សនាទ្វេដងនោះ អាជ្ញាធរខេត្តបានរៀបចំពិធីបញ្ចុះបឋមសិលាស្ថាបនាវិមានឯករាជ្យ នៅសួនឧទ្យានសែនមនោរម្យ អតីតព្រលានយន្តហោះចាស់ ស្ថិតក្នុងក្រុងសែនមនោរម្យ កាលពីថ្ងៃ៩ ខែកញ្ញា ក្រោមអធិបតីភាពលោក ស្វាយ សំអ៊ាង អភិបាលខេត្ត ។
លោកអភិបាលខេត្ត មានប្រសាសន៍ថា ការស្ថាបនាវិមានឯករាជ្យនៅលើសួនឧទ្យានសែនមនោរម្យ ដែលជាកន្លែងប្រវត្តិសាស្ត្រមួយនៅទឹកដីខេត្តមណ្ឌលគិរី ជាការរួមចំណែកបង្កើនសក្តានុពលវិស័យទេសចរណ៍ និងដើម្បីកែប្រែមុខមាត់ថ្មីរបស់ខេត្តឱ្យកាន់តែមានភាពស្រស់បំព្រងថែមទៀត ។ ការស្ថាបនាវិមានឯករាជ្យនេះ ចំណាយថវិកាប្រមាណ៥០ម៉ឺនដុល្លារសហរដ្ឋអាមេរិក ដែលមានលក្ខណៈស្តង់ដារល្អប្រណីតជាងគេ បើប្រៀបធៀបទៅនឹងបណ្តាខេត្តនានា ។
លោក ស្វាយ សំអ៊ាង ថ្លែងទៀតថា រាជរដ្ឋាភិបាលកម្ពុជាក្រោមការដឹកនាំរបស់សម្តេចតេជោនាយករដ្ឋមន្ត្រី ហ៊ុន សែន បន្តដឹកនាំប្រទេសឲ្យមានសុខសន្តិភាព និងមានការអភិវឌ្ឍលើគ្រប់វិស័យបន្ថែមទៀត ។ លោកក៏បានណែនាំនិងជំរុញដល់មន្ទីរ អង្គភាព ក៏ដូចជាវិស័យឯកជន និងប្រជាពលរដ្ឋទាំងអស់ ត្រូវចូលរួមសហការគ្នា ស្ថាបនាវិមានឯករាជ្យនេះឱ្យទទួលបានជោគជ័យ ដើម្បីទុកឱ្យកូនចៅជំនាន់ក្រោយបានឃើញ ហើយបន្តអភិវឌ្ឍន៍ខេត្តឱ្យប្រែមុខមាត់ថ្មីបន្ថែមទៀត ។ លោក ខៃ ប៉េងស៊ុន ក្រុមជាងសំណង់បែបបុរាណបានឱ្យដឹងថា ការស្ថាបនាវិមានឯករាជ្យនៅខេត្តមណ្ឌលគិរី គឺមានទំហំរង្វង់៥៨ម៉ែត្រ កម្ពស់២៤ម៉ែត្រ សាងសង់ដោយក្រុមជាងសំណង់បែបបុរាណ ។
សូមបញ្ជាក់ថា សួនឧទ្យានសែនមនោរម្យស្ថិតនៅក្រុងសែនមនោរម្យ ស្ថាបនាលើផ្ទៃដីទំហំប្រមាណ២០ហិកតា និងមានរៀបចំធ្វើរូបសេះ រូបផ្លែឃ្លោក រូបនាគ មានកន្លែងហាត់ប្រាណ កន្លែងតាំងពិព័រណ៍ ។ល។
និងរៀបចំលំអសួនឧទ្យាននេះដោយដាំស្មៅស្លាបទា ដាំដើមឈើ និងរុក្ខជាតិសំខាន់ៗ ដែលបង្ហាញពីអត្តសញ្ញាណធនធានធម្មជាតិរបស់ខេត្ត ឱ្យស្របនឹងអាកាសធាតុ ។ លើសពីនេះទៀត ក៏បង្ហាញពីវប្បធម៌ជនជាតិដើមភាគតិចព្នង និងអត្តសញ្ញាណជាតិផងដែរ ៕
ចែករំលែកព័តមាននេះ