ក្រុមអ្នកស្រាវជ្រាវបានរកឃើញបរាសិតម្យា៉ងនៅភាគខាងលិចប្រទេសកម្ពុជាដែលតាមការវិភាគផ្នែកសេនេទិកឃើញថាខុសគ្នាពីប្រភេទផ្សេងនៅលើពិភពលោក ។កាលពីឆ្នាំទៅមិញអ្នកវិទ្យាសាស្ត្របានព្រមានថា ប្រភេទជំងឺគ្រុនចាញ់ដែលសាំុនឹងថ្នាំកំពុងរាលដាលនៅក្នុងប្រទេសកម្ពុជា និងនៅតាមព្រំដែនប្រទេសថៃ និងមីយ៉ាន់មា៉ បង្កឱ្យមានការព្រួយបារម្ភជាខ្លាំងចំពោះការរាត
ក្រុមអ្នកស្រាវជ្រាវបានរកឃើញបរាសិតម្យា៉ងនៅភាគខាងលិចប្រទេសកម្ពុជាដែលតាមការវិភាគផ្នែកសេនេទិកឃើញថាខុសគ្នាពីប្រភេទផ្សេងនៅលើពិភពលោក ។កាលពីឆ្នាំទៅមិញអ្នកវិទ្យាសាស្ត្របានព្រមានថា ប្រភេទជំងឺគ្រុនចាញ់ដែលសាំុនឹងថ្នាំកំពុងរាលដាលនៅក្នុងប្រទេសកម្ពុជា និងនៅតាមព្រំដែនប្រទេសថៃ និងមីយ៉ាន់មា៉ បង្កឱ្យមានការព្រួយបារម្ភជាខ្លាំងចំពោះការរាតត្បាតនៃមេរោគនេះ ។ នេះបើយោងតាមការចុះផ្សាយរបស់សារព័ត៌មាន BBC ។
ឥឡូវនេះអ្នកវិទ្យាសាស្ត្របានចង្អុលបង្ហាញពីបរាសិតដែលបង្កឱ្យកើតមានជំងឺគ្រុនចាញ់ ហើយអាចធន់នឹងការព្យាបាលដោយប្រើថ្នាំ Artemisinin ប្រឆាំងមេរោគគ្រុនចាញ់ទៀតផង ។ នេះបើយោងតាមការសិក្សាដែលចុះផ្សាយតាមទំព័រកាសែត Nature Genetics ។លោកបណ្ឌិត Olivo Miotto មកពីសាកលវិទ្យាល័យ Oxford និងសាកលវិទ្យាល័យ Mahidol បានថ្លែងប្រាប់សារព័ត៌មាន BBC ថាបច្ចុប្បន្ននេះថ្នាំ Artemisinin គឺជាថ្នាំការពារប្រសើរបំផុតប្រឆាំងនឹងជំងឺដែលបង្កឡើងដោយសត្វមូស ។ ថ្នាំនេះត្រូវបានប្រើយ៉ាងទូលំទូលាយហើយអាចព្យាលបាលជំងឺដែលបង្កដោយមេរោគបានទៀតផងនៅពេលផ្សំជាមួយថ្នាំផ្សេងទៀត ។
លោកបណ្ឌិតបានបន្ថែមថា «រាល់ថ្នាំមានប្រសិទ្ធភាពបំផុតដែលយើងមាននៅក្នុងរយៈពេលប៉ុន្មានទសវត្សចុងក្រោយនេះ ប្រែទៅជាគ្មានប្រយោជន៍ដោយសារសមត្ថភាពនៃបរាសិតមានការផ្លាស់ប្តូរ និងវិវឌ្ឍភាពសាំុ ។
ឥឡូវថ្នាំ Artemisinin មានប្រសិទ្ធភាពខ្ពស់វាជាអាវុធដ៏ប្រសើរបំផុតដែលយើងមានសម្រាប់ប្រឆាំងនឹងជំងឺនេះ ហើយយើងចាំបាច់ត្រូវរក្សាវាទុក» ។ក្រុមរបស់លោកបណ្ឌិត Miotto បានរៀបចំហ្សែននៃបរាសិតដែលបង្កឱ្យមានជំងឺគ្រុនចាញ់ចំនួន៨០០ពីជុំវិញពិភពលោក ។ អ្នកវិទ្យាសាស្ត្ររកឃើញថា ក្រុមបរាសិតដែលសាំុនឹងថ្នាំប្លែកគ្នាចំនួន៣នៅក្នុងប្រទេសកម្ពុជា ប៉ុន្តែគេមិនទាន់ដឹងច្បាស់នៅឡើយថា តើបរាសិតទាំងនោះបានផ្លាស់ប្តូរទៅសាំុនឹងថ្នាំ Artemisinin ដូចម្តេចទេ ។
លោកបណ្ឌិត Miotto ថ្លែងថា ការស្វែងយល់ពីលក្ខណៈសេនេទិកនៃបរាសិតនេះនឹងជួយអ្នកវិទ្យាក្នុងការកត់សម្គាល់ និងតាមដានប្រភេទបរាសិតនេះ ប្រសិនបើវារាលដាលទៀតនោះ ។អង្គការសុខភាព ពិភពលោកបានបញ្ជាក់ថា គោលដៅសំខាន់គឺត្រូវបញ្ឈប់ការរីករាលដាលនៃបរាសិតគ្រុនចាញ់ដែលសាំុនឹងថ្នាំនេះ ។
យោងតាមការបា៉ន់ស្មានចុងក្រោយបំផុត មានករណីជំងឺគ្រុនចាញ់ប្រហែល២១៩លាននាក់កាលពីឆ្នាំ២០០៩ ហើយ៦៦០.០០០នាក់បានបាត់បង់ជីវិត ។ អាហ្វ្រិកជាប្រទេសដែលរងផលប៉ះពាល់ធ្ងន់បំផុត គឺជិត៩០%បានស្លាប់ដោយសារជំងឺគ្រុនចាញ់ ៕
ចែករំលែកព័តមាននេះ