ខេត្តស្ទឹងត្រែង ៖ ករណីគ្រូបារមីចូលរូប ដែលវាយជនគ្រោះគល់ប្ញស្សី និងជាន់.កបន្ថែម បណ្តាលឱ្យស្លាប់ ហើយបានរត់គេចខ្លួនបាត់ទាំងប្តីប្រពន្ធនោះ រហូតមកទល់ពេលនេះ កម្លាំងសមត្ថកិច្ចនៅមិនទាន់ប្រមាញ់ចាប់ខ្លួនបាននៅឡើយទេ ។
លោក ឌួង សីុវុត្ថា នាយការិយាល័យព្រហ្មទណ្ឌកម្រិតធ្ងន់បានប្រាប់កោះសន្តិភាព នាព្រឹកថ្ងៃទី៨ កញ្ញា នេះថា កម្លាំងនគរបាលព្រហ្មទណ្ឌកម្រិតធ្ងន់នៃស្នងការដ្ឋាននគរបាលខេត្ត គឺនៅតែបន្តការស្រាវជ្រាវតាមចាប់ខ្លួន នៅពេលដែលជនសង្ស័យបង្ហាញខ្លួន ទោះបីនៅទីណាក៏ដោយ ។
លោកបន្តថា ការសើុបអង្កេតរបស់ជំនាញបានផុតដៃទៅ តែទោះបីយ៉ាងណា កម្លាំងជំនាញនៅតែបន្តការ
ស្រាវជ្រាវដដែល បូករួមទាំងក្រុមគ្រួសារជនរងគ្រោះ កំពុងព្យាយាមតាមរកទីកន្លែងរស់នៅនោះដែរហើយប្រសិនក្រុមគ្រួសារជនរងគ្រោះ រកឃើញនៅកន្លែងណា កម្លាំងការិយាល័យព្រហ្មទណ្ឌយើងនិងស្នើដីកាព្រះរាជអាជ្ញាចុះអនុវត្តដីកាចាប់ខ្លួនតែម្តង។
គួររំលឹកដែរថា ហេតុការណ៍នេះ បានកើតឡើងកាលពីថ្ងៃទី២១ សីហា វេលាម៉ោង០៦យប់ ស្ថិតនៅក្នុងភូមិឆ្វាំង ឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង ។ ប្រភពព័ត៌មានអោយដឹងថា គ្រូចូលរូបខាងលើ ឈ្មោះ ឈន់ ភេទស្ រីអយុប្រហែលជាង៥០ឆ្នាំ បច្ចុប្បន្នរស់នៅជាមួយប្តីឈ្មោះ ស៊ុំ ស្រុង ដែលជាអ្នកលើកដាក់មើលការខុសត្រូវ នៅពេលប្រពន្ធរបស់ខ្លួនត្រូវបារមីចូលសណ្ឋិត ។
អ្នកទាំងពីរស្ថិតក្រោមការសង្ស័យ បង្កឱ្យស្ត្រីឈ្មោះឡុង សែម ភេទស្រី អាយុ៦៤ឆ្នាំ មានទីលំនៅភូមិស្រម៉ ឃុំទឹកជ្រៅស្រុកតំបែ ខេត្តត្បូងឃ្មុំ បានស្លាប់ បន្ទាប់ស្ត្រីបារមីចូលសណ្ឋិតខាងលើព្យាបាល តាមបែបបុរាណ ដោយគិតថា ជនរងគ្រោះត្រូវខ្មោចព្រាយបិសាចចូលខ្លួន ហើយប្រើប្រាស់ដំបងឬស្សីវាយទៅលើស្ត្រីអ្នកជម្ងឺជាច្រើនដំបងដើម្បីបណ្តេញខ្មោចព្រាយបីសាច បន្តមកទៀតអោយបុរសជាប្តីអូសដាក់ក្បែបង្អួចវាយនិងជាន់កបន្ថែមរហូតស្ត្រីជាអ្នកជម្ងឺដាច់ខ្យល់ស្លាប់។
ប្រភពដដែលបន្តថា ក្រោយស្ត្រីបារមីសណ្ឋិតព្យាបាល ដោយប្រើគល់ប្ញស្សីវាយស្ត្រីអ្នកជំងឺ ដើម្បីបណ្តេញព្រាយបិសាចរហូតបាត់មាត់បាត់ក រហូតដឹងថា ស្ត្រីរងគ្រោះស្លាប់ ស្ត្រីបារមីគ្រូសណ្ឋិតនោះរួមនិងប្តីបានរត់គេចខ្លួនតែម្តង ។ប្រភពដដែលបន្តថានៅគ្រាដែលដឹងថាស្ត្រីជាអ្នកជម្ងឺស្លាប់បារមីគ្រូសណ្ឋិតនោះរត់
បាត់មុនអ្នកស្នងរូបទៅទៀត ទើបអ្នកស្នងរូបរត់តាមក្រោយ។
យោងតាមការបំភ្លឺពីឈ្មោះសុីម អូន ភេទស្រីអាយុ៤៧ឆ្នាំត្រូវជាកូនបង្កើតរបស់ជនរងគ្រោះថាមុនពេលកើតហេតុរូបខ្លួនបានយកម្តាយមកព្យាបាលជម្ងឺនិងគ្រូចូលរូបខាងលើម្តាយខ្លួនមានជំងឺក្តៅរោលនិងឈឺសន្លាក់ដៃជើងប៉ុណ្ណោះ។ស្រាប់តែគ្រូចូលរូបជាស្រីបានយកតំបងឬស្សីប្រហែលប៉ុនកដៃប្រវែងប្រ
ហែល១ម៉ែត្រមកវាយម្តាយរបស់ខ្លួនរួចគ្រូចូលរូបនោះសួរទៅម្តាយថា(ឆ្លើយមកចេញហើយរឺនៅ)ពេលនោះម្តាយស្រែកថាអញឈឺណាស់មិនដឹងទេ។
បន្ទាប់មក គ្រូចូលរូបនៅតែបន្តវាយដោយអោយប្តីរបស់គាត់ឈ្មោះស៊ុំ ស្រុង ជួយចាប់និងអូសមកក្បែបង្អួចជាន់កអោយប្រពន្ធដែលជាគ្រូវាយរហូតបាត់ម៉ាត់ ឃើញសភាពម្តាយបាត់ម៉ាត់បាត់កគ្រូនិងប្តីបានចុះមកដីដោយប្រាប់ថាគ្រូទៅបត់ជើងសិនម៉ោង២០គាត់នឹងដឹងខ្លួនហើយ ។ដោយបាត់គ្រូយូពេកខ្លួនក៏បានមកមើលម្តាយទើបដឹងថាម្តាយខ្លួនស្លាប់បាត់ទៅហើយ។ បន្ទាប់កើតហេតុកូនស្ត្រីរងគ្រោះបានទំនាក់ទំនងទៅកម្លាំងនគរបាលប៉ុស្តិ៍រដ្ឋបាលព្រមទាំងបានដាក់ពាក្យបណ្តឹងភ្លាមៗផងដែរ។
បច្ចុប្បន្ នកម្លាំងនគរបាលព្រហ្មទណ្ឌនៅតែបន្តការសើុបអង្កេតស្រាវជ្រាវរកជនសង្ស័យទាំងពីរនាក់ប្តីប្រពន្ធនាំមកផ្តន្ទាទោសតាមច្បាប់៕
ចែករំលែកព័តមាននេះ