ខេត្តបាត់ដំបង ៖ ពិធីប្រគល់សម្ភារៈបច្ចេកទេស និងផ្លាស់ប្តូរមុខតំណែងនាយការិយាល័យបច្ចេកទេសរបស់យោធភូមិភាគទី៥ស្ថិតនៅ(ភ្នំតូច) ឃុំឈើទាល ស្រុកបាណន់ ខេត្តបាត់ដំបង វេលាព្រឹកថ្ងៃទី៦ ខែកញ្ញា ឆ្នាំ២០១៨…
ខេត្តបាត់ដំបង ៖ ពិធីប្រគល់សម្ភារៈបច្ចេកទេស និងផ្លាស់ប្តូរមុខតំណែងនាយការិយាល័យបច្ចេកទេសរបស់យោធភូមិភាគទី៥ស្ថិតនៅ(ភ្នំតូច) ឃុំឈើទាល ស្រុកបាណន់ ខេត្តបាត់ដំបង វេលាព្រឹកថ្ងៃទី៦ ខែកញ្ញា ឆ្នាំ២០១៨ ក្រោមអធិបតីភាពលោកឧត្តមសេនីយ៍ឯកប៊ុន សេង មេបញ្ជាការរងកងទ័ពជើងគោក មេបញ្ជាការយោធភូមិភាគទី៥ លោកឧត្តមសេនីយ៍ឯកពៅ ស៊ីថា មេបញ្ជាការកងរថក្រោះកងទ័ពជើងគោក ព្រមទាំងមេបញ្ជាការរងយោធភូមិភាគ មេបញ្ជាការរងតំបន់ប្រតិបត្តការសឹករងមេបញ្ជាការកងពលថ្មើរជើងលេខ៥១,៥២,និង៥៣ កងការពារព្រំដែនលេខ៥០១,៥០២,៥០៣, និង៥០៤ អភិបាលស្រុកបា
ណន់ អាវុធហត្ថ ប៉ូលីស សរុបចំនួន១៨០នាក់បានមកចូលរួម។
លោកឧត្តមសេនីយ៍ទោ អ៊ឹម សាវុធ មេបញ្ជាការរងយោធភូមិភាគទី៥ ទទួលបន្ទុកការងារបច្ចេកទេស បានមានមតិស្វាគមន៍ និងរាយការណ៍អំពីសកម្មភាពការងារនៅទីនេះគឺបានធានាការស្នាក់នៅ ហូបចុកគ្រប់គ្រាន់ គ្រប់គ្រងកម្លាំងទទួលការងារថែទាំសម្ភារៈបច្ចេកទេសតាំងពីឆ្នាំ២០១៤ បំបែកមកពីការិយាល័យទី៤ កាន់តែមានគុណភាព ដោយមានអ្នកជំនាញបច្ចេកទេសពីប្រទេសវៀតណាម និងសប្បុរសជនជួយទំនុកបំរុងកន្លងមក ក្រោមការជំរុញពីគ្រប់ថ្នាក់ដឹកនាំ ទើបយើងមានភាពល្អប្រសើររហូតបានដល់ថ្ងៃនេះ។
បន្ទាប់មកលោកឧត្តមសេនីយ៍ត្រី ប៊ិន សារ៉ន នាយការិយាល័យទី១ យោធភូមិភាគទី៥ បានអានកំណត់
ហេតុផ្ទេរប្រគល់ និងសេចក្តីសម្រេចប្រកាស់លោកឧត្តមសេនីយ៍ត្រី ហ៊ាង រតន៍ នាយការិយាល័យបច្ចេក
ទេស ទៅជានាយសេនាធិការរងយោធភូមិភាគទី៥ និងដំឡើងមុខងារលោកវរសេនីយ៍ឯក កែវ ភូមិន្ទ នាយរង មកជានាយការិយាល័យបច្ចេកទេសវិញ ដោយសាម៉ីខ្លួនបានឡើង ប្រកាសធ្វើការប្តេជ្ញាចិត្តផងដែរ។
លោកឧត្តមសេនីយ៍ឯក ប៊ុន សេង បានបញ្ជាក់ថា ទីតាំងកន្លែងនេះជាកន្លែងថ្មី ដោយសារមានសប្បុរសជនកងទ័ពភូមិភាគទី៩វៀតណាម ក្រុមហ៊ុនសូគីមិច វិស្វកម្ម ជួយកសាងកន្លងមក ទើបមានដំណើរការព្រមទាំងអាគារស្នាក់នៅ រោងជាងជួសជុលថែទាំ ទុកដាក់សម្ភារៈអាចប្រើបានរហូតដល់ថ្ងៃនេះ សំខាន់សម្ភារៈសឹកទាំងអស់នេះគឺបានបន្សល់តាំងពីសម័យសមាហរណកម្មមកម្ល៉េះ តែដោយសារការយកចិត្តទុកដាក់របស់បងប្អូនកម្លាំងទ័ពមានស្មារតី ឆន្ទៈ ទើបយើរក្សាបានដល់សព្វថ្ងៃ ៕
ចែករំលែកព័តមាននេះ