ខេត្តកំពង់ស្ពឺ ៖ រឿងរ៉ាវជីវិតរបស់ស្ត្រីម្នាក់ដែលមិនមានប្តី ស្រាប់តែមានផ្ទៃពោះធ្វើឱ្យម្តាយមីងជជីកសួរដេញដោលរហូតធ្លាយការពិតថា នាងត្រូវបានបុរសសឹងតែ១ភូមិបបបួលនាងរួមមេត្រីជាថ្នូរនឹងការឱ្យលុយបន្តិចបន្តួច ដើម្បីដោះស្រាយចំណង់របស់ពួកគេ។ រឿងរ៉ាវនេះត្រូវបានបែកធ្លាយកាលពីរសៀលថ្ងៃទី៣ កញ្ញា ឆ្នាំ២០១៨ ស្ថិតក្នុងភូមិព្រៃរំដួលខាងកើត…
ខេត្តកំពង់ស្ពឺ ៖ រឿងរ៉ាវជីវិតរបស់ស្ត្រីម្នាក់ដែលមិនមានប្តី ស្រាប់តែមានផ្ទៃពោះធ្វើឱ្យម្តាយមីងជជីកសួរដេញដោលរហូតធ្លាយការពិតថា នាងត្រូវបានបុរសសឹងតែ១ភូមិបបបួលនាងរួមមេត្រីជាថ្នូរនឹងការឱ្យលុយបន្តិចបន្តួច ដើម្បីដោះស្រាយចំណង់របស់ពួកគេ។ រឿងរ៉ាវនេះត្រូវបានបែកធ្លាយកាលពីរសៀលថ្ងៃទី៣ កញ្ញា ឆ្នាំ២០១៨ ស្ថិតក្នុងភូមិព្រៃរំដួលខាងកើត ឃុំបរសេដ្ឋ ស្រុកបរសេដ្ឋ ខេត្តកំពង់ស្ពឺ។
ក្រោយពីបែកធ្លាយករណីនេះ លោកស្រី ងិនសុគន្ធា ស្នងការរងនគរបាលខេត្តទទួលបន្ទុកប្រឆាំងការជួញដូរ និងការពារអនីតិជនបានដឹកនាំកម្លាំងជំនាញចុះដល់ភូមិកើតហេតុ ដើម្បីបើកការស្រាវជ្រាវរកមូលហេតុពិតក៏ដូចជារកយុត្តិធម៌ដល់ជនរងគ្រោះផងដែរ។
នៅចំពោះមុខសមត្ថកិច្ចស្ត្រីរងគ្រោះអាយុប្រហែល៣០ឆ្នាំខាងលើរៀបរាប់ថា នាងត្រូវបុរសជាច្រើនរួមភេទជាមួយនាង ហើយភាគច្រើននៅតាមភ្លឺស្រែ តាមគុម្ពោតព្រៃជាដើម ក្នុងនោះនាងស្គាល់មុខច្បាស់គ្រប់គ្នា ។ ករណីនាងគឺកើតឡើងច្រើនឆ្នាំមកហើយ ក្រោយការរួមភេទនាងទទួលបានលុយពីប្រុសៗទាំងនោះ ខ្លះឱ្យ១.០០០រៀល ខ្លះ៥.០០០រៀល ឯខ្លះទៀត១០.០០០រៀលក៏មាន។
តាមបងស្រីស្ត្រីរងគ្រោះអាយុ៣៧ឆ្នាំនិយាយថា កាលពីអំឡុងឆ្នាំ២០០៦ ប្អូនស្រីរបស់គាត់អាយុប្រមាណជា១៦ឆ្នាំបានទៅស៊ីឈ្នួលចាំចំការឱ្យគេ ពេលនៅទីនោះត្រូវសាច់ញាតិឯងចាប់រំលោភ ហើយវាយប្រុងសម្លាប់បំបិតមាត់ រួចមកក៏គេចខ្លួនទៅនៅស្រុកថៃបាត់ទៅ។ ក្រោយជួបរឿងអាក្រក់បែបនេះ គ្រួសារបញ្ជូននាងទៅសង្គ្រោះ និងព្យាបាលរហូតជាសះស្បើយពីអាការៈរបួស ស្រាប់តែនាងមានសតិមិនប្រក្រតីចាប់តាំងពីពេលនោះរហូតមក។ គ្មានអ្នកណាមួយក្នុងក្រុមគ្រួសារដឹងថា ក្រោយនាងមានជំងឺបែរជាមកជួបរឿងអកុសលបែបនេះ ទេ ។
នគរបាលស្រុកបសេដ្ឋប្រាប់ថា ករណីនេះបែកការណ៍បន្ទាប់ពីស្ត្រីម្នាក់ត្រូវជាម្តាយមីសង្កេតឃើញអាការៈ (ពោះប៉ោង) ហើយក្មួយស្រីខុសពីធម្មតាក៏ជជីកសួរនាំទើបនាងនិយាយប្រាប់ការពិតដែលប្រុសៗក្នុងភូមិ និងក្រៅភូមិធ្វើមកលើនាង បន្ទាប់ពីសួរនាំទើបគ្រួសារនាំនាងយកទៅពិនិត្យទើបដឹងថា នាងមានផ្ទៃពោះ៥ទៅ៦ខែទៅហើយមកហើយ។
លោកវរសេនីយ៍ត្រី យ៉ាង សុខលី អធិការនគរបាលស្រុកប្រាប់នៅរសៀលថ្ងៃទី៤ កញ្ញានេះថាករណីនេះត្រូវក្រុមគ្រួសារនារីខាងលើ រួមនឹងអាជ្ញាធរភូមិធ្វើការសម្របសម្រួលគ្នាក្រៅប្រព័ន្ធច្បាប់ដោយមិនមកដាក់ពាក្យបណ្តឹងខាងសមត្ថកិច្ចយើងឱ្យជួយរកយុត្តិធម៌នោះទេ។ ពេលនេះដឹកនាំដោយលោកស្រីស្នងការរងទទួលបន្ទុក រួមទាំងជំនាញស្រុកបានបើកការស្រាវជ្រាវ និងស៊ើបអង្កេតយ៉ាងយកចិត្តទុកដាក់បំផុត។ ហើយមន្ត្រីជំនាញធ្វើការសាកសួរទៅលើប្រុសដែលនាងប្រាប់ថា បានរួមមេត្រីជាមួយនាងបាន៤នាក់ហើយ និងកំពុងស្រាវជ្រាវកោះហៅមកសួរបន្តទៀត ចំពោះលទ្ធផលយ៉ាងណាៗរង់ចាំបញ្ជាពីថ្នាក់លើ។
ដោយឡែកលោកចាន់ ថុល មេឃុំបរសេដ្ឋ បានប្រាប់ថា លោកបានប្រើមន្ត្រីឲ្យទៅសម្របសម្រួលស្ងាត់ៗនៅនឹងភូមិមែន ហើយលោកទទួលស្គាល់ថា មានមនុស្សប្រុសចំនួន៣ភូមិដែលត្រូវស្ត្រីខាងលើចោទ។ បុរសទាំងអស់ដែលត្រូវចោទ គឺមិនច្រើនដល់ទៅ៣០នាក់ទេ ហើយមុនពេលរឿងនេះបែកធ្លាយមានមនុស្សមិនតិចជាង១០នាក់ទេ បានយកលុយទៅបង់ឲ្យម្តាយស្ត្រីខាងលើក្នុងម្នាក់ៗចាប់ពី៤០ម៉ឺទៅ១លានរៀល។
ចែករំលែកព័តមាននេះ