ខេត្តស្វាយរៀង ៖ ជ្រូកព្រៃមួយហ្វូង មានតូចមានធំជាច្រើនក្រុមមានរាប់សិបក្បាល ដើររកចំណីស៊ីពាសវាលពាសកាលក្នុងទីរួមខេត្តស្វាយរៀង ដោយឈ្មុសដីតាមចិញ្ចើមថ្នល់ និងខាំហែកថង់សំរាម ដែលគេដាក់តាមចិញ្ចើមផ្លូវនៅមុខផ្ទះរាយប៉ាយធ្វើឱ្យប៉ះពាល់ការប្រមូលសំរាមខណៈរថយន្តដឹកសំរាមមិនទាន់មកប្រមូល ។ អ្នកក្រុងស្វាយរៀងខ្លះសំណូមពរសុំឱ្យអាជ្ញាធរក្រុង…
ខេត្តស្វាយរៀង ៖ ជ្រូកព្រៃមួយហ្វូង មានតូចមានធំជាច្រើនក្រុមមានរាប់សិបក្បាល ដើររកចំណីស៊ីពាសវាលពាសកាលក្នុងទីរួមខេត្តស្វាយរៀង ដោយឈ្មុសដីតាមចិញ្ចើមថ្នល់ និងខាំហែកថង់សំរាម ដែលគេដាក់តាមចិញ្ចើមផ្លូវនៅមុខផ្ទះរាយប៉ាយធ្វើឱ្យប៉ះពាល់ការប្រមូលសំរាមខណៈរថយន្តដឹកសំរាមមិនទាន់មកប្រមូល ។
អ្នកក្រុងស្វាយរៀងខ្លះសំណូមពរសុំឱ្យអាជ្ញាធរក្រុង មេត្តាជួយមើលផង ដោយសារហ្វូងជ្រូកព្រៃរាប់សិបក្បាលដើរឈ្មូស និងហែកថង់សំរាមឱ្យរាយប៉ាយបែបនេះជាច្រើនខែមកហើយ រហូតមកដល់ថ្ងៃទី៣០ ខែសីហា គឺនៅតែដើររកចំណីស៊ីម៉ាសេរី ។
បើតាមអ្នករស់នៅភូមិស្រះវង់ សង្កាត់ស្វាយរៀងបានឱ្យដឹងថា សត្វជ្រូកទាំងអស់នេះ គឺជាពូជជ្រូកព្រៃចិញ្ចឹមរបស់យោធាតំបន់ប្រតិបត្តិការសឹករងស្វាយរៀង បានចិញ្ចឹមប្រមាណ១០០ក្បាល ដាក់ទ្រុងនៅក្នុងបន្ទាយ ហើយពេលខ្លះគេបញ្ចេញពីក្នុងទ្រុងឱ្យដើររកចំណីនៅខាងក្រៅ ដើម្បីឱ្យវាដូចជ្រូកព្រៃធម្មជាតិឡើងវិញ ។ មន្ត្រីយោធាម្នាក់បានបំភ្លឺថា មិនមែនលែងទេ គឺជ្រូកព្រៃទាំងនោះវាផ្អើលនាំគ្នាលោតចេញពីទ្រុង ។
ទោះបីជាយ៉ាងណាក៏ដោយ អ្នកក្រុងស្វាយរៀងខ្លះ ដែលធ្លាប់រំខានដោយហ្វូងជ្រូកព្រៃនេះ បានសំណូមពរដល់អាជ្ញាធរមេត្តាជួយអន្តរាគមន៍ សុំឱ្យខាងយោធាចាប់ជ្រូកព្រៃចិញ្ចឹមទាំងនោះបញ្ចូលទ្រុងវិញផង កុំឱ្យវាដើរឈ្មុសដី និងហែកថង់សំរាមពាសពេញក្រុងបែបនេះមិនល្អទេ ជួនកាលស៊ីដើមចេកគេ ក៏មានដែរ ៕
ចែករំលែកព័តមាននេះ