ភូតច្រើនចាញ់អាត្មាលោក សុខ ឥសានថាអតីតមេបក្សប្រឆាំងកំពុងភូតកុហកសកម្មជនរបស់ខ្លួន
- ភ្នំពេញ
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា (CPP) លោក សុខ ឥសាន បានហែកកេរ្តិ៍អតីតមេបក្សប្រឆាំងលោក សម រង្ស៊ី…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា (CPP) លោក សុខ ឥសាន បានហែកកេរ្តិ៍អតីតមេបក្សប្រឆាំងលោក សម រង្ស៊ី…
រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជា (CPP) លោក សុខ ឥសាន បានហែកកេរ្តិ៍អតីតមេបក្សប្រឆាំងលោក សម រង្ស៊ី ដែលកំពុងនិរទេសខ្លួននៅក្រៅប្រទេសថា បាននិងកំពុងភូតកុហកសកម្មជនរបស់ខ្លួន តាមរយៈការបង្ហោះរូបលើបណ្តាញសង្គមថា ជួបជាមួយថ្នាក់ដឹកនាំប្រទេសធំៗទាំងគេមិនបានជួប ។
ការលើកឡើងរបស់អ្នកនាំពាក្យគណបក្សកាន់អំណាចនេះ បន្ទាប់ពីលោក សម រង្ស៊ី បានបង្ហោះរូបភាពថា នឹងជួបថ្នាក់ដឹកនាំបណ្តាប្រទេសមួយចំនួន រួមទាំងនៅអង្គការសហប្រជាជាតិ និងសហគមន៍អឺរ៉ុបជាដើម ។
លោក សុខ ឥសាន បានបញ្ជាក់នៅថ្ងៃទី៣០ខែសីហាថា លោក សម រង្ស៊ី បានអួតក្អេងក្អាងថា បានទៅជួបមន្ត្រីជាន់ខ្ពស់នៃសហគមន៍អឺរ៉ុបនិងមន្ត្រីកំពូលៗនៃអង្គការសហប្រជាជាតិ(អ.ស.ប) នៅពេលដែលមិនបានជួបមន្ត្រីណាទាំងអស់ ។នេះគឺជាការកុហក និងបោកប្រាស់ ។
អ្នកនាំពាក្យគណបក្សកាន់អំណាចរូបនេះបានដាក់ជាសំណួរថា តេីទណ្ឌិត សម រង្ស៊ី មានឋានៈជាស្អី ដែលមន្ត្រីជាន់ខ្ពស់ស្ថាប័នកំពូលពិភពលោកឲ្យជួបនោះ? ទណ្ឌិត សម រង្ស៊ី គ្មានតួនាទីអ្វី ត្រូវគេឲ្យជួបនោះទេ ។
លោកបញ្ជាក់ថា «តាមការពិត ទណ្ឌិត សម រង្ស៊ី គ្រាន់តែទៅឈរពីមុខឡូហ្គោ EU ឬ អ.ស.ប ហេីយថតរូបយកមកបង្ហោះតាមហ្វេសប៊ុកដេីម្បីបោកប្រាស់និងភូតកុហកប៉ុណ្ណោះ ។ សម រង្ស៊ី និយាយថា ខ្លួនបានទៅជួបមេដឹកនាំបណ្តាប្រទេស ជាពិសេសមេដឹកនាំប្រទេសធំៗ តែធាតុពិត គ្មានមេដឹកនាំប្រទេសណាឲ្យទណ្ឌិត សម រង្ស៊ី ជួបគេទេ» ។
តាមពិតទណ្ឌិត សម រង្ស៊ី គ្រាន់តែទៅអេីតឡឺមនៅមុខក្រសួងឬការិយាល័យគេ ហេីយយករូបថតមកបង្អួតគេឯង បន្ទរឲ្យឮក្តុងក្តាំងតែប៉ុណ្ណោះ ។ នេះគឺជាល្បិចភូតកុហក និង បោកប្រាស់របស់ទណ្ឌិត សម រង្ស៊ី ជាពិសេសអ្នកដែលឈ្លក់វង្វេងនឹងមេបក្សក្បត់ជាតិ ។ជាមួយគ្នានេះ លោក សុខ ឥសាន ក៏បានលើកឡើងថា លោក សម រង្ស៊ី បានទៅជួប ប្រធានរដ្ឋសភាប្រទេសណាមួយ នោះវាគ្រាន់តែបានជួបតំណាងរាស្ត្រ ឬសមាជិកព្រឹទ្ធសភារបស់បក្សប្រឆាំងប៉ុណ្ណោះ ។ ទាក់ទិននឹងទង្វើរបស់លោក សម រង្ស៊ី នៅក្រៅប្រទេសនោះ ត្រូវបានលោក ជេម សុខ ឬហៅថា សុខ សុគន្ធ អ្នកវិភាគសង្គមមួយរូបដែលកំពុងរស់នៅសហរដ្ឋអាមេរិក ហៅទង្វើរបស់លោក សម រង្ស៊ី ថាជាការអស់ផ្លូវដើរ ហើយបរទេសក៏គេលែងស្តាប់ដែរ ។
លោកបញ្ជាក់នៅលើបណ្តាញសង្គមនៅថ្ងៃទី៣០ ខែសីហា ទៅកាន់់លោក សម រង្ស៊ីថា «វីរបុរសខាងមិត (រត់ឬដាក់មេផាយ)។ ប្រសិនបើលោក សម រង្ស៊ី មានចិត្តមោះមុតបែបនេះតាំងពីយូរមកហើយ ម្ដេចចាំខាតពេលយូរម្លេ៉ះ។ ម្ដេចលោក រង្ស៊ី មិនលបចូលទៅវិញតាមដែន គោក ដូចជាតាមច្រកថៃ ឡាវ ឬវៀតណាម ទៅឈរក្ដីទៅ ។ ឥឡូវ សម្ដីលោក រង្ស៊ី ឥតសូវនរណាជឿទេ ។ យើងមិនចង់ឲ្យលោក រង្ស៊ី មានទុក្ខទោសដោយអយុត្តិធម៌ឡើយ តែសូមអង្វរ កុំបន្លំធ្វើគង់ហ៊ានអី» ។ លោកបន្ថែមថា «ខ្ញុំចេះតែសង្កេត…រឿងអ្នកនយោបាយសម្ដីមុត និងពូកែខាងដាក់មេផាយនេះ ទំនងជាឲ្យចំណេញទៅសម្តេចតេជោ ហ៊ុន សែន វិញទេ ។ ដំបូង ប្រជាជនលោកអាណិតអាសូរអ្នកដាក់មេផាយមែន តែដល់យូរៗទៅ ប្រជាជនលោកនឿយណាយ
និងលែងអំពល់ចិត្ត ហើយលោកគិតថា «ស្រេចតែវាទៅ….អាប្រកាច់ហ្នឹងវារស់ស្រួលនៅបរទេស វាមិនដែល ធ្វើអ្វីកើតទេ បើវាពូកែតែចាក់ហើយរត់….ក៏ឈប់គិតខ្វល់ពីវាទៅ» ។ ពេលនោះលោក ហ៊ុន សែន ចំណេញកប់ក្ដោងបាត់» ។
លោកបន្ថែមថា ខ្ញុំចេះតែសង្កេត…ពួកបរទេស ក៏មិនខុសគ្នាពីប្រជាជនខ្មែរ ។ គេជួយតែពេលអ្នកនយោបាយប្រឆាំងនោះខិតខំធ្វើការងារ និងមិនបង្កើតបញ្ហាអង្កាច់អង្កោចច្រើនពេក ។ តែដល់ពេលពួកបរទេសគេសង្កេតឃើញថា អាអ្នកបង្កើតរឿងតូចតាច ដើម្បីបំពេញភាពកម្ជិលរបស់វានោះ ពួកបរទេសគេនឹងគិតថា «តើវាចោលស្រុកអីអាមួយនេះ…វាជាមនុស្ស កំសាករត់ដូចកណ្ដុរ ។ អាមូួយនេះមិនមែនជាអ្នក
នយោបាយច្បាស់លាស់ទេ ។ អុីចឹងវាមិនមានស្ថិរភាព ។ ឲ្យសម្តេច ហ៊ុន សែន កាន់អំណាចទៅ ព្រោះមានស្ថិរភាពជាង ។
យោងតាមដីកាចុះថ្ងៃទី១៦ ខែសីហា ឆ្នាំ២០១៨ លោក ហម ម៉េងសែ ចៅក្រមស៊ើបសួរសាលាដំបូងរាជធានីភ្នំពេញ បានចេញដីកាកោះហៅលោក សម រង្ស៊ី ប្រធានចលនាសង្គ្រោះជាតិ និងជាអតីតប្រធានគណបក្សសង្គ្រោះជាតិ ឲ្យចូលទៅកាន់សាលាដំបូងរាជធានីភ្នំពេញ នៅថ្ងៃទី១៣ ខែកញ្ញា ឆ្នាំ២០១៨ វេលាម៉ោង៩ព្រឹកពីបទ «ប្រមាថចំពោះព្រះមហាក្សត្រនៃព្រះរាជាណាចក្រកម្ពុជា» ប្រព្រឹត្តនៅរាជធានីភ្នំពេញ និងកន្លែងផ្សេងទៀត កាលថ្ងៃទី៦-៧និងថ្ងៃទី១០ ខែមិថុនា ឆ្នាំ២០១៨ បទល្មើសដែលចែងឲ្យផ្តន្ទាទោសតាមបញ្ញត្តិមាត្រា៤៣៧ស្ទួន នៃក្រមព្រហ្មទណ្ឌ ។ តុលាការបានបញ្ជាក់ថា លោក សម រង្ស៊ី អាយុ៦៧ឆ្នាំ មានទីលំនៅផ្ទះលេខ៥៧៦ ផ្លូវជាតិលេខ២ ភូមិព្រែកតាគង់២ សង្កាត់ចាក់អង្រែលើខណ្ឌមានជ័យ មានប្រពន្ធឈ្មោះ ជូឡុង សូមួរ៉ា ។ សាមីខ្លួនត្រូវយកមកជាមួយនូវលិខិតផ្សេងៗដែលទាក់ទងនឹងរឿងខាងលើប្រសិនបើមាន ។
សូមបញ្ជាក់ថា លោក សម រង្ស៊ី ត្រូវបានគេដឹងថាកំពុងស្ថិតនៅឯបរទេស ខណៈដែលលោកមានសំណុំរឿងជាច្រើននៅតុលាការកំពុងរង់ចាំលោកចូលមកបំភ្លឺនិងសវនាការ ព្រមទាំងមានដីកាចាប់ខ្លួនផងដែរ ៕
ចែករំលែកព័តមាននេះ