ខេត្តកណ្ដាល ៖ សេចក្តីរាយការណ៍ព័ត៌មានបឋមឲ្យដឹងថា កាលពីវេលាម៉ោង៥ទៅម៉ោង៦ព្រឹកថ្ងៃ៣០ សីហា មានបុរសម្នាក់ធ្វើអត្តឃាត ដោយចងកសម្លាប់ខ្លួន នៅក្នុងបន្ទប់ផ្ទះជួល ស្ថិតក្នុងភូមិកំពង់ពោធិ៍ ឃុំកំពង់ភ្នំ…
ខេត្តកណ្ដាល ៖ សេចក្តីរាយការណ៍ព័ត៌មានបឋមឲ្យដឹងថា កាលពីវេលាម៉ោង៥ទៅម៉ោង៦ព្រឹកថ្ងៃ៣០ សីហា មានបុរសម្នាក់ធ្វើអត្តឃាត ដោយចងកសម្លាប់ខ្លួន នៅក្នុងបន្ទប់ផ្ទះជួល ស្ថិតក្នុងភូមិកំពង់ពោធិ៍ ឃុំកំពង់ភ្នំ ស្រុកលើកដែកខេត្តកណ្ដាល ។
ជនរងគ្រោះដែលស្លាប់ខាងលើឈ្មោះ វ៉ា ណារិន ភេទប្រុស អាយុ៣៥ឆ្នាំ នៅភូមិឃុំកើតហេតុខាងលើ ។
ទាក់ទិនករណីខាងលើនេះ ស្រី្តជាម្តាយជនរងគ្រោះបានរៀបរាប់ប្រាប់សមត្ថកិច្ចថា នៅយប់ថ្ងៃទី៣០ សីហា នោះជនរងគ្រោះបានប្រាប់ម្តាយថា ខ្លួនឈឺប្រដាប់ភេទ និងឈឺស្ទើទ្រាំមិនបានទៀតផង ឮដូច្នោះស្ត្រីជាម្តាយបានយកថ្នាំឲ្យកូនប្រុសលេប ពេលលេបថ្នាំរួច បានធូរស្រាលបន្តិច ជនរងគ្រោះក៏បានចូលបន្ទប់ដេកធម្មតា ។ លុះដល់ម៉ោងប្រហែលជាង៥ព្រឹក បងថ្លៃស្រីក៏ហៅជនរងគ្រោះ តែមិនឮឆ្លើយ ពេលនោះទើបដឹងថា ជនរងគ្រោះចងកស្លាប់បាត់ទៅហើយ រួចក៏បានរាយការណ៍មកសមត្ថកិច្ចសមត្ថកិច្ច ។
ក្រោយពីបានទទួលព័ត៌មានខាងលើភ្លាម កម្លាំងជំនាញបានសហការ និងបង្កើតគណៈកម្មាការចំរុះមួយ ដើម្បីធ្វើការពិនិត្យសព រួមមានកម្លាំងជំនាញស្រុកចំនួន៣នាក់ កម្លាំងប៉ុស្តិ៍រដ្ឋបាលកំពង់ភ្នំ និងមេភូមិ និងគ្រូពេទ្យឃុំ ដើម្បីធ្វើការពិនិត្យសាកសព ។ ក្រោយពីបានធ្វើការពិនិត្យសពរួច គឺពុំឃើញមានស្លាកស្នាមអ្វីផ្សេងគួរឲ្យកត់សំគាល់ឡើយ ។
តាមការពិនិត្យសពជនរងគ្រោះខាងលើ គណ:កម្មការចម្រុះបានធ្វើការសន្និដ្ឋានថា ជនរងគ្រោះគឺពិតជាស្លាប់ដោយសារចងកពិតប្រាកដមែន ។ សពត្រូវបានប្រគល់ឲ្យក្រុមគ្រួសារដើម្បីរៀបចំធ្វើបុណ្យតាមប្រពៃណី ៕
ចែករំលែកព័តមាននេះ