ខេត្តកំពង់ស្ពឺ ៖ អំណោយជាសម្លៀកបំពាក់តូច-ធំ៥កេស និង៣ថង់ ដែលជារបស់ស្រីមុំ និងស្វាមីលក់ផ្លែឈើនៅគីឡូម៉ែត្រលេខ៤រាជធានីភ្នំពេញ ផ្តល់ជូនតាមរយៈកោះសន្តិភាពដើម្បីចែកជូនដល់គ្រួសារក្រីក្រ និងខ្វះខាតនោះ ។ នារសៀលថ្ងៃទី២៩…
ខេត្តកំពង់ស្ពឺ ៖ អំណោយជាសម្លៀកបំពាក់តូច-ធំ៥កេស និង៣ថង់ ដែលជារបស់ស្រីមុំ និងស្វាមីលក់ផ្លែឈើនៅគីឡូម៉ែត្រលេខ៤រាជធានីភ្នំពេញ ផ្តល់ជូនតាមរយៈកោះសន្តិភាពដើម្បីចែកជូនដល់គ្រួសារក្រីក្រ និងខ្វះខាតនោះ ។ នារសៀលថ្ងៃទី២៩ សីហា ២០១៨នៅសាលាឃុំទឹកល្អក់ ស្រុកគងពិសី ខេត្តកំពង់ស្ពឺ ភ្នាក់ងារកោះសន្តិភាពប្រចាំខេត្តបាននាំយកទៅចែកជូនដល់ពលរដ្ឋក្រីក្រខ្វះខាតចំនួន៨គ្រួសាររស់នៅភូមិស្នួលជ្រុំ និងភូមិបឹងងោង ឃុំទឹកល្អក់ ស្រុកគងពិសី ខេត្តកំពង់ស្ពឺ។
ជួសមុខអោយថ្នាក់ដឹកនាំកោះសន្តិភាព និងម្ចាស់អំណោយនាឱកាសនោះភ្នាក់ងារយើងបានប្រាប់បងប្អូនដែលមកទទួលអំណោយសម្កៀកបំពាក់ខ្នើយ និងភួយទាំង៨គ្រួសារថា «តាមរយៈកោះសន្តិភាពសប្បុរស
ជនបានចែករំលែករបស់ប្រើប្រាស់ទាំងនេះដើម្បីយកមកប្រគល់ជូនដល់បងប្អូនដើម្បីយកទៅប្រើប្រាស់តាមកាលវេលាដែលចាំបាច់ អំណោយទាំងនេះសបញ្ជាក់អោយឃើញអំពីទឹកចិត្តរបស់សប្បុរសជនដែលលោកមានមេត្តាធម៌រំលែករបស់ដែលខ្លួនមានមកដល់បងប្អូនដែលខ្វះខាតដើម្បី្្បានប្រើប្រាស់និងស្លៀកពាក់»។
ជំនួសមុខបងប្អូនទាំង៨គ្រួសារនាឱកាសនេះដែរ លោកយាយញឹប រស់នៅភូមិបឹងងោងបានថ្លែងអំណរគុណដល់ម្ចាស់អំណោយដែលបានចែករំលែកគ្រឿងប្រើប្រាស់របស់ខ្លួនមកចែកជូនដល់រូបគាត់ក៏ដូចជាអ្នកខ្វះខាតដទៃទៀត។ លោកយាយបន្តថា ទឹកចិត្តរបស់ម្ចាស់អំណោយពិតជាថ្លៃថ្លាប្រពៃពេកកន្លងដែលរកអ្វីមកប្រៀបស្មើពុំបាន ។ លោកយាយសុំបួងសួងដល់វត្ថុស័ក្តិសិទ្ឋិក្នុងលោក សូមតាមជួយថែរក្សាថ្នាក់ដឹកនាមកោះសន្តិភាពក៏ដូចជាម្ចាស់អំណោយសូមជួបតែសេចក្តីសុខចម្រើនរកស៊ីមានបានកុំឱ្យមានសត្រូវមកបៀតបៀនបានឡើយ។
លោកចក់ សារិន មេឃុំទឹកល្អក់ក៏បានមានប្រសាសន៍ផងដែរថា ថ្វីត្បិតតែយើងមិនអាចទទួលបានអ្វីច្រើនជាងហ្នឹង តែយើងអាចទទួលបានជាសម្លៀកបំពាក់នាពេលនេះពិតជាគាប់ប្រសើរណាស់ទៅហើយព្រោះថា សម្លៀកបំពាក់គឺជាគ្រឿងបិទបាំងរូបកាយអោយចៀសផុតពីសីតុណ្ហភាពក្តៅរងាបានគ្រប់ពេលវេលា។
លោកមេឃុំបន្តថា ក្នុងនាមអាជ្ញាធរក៏សូមថ្លែងអំណរគុណយ៉ាងជ្រាលជ្រៅចំពោះស្ថាបនិកកោះសន្តិភាពដែលខិតខំស្វែងរកសប្បុរសជនមកជួយដល់អ្នកដែលខ្វះខាតនាពេលនេះ ជាងនេះទៅទៀតលោកក៏សូមជូនពរដល់ម្ចាស់អំណោយ ព្រមទាំងបុគ្គលិកកោះសន្តិភាពទាំងអស់សូមជួបប្រទះនូវពុទ្ឋពរ៤ប្រការគឺអាយុវណ្ណៈ សុខៈ ពលៈ កុំបីឃ្លៀងឃ្លាតឡើយ៕
ចែករំលែកព័តមាននេះ