ទីក្រុងគូឡាឡាំពួរ ៖ លោកនាយករដ្ឋមន្ត្រីមាហាធា មហាមេដ (Mahathir Mohamad) បាននិយាយកាលពីថ្ងៃចន្ទមកថា រដ្ឋាភិបាលម៉ាឡេស៊ីកំពុងតែពិចារណាលើការអនុម័តពន្ធលើភេសជ្ជៈសូដា ដើម្បីកាត់បន្ថយការទទួលទានជាតិស្ករ និងជំរុញដល់ការរស់នៅដែលមានសុខភាពល្អនៅក្នុងប្រទេស…
ទីក្រុងគូឡាឡាំពួរ ៖ លោកនាយករដ្ឋមន្ត្រីមាហាធា មហាមេដ (Mahathir Mohamad) បាននិយាយកាលពីថ្ងៃចន្ទមកថា រដ្ឋាភិបាលម៉ាឡេស៊ីកំពុងតែពិចារណាលើការអនុម័តពន្ធលើភេសជ្ជៈសូដា ដើម្បីកាត់បន្ថយការទទួលទានជាតិស្ករ និងជំរុញដល់ការរស់នៅដែលមានសុខភាពល្អនៅក្នុងប្រទេស ។
លោកមានប្រសាសន៍ថា ៖« អត្រាអ្នកមានជំងឺទឹកនោមផ្អែមនៅក្នុងម៉ាឡេស៊ីមានកម្រិតខ្ពស់ណាស់ ព្រោះពួកយើងទទួលទានស្ករច្រើនពេក »។
ជាមួយគ្នានេះផងដែរ លោកនាយករដ្ឋមន្ត្រីរូបនេះបានបន្តថា រដ្ឋាភិបាលចង់ឲ្យទីក្រុង Cyber City ដំបូងរបស់ម៉ាឡេស៊ីដែលមានឈ្មោះថា Cyberjaya ផ្តោតសំខាន់លើការអភិវឌ្ឍបច្ចេកវិទ្យាថ្មីៗ និងការប្រើប្រាស់របស់ពួកគេជាដើម ។
លោកបានបន្ថែមថា ការអភិវឌ្ឍដំណាក់កាលទីពីរក្នុងច្រករបៀង Multimedia Super Corridor អាចនឹងកើតមានឡើងដោយមានការជំរុញពីទំនើបកម្មផ្នែកបច្ចេកវិទ្យាក្នុងជំនាន់ឌីជីថល ។
ទាក់ទិននឹងគម្រោងForest City នៅ Johor វិញ លោកនាយករដ្ឋមន្ត្រី Mahathir បាននិយាយថា លោកប្រឆាំងនឹងគំនិតសាងសង់ទីក្រុងមួយសម្រាប់ជនបរទេស ។
លើសពីនេះទៅទៀត ទាក់ទិននឹងក្រុមប្រឹក្សាមនុស្សជាន់ខ្ពស់វិញ លោក Mahathir ឲ្យមុខសញ្ញាថា មិនមានគោលបំណងក្នុងការប្រកាសរបាយការណ៍របស់CEP ជាសាធារណៈឡើយ ។
លោកបានបន្តថា កាតព្វកិច្ចរបស់ CEP គឺស៊ើបអង្កេត និងបង្ហាញរបាយការណ៍ដល់លោកដើម្បីចេញសកម្មភាព ។ លោកបានបន្ថែមថា ៖« ការងាររបស់ពួកគេគឺស៊ើបអង្កេត ។ មិនថាខ្ញុំទទួលយកឬអត់គឺជារឿងរបស់ខ្ញុំ ប៉ុន្តែអ្វីដែលសំខាន់ គឺការផ្តល់ព័ត៌មានដែលខ្ញុំត្រូវការដល់ខ្ញុំដើម្បីធ្វើការសម្រេចចិត្ត »៕
ចែករំលែកព័តមាននេះ