រាជធានីភ្នំពេញ ៖ បុរសម្នាក់បានជិះម៉ូតូទៅផឹកកាហ្វេ ដោយពេលទៅដល់បានចតម៉ូតូនៅមុខហាង បន្ទាប់មកចូលទៅផឹកកាហ្វេបណ្ដើរ និងមើលវីដេអូរបណ្ដើរយ៉ាងជក់ចិត្ត ស្រាប់តែជនសង្ស័យម្នាក់ចូលទៅលួចកាច់សោ.កម៉ូតូបម្រុងជិះគេចខ្លួន ប៉ុន្តែត្រូវម្ចាស់ហាងឃើញទាន់ ស្រែក ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោង១០និង៣០នាទីព្រឹកថ្ងៃទី២៥…
រាជធានីភ្នំពេញ ៖ បុរសម្នាក់បានជិះម៉ូតូទៅផឹកកាហ្វេ ដោយពេលទៅដល់បានចតម៉ូតូនៅមុខហាង បន្ទាប់មកចូលទៅផឹកកាហ្វេបណ្ដើរ និងមើលវីដេអូរបណ្ដើរយ៉ាងជក់ចិត្ត ស្រាប់តែជនសង្ស័យម្នាក់ចូលទៅលួចកាច់សោ.កម៉ូតូបម្រុងជិះគេចខ្លួន ប៉ុន្តែត្រូវម្ចាស់ហាងឃើញទាន់ ស្រែក ហេតុការណ៍នេះបង្កឱ្យមានការភ្ញាក់ផ្អើលកាលពីម៉ោង១០និង៣០នាទីព្រឹកថ្ងៃទី២៥ សីហា ឆ្នាំ២០១៨ នៅហាងកាហ្វេផ្ទះលេខ១៧ ផ្លូវលេខ៥ ភូមិត្រពាំងគល់ សង្កាត់កន្ទោក ខណ្ឌពោធិ៍សែនជ័យ ។
ជនសង្ស័យខាងលើឈ្មោះ សុខ ចាន់ណា អាយុ៣៣ឆ្នាំ ស្នាក់នៅមិនពិតប្រាកដ ហើយនគរបាលដកហូតបានឧបករណ៍សម្រាប់កាច់សោ.កម៉ូតូ១កំប្លេរ ចំណែកម៉ូតូដែលជននេះលួចមិនបានសម្រេចនោះម៉ាកហុងដាឌ្រីមសេ១២៥ មិនចាំស្លាកលេខ ។ រីឯបុរសជាម្ចាស់ម៉ូតូខាងលើក៏មិនត្រូវបានស្គាល់អត្តសញ្ញាណដែរ ព្រោះឆ្លៀតពេលកំពុងមានការភ្ញាក់ផ្អើលបានជិះម៉ូតូទៅបាត់ ដោយមិនបានដាក់ពាក្យប្ដឹងនៅប៉ុស្តិ៍នគរបាលឡើយ។
តាមប្រភពព័ត៌មានបានឲ្យដឹងថា នៅមុនកើតហេតុ បុរសមិនស្គាល់ខាងលើបានជិះម៉ូតូទៅផឹកកាហ្វេនៅចំណុចកើតហេតុ លុះទៅដល់បានទុកម៉ូតូនៅមុខហាង រួចចូលទៅអង្គុយផឹកកាហ្វេនិងមើលវីដេអូរយ៉ាងជក់ចិត្ត រហូតដល់ពេលកើតហេតុស្រាប់តែជនសង្ស័យចូលទៅធ្វើសកម្មភាពកាច់សោ.កម៉ូតូបានសម្រេច និងបម្រុងជិះចេញគេចខ្លួន ប៉ុន្តែសំណាងហើយដែលបានម្ចាស់ហាងកាហ្វេឃើញទាន់ក៏ស្រែកថា «ចោរៗ» បង្កការភ្ញាក់ផ្អើល។
ប្រភពដដែលបន្តថា ភ្លាមៗនោះជនសង្ស័យបានផ្ដួលម៉ូតូចោល និងរត់គេចខ្លួន តែរត់មិនរួច ព្រោះត្រូវប្រជាពលរដ្ឋជួយគ្នាដេញតាមចាប់បានប្រគល់ជូននគរបាលសាកសួរ និងកសាងសំណុំរឿងចាត់ការតាមច្បាប។ ដោយឡែកបុរសជាម្ចាស់ម៉ូតូឆ្លៀតពេលកំពុងភ្ញាក់ផ្អើលក៏បានលើកយកម៉ូតូរបស់ខ្លួនដែលចោរផ្ដួលចោលនោះ ជិះចេញទៅបាត់មិនបានដាក់ពាក្យប្ដឹង ឬសហការជាមួយនគរបាល ដើម្បីដាក់បន្ទុកលើជនសង្ស័យនោះឡើយ ទើបពុំមាននរណាម្នាក់បានស្គាល់ពីអត្តសញ្ញាណរបស់គាត់៕
ចែករំលែកព័តមាននេះ