រាជធានីភ្នំពេញ ៖ សាលាដំបូងរាជធានីភ្នំពេញ កាលពីព្រឹកថ្ងៃទី២៤ សីហាបានលើកយកសំណុំរឿងលោកស្រីទេព វន្នី រួមនិងមនុស្ស៥នាក់ទៀតមកបើកសវនាការជំនុំជម្រះលើអង្គសេចក្តីដែលជាប់ចោទពីបទជេរប្រមាថជាសាធារណៈ និងបទគំរាមថា នឹងសម្លាប់តាមមាត្រា៣០៧ និង២៣៣នៃក្រមព្រហ្មទណ្ឌ ។
សវនាការនោះដឹកនាំដោយលោក ប៊ុន ធី ជាចៅក្រមជំនុំជម្រះ និងមានលោក តុប ឈុនឡុង ព្រះរាជអាជ្ញារងជាតំណាងអយ្យការ ។ សំណុំរឿងនេះរួមមានទី១- អ្នកស្រី ទេព វន្នី ២- អ្នកស្រី ហេង មុំ ៣- អ្នកស្រី ង៉ែត ឃុន ៤- អ្នកស្រី ឆេង លាប ៥- អ្នកស្រី គង់ ចាន់ថា និង៦- អ្នកស្រី តុល ស្រីពៅ ទាំង៦នាក់សុទ្ធតែជាសកម្មជនតវ៉ាដីធ្លីបឹងកក់ ។
ដើមបណ្តឹងក្នុងសំណុំរឿងនេះ គឺឈ្មោះ លី មុំ អតីតក៏ជាតំណាងក្រុមអ្នកភូមិបឹងកក់ដូចគ្នា ។ អ្នកស្រី លី មុំ ធ្លាប់បានប្រាប់អ្នកសារព័ត៌មានថា មូលហេតុដែលអ្នកស្រីប្តឹងទៅស្ត្រីទាំង៦នាក់ខាងលើនេះពីព្រោះពួកគេបានប្រមូលអ្នកភូមិបឹងកក់ជាច្រើននាក់ទៅគំរាមកំហែង និងជេរប្រមាថអ្នកដល់មុខផ្ទះ ៕
ចែករំលែកព័តមាននេះ