រាជធានីភ្នំពេញ ៖ ព្រះករុណាព្រះបាទសម្តេចព្រះបរមនាថនរោត្តមសីហមុនីបានចេញព្រះរាជក្រឹត្យត្រាស់បង្កាប់លើកលែងទណ្ឌិតចំនួន៤នាក់ឲ្យមានសេរីភាពវិញ ។
ព្រះរាជក្រឹត្យរបស់ព្រះមហាក្សត្របន្ទាប់ពីសម្តេចតេជោ ហ៊ុន សែន នាយករដ្ឋមន្ត្រីបានស្នើព្រះទានលើកលែងទោសដល់ទណ្ឌិតទាំង៤នាក់កន្លងមកនេះ ។ យោងតាមព្រះរាជក្រឹត្យរបស់ព្រះមហាក្សត្រចេញចុះផ្សាយនៅយប់ថ្ងៃទី២០ សីហា ឆ្នាំ២០១៨ បានឡាយព្រះហស្ថលេខា ដោយព្រះករុណាសម្តេចព្រះបាទនរោត្តមសីហមុនីបានឲ្យដឹងថា ទណ្ឌិតដែលលើកលែងទោសចំនួន៤នាក់រួមមាន ទណ្ឌិតទេព វន្នី , ទណ្ឌិត ហេង មុំ , ទណ្ឌិត បូឆវី , និងទណ្ឌិត គង់ ចន្ថា ។
ការលើកឡើងទោសដល់ទណ្ឌិតនេះដែរ ព្រះរាជក្រឹត្យក៏បានលើកយកកម្មវត្ថុទ្រង់យល់ឃើញរដ្ឋធម្មនុញ្ញនៃព្រះរាជាណាចក្រកម្ពុជាព្រះរាជក្រឹត្យលេខនស/រកត/០៩១៣/៩០៣ ស្តីពីការតែតាំងរាជរដ្ឋាភិបាលនៃព្រះរាជាណាចក្រកម្ពុជាទ្រង់យល់ព្រះរាជក្រមលេខ០២/នស/ ៩៤ ចុះថ្ងៃទី២០ ខែកក្កដា ឆ្នាំ១៩៩៤ ដែលប្រកាសឲ្យប្រើច្បាប់ស្តីពីការរៀបចំ និងកាប្រព្រឹត្តិទៅនៃគណៈរដ្ឋមន្ត្រីទ្រង់យល់ព្រះរាជក្រមលេខនស/រកម/១២១១/០២១ ចុះថ្ងៃទី២១ ខែធ្នូ ឆ្នាំ២០១១ ដែលប្រកាសឲ្យប្រើច្បាប់ស្តីពីពន្ធនាគារ និងទ្រង់បានយល់សេចក្តីក្រាប់បង្គំទូលថ្វាយ របស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ។
ព្រះរាជក្រឹត្យបានត្រាស់បង្គាប់លើកលែងទោសទណ្ឌិតចំនួន៤នាក់រួមមានទី១.ទណ្ឌិតឈ្មោះទេព វន្នី ភេទស្រី ដែលត្រូវបានតុលាការសម្រេចផ្តន្ទាទោសដាក់ពន្ធនាគារពីបទប្រមាថអ្នករាជការសាធារណៈ និងបទប្រឆាំងអ្នករាជការសាធារណៈ ដោយមានស្ថានទម្ងន់ទោសតាមអំណាចសាលដីកា លេខ៣៩៤ ចុះថ្ងៃទី៨០.១២.២០១៧ របស់តុលាការកំពូល និងពីបទហិង្សាដោយចេតនាមានស្ថានទម្ងន់ទោសតាមអំណាចសាលដីកា លេខ៥១ ចុះថ្ងៃទី០៧.០២.២០១៨ របស់តុលាការកំពូល ។ ទី២.ទណ្ឌិតឈ្មោះ ហេង មុំ ភេទស្រី អាយុ៤២ឆ្នាំ ដែលត្រូវបានតុលាការសម្រេចផ្ទន្ទាទោសដាក់ពន្ធនាគារពីបទប្រមាថអ្នករាជការសាធារណៈ និងបទប្រឆាំងអ្នករាជការសាធារណៈ ដោយមានស្ថានទម្ងន់ទោសតាមអំណាចដីកា លេខ៣៩៤ ចុះថ្ងៃទី០៨.១២.២០១៧ របស់តុលាការកំពូល ។
ទី៣.ទណ្ឌិតឈ្មោះ បូ ឆវី ភេទស្រី អាយុ៤២ឆ្នាំ ដែលត្រូវបានតុលាការសម្រេចផ្ទន្ទាទោសដាក់ពន្ធនាគារពីបទប្រមាថអ្នករាជការសាធារណៈ និងបទប្រឆាំងអ្នករាជការសាធារណៈ ដោយមានស្ថានទម្ងន់ទោសតាមអំណាចសាលដីកា លេខ៣៩៤ ចុះថ្ងៃទី០៨.១២.២០១៧ របស់តុលាការកំពូល ។ និងទី៤.ទណ្ឌិត ឈ្មោះ គង់ ចន្ថា ភេទស្រី អាយុ៤៣ឆ្នាំ ដែលត្រូវបានតុលាការសម្រេចផ្តន្ទាទោសដាក់ពន្ធនាគារពីបទប្រមាថអ្នករាជការសាធារណៈ និងបទប្រឆាំងអ្នករាជការសាធារណៈ ដោយមានស្ថានទម្ងន់ទោស តាមអំណាចសាលដីកា លេខ៣៩៤ ចុះថ្ងៃទី០៨.១២. ២០១៧ របស់តុលាការកំពូល ។
ព្រះរាជក្រឹត្យក៏បានឲ្យសម្តេចតេជោ ហ៊ុនសែន នាយករដ្ឋមន្ត្រីនៃព្រះរាជណាចក្រកម្ពុជាត្រូវទទួលបន្ទុកអនុវត្តព្រះរាជក្រឹត្យចាប់ពីថ្ងៃឡាយព្រះហត្ថលេខាតទៅ ៕
ចែករំលែកព័តមាននេះ