ខេត្តព្រៃវែង ៖ ក្មេងប្រុសអាយុ៥ឆ្នាំម្នាក់បានលង់ទឹកស្លាប់យ៉ាងអាណោចអាធ័ម ដោយសារតែដើរលេងលើមាត់ស្រះ ហើយរអិលជើងធ្លាក់ចូលក្នុងទឹកស្រះ បណ្តាលឱ្យលង់ស្លាប់។ ហេតុការណ៍នេះបានកើតឡើងកាលពីវេលាម៉ោង៦និង៣០នាទីព្រឹកថ្ងៃទី២១ សីហា នៅចំណុចស្រះទឹកខាងក្រោយផ្ទះក្មេងប្រុសរងគ្រោះចម្ងាយ៥មែត្រ ស្ថិតក្នុងភូមិចំការតាម៉ូយ…
ខេត្តព្រៃវែង ៖ ក្មេងប្រុសអាយុ៥ឆ្នាំម្នាក់បានលង់ទឹកស្លាប់យ៉ាងអាណោចអាធ័ម ដោយសារតែដើរលេងលើមាត់ស្រះ ហើយរអិលជើងធ្លាក់ចូលក្នុងទឹកស្រះ បណ្តាលឱ្យលង់ស្លាប់។ ហេតុការណ៍នេះបានកើតឡើងកាលពីវេលាម៉ោង៦និង៣០នាទីព្រឹកថ្ងៃទី២១ សីហា នៅចំណុចស្រះទឹកខាងក្រោយផ្ទះក្មេងប្រុសរងគ្រោះចម្ងាយ៥មែត្រ ស្ថិតក្នុងភូមិចំការតាម៉ូយ ឃុំអង្គររាជ្យ ស្រុកព្រះស្តេច ខេត្តព្រៃវែង។
ក្មេងប្រុសដែលស្លាប់ខាងលើឈ្មោះ រាង មករា អាយុ៥ឆ្នាំ មានឪពុកឈ្មោះ ឃុន រាង អាយុ២៤ឆ្នាំ មុខរបរកសិករ និងម្តាយឈ្មោះ វិន មុំ អាយុ២៨ឆ្នាំ មុខរបរជាកសិករ មានទីលំនៅក្នុងភូមិកើតហេតុខាងលើ។
ប្រភពព័ត៌មានពីសមត្ថកិច្ចបានឱ្យដឹងថា ក្មេងប្រុសរងគ្រោះគឺជាកូនទោលក្នុងគ្រួសារ ហើយមុនពេលកើតហេតុ ដោយឃើញកូនប្រុសនៅលេងមុខផ្ទះគ្មានអ្វីគួរឱ្យចាប់អារម្មណ៍ ឪពុកម្តាយក៏នាំគ្នាចូលក្នុងផ្ទះធ្វើកិច្ចការផ្ទះរៀងៗខ្លួន ដោយមិនបានតាមមើលកូននោះទេ លុះប្រមាណជាង១ម៉ោងក្រោយមក ពេលធ្វើការរួចហើយ ឪពុកក៏ចេញមកក្រៅផ្ទះ ហើយក៏មានអារម្មណ៍ថាបាត់កូន ទើបស្រែកហៅប្រពន្ធនាំគ្នាដើររកកូន លុះរកខាងមុខផ្ទះក៏មិនឃើញ ក៏នាំគ្នាទៅរកក្រោយផ្ទះទៀត ស្រាប់តែឃើញស្បែកជើងកូននៅក្នុងស្រះទឹក សង្ស័យថាកូនធ្លាក់ចូលទឹកស្រះ ទើបឪពុកក៏ចុះរាវរកក៏ប្រទះឃើញ និងស្រង់កូនឡើងមកលើគោក ខំធ្វើចលនាជួយសង្គ្រោះដែរ តែហួសពេលទៅហើយ គឺកូនបានស្លាប់បាត់បង់ជីវិតបាត់ទៅហើយ។
ក្រោយពីដឹងថាកូនស្លាប់ហើយ ទើបឪពុកម្តាយរាយការណ៍ប្រាប់សមត្ថកិច្ចដើម្បីចុះទៅពិនិត្យសពដល់កន្លែងកើតហេតុ រកឃើញថា ក្មេងប្រុសរងគ្រោះពិតជាស្លាប់ដោយសារលង់ទឹកប្រាកដមែន ក៏ប្រគល់សពឱ្យទៅក្រុមគ្រួសារដើម្បីយកទៅរៀបចំធ្វើបុណ្យតាមប្រពៃណី ៕
ចែករំលែកព័តមាននេះ