ខេត្តព្រះសីហនុ ៖ តាមសេចក្តីរាយការណ៍បានឲ្យដឹងថា នៅស្រុកកំពង់សិលាមានករណីជំនន់ទឹកភ្លៀងនៅផ្លូវជាតិលេខ៤ គិតត្រឹមម៉ោងជាង៦ព្រឹកថ្ងៃទី១៩ ខែសីហា ឆ្នាំ២០១៨ ដែលស្ថានភាពទឹកនៅស្ពានស្ទឹងសំរោង ទឹកបានហូរលើផ្លូវជាតិមានកម្ពស់០៨តឹក ហូរកាត់តាមបណ្ដោយផ្លូវជាតិប្រហែលជាង៤០០ម៉ែត្រ ក្នុងនោះទឹកនៅតែបន្តឡើង ព្រោះអាកាសធាតុមេឃកំពុងភ្លៀង ។
សេចក្តីរាយការណ៍បានបន្តថា ចំពោះការធ្វើចរាចរណ៍ត្រូវផ្អាកទាំងរថយន្តតូច និងរថយន្តធំទាំងស្រុង(ប្រភពអ.ហ៤០២) បើគិតដល់ពេលនេះម៉ោង៦និង១០នាទី ស្ថានភាពកម្ពស់ទឹកនៅតែបន្តឡើងលីវ៉ូទឹកកម្ពស់៦,៤០ម៉ែត្រ កម្ពស់លើថ្នល់ជាតិ០៨តឹក ហូរកាត់តាមបណ្ដោយផ្លូវជាតិប្រវែង៤០០ម៉ែត្រ ។ តាមការសន្និដ្ឋានទឹកនៅតែបន្តឡើង ព្រោះអាកាសធាតុមេឃកំពុងភ្លៀងដដែល ។
មន្ត្រីមូលដ្ឋានបញ្ជាក់ថា គិតមកត្រឹមម៉ោងជិត៨ព្រឹកនេះទឹកនៅបន្តជន់ឡើង រីឯចរាចរណ៍ត្រូវបានបិទទាំងស្រុង ៕
ចែករំលែកព័តមាននេះ