ចោរឆក់​ការ​បូ​ប​ភ្ញៀវ​បរទេស​ម្នាក់​មិន​សម្រេច ជាប់​ខ្នោះ​សមត្ថកិច្ច


ខេត្តសៀមរាប ៖ កម្លាំង​នគរបាល​នៃ​ការិយាល័យ​ព្រហ្មទណ្ឌ​កម្រិត​ស្រាល បាន​សហ​ការណ៍​ជាមួយ កម្លាំង​អង្គភាព​នគរបាល​ទេសចរណ៍ បាន​ធ្វើការ​បង្ក្រាប​ករណី​ចោរឆក់​កាបូប​ភ្ញៀវ​បរទេស​មិន​បាន​សម្រេច ឈាន​ដល់​ការ​ឃាត់ខ្លួន​បាន​ជនសង្ស័យ​ម្នាក់​ភ្លាម​ៗ បង្ក​ឱ្យ​មានការ​ភ្ញាក់ផ្អើល​។ ហេតុការណ៍​ចោរឆក់ កាបូប ភ្ញៀវ​បរទេស​នេះ​កើតឡើង​នៅ​វេលា​ម៉ោង​២០ និង​៣០​នាទី​យប់ ថ្ងៃ​ទី​១៥​ខែសីហា​ឆ្នាំ​២០១៨ ស្ថិត​នៅ​ម្តុំ​មុខ​ផ្សារ ចៅ​សាំង​ហុ​ក ក្រោយ​ឡា​ពេ ក្នុងភូមិ​សាស្ត្រ សង្កាត់​ស្វាយ​ដង្គំ ក្រុង​សៀមរាប​។

តាម​ប្រភព​ពី​សមត្ថកិច្ច​ជំនាញ​ខេត្ត​បានឱ្យ​ប្រាប់​ដឹង​ថា បន្ទាប់​ពី​មាន​ករណី​ឆក់​កាបូប​ភ្ញៀវ​បរទេស​ភ្លាម ពលរដ្ឋ​ដែល​នៅ​ម្តុំ​កន្លែង​កើតហេតុ ក៏​បាន​ស្រែក​ឆោ​រ​ឡោ ភ្លាម​នោះ ត្រូវ​បាន​កម្លាំង​ការិយាល័យ​នគរបាល ព្រហ្មទណ្ឌ​កម្រិត​ស្រាល​នៃ​ស្នងការ​នគរបាល​ខេត្ត ដែល​កំពុង​ជិះ​ល្បាត​ក៏​ឃើញ ធ្វើការ​សហការ​ជាមួយ កម្លាំង​អង្គភាព​នគរបាល​ទេសចរណ៍ តាម​ប្រមាញ់​រហូត​ឈាន​ដល់​ធ្វើការ​ឃាត់ខ្លួន​បាន​ជនសង្ស័យ ម្នាក់ ក្នុង​ចំណោម​២​នាក់​។ រួច​យក​មក​សួរនាំ​នៅ​ការិយាល័យ​ជំនាញ ដើម្បី​បន្ត​ឈាន​ទៅ​ចាប់ខ្លួន​បក្ខពួក បន្ថែម​ទៀត យក​មក​ផ្តន្ទាទោស​ទៅ​តាម​ផ្លូវច្បាប់​។

ប្រភព​បាន​បន្ត​ថា ជនសង្ស័យ​ដែល​សមត្ថកិច្ច​ចាប់​បាន ម្នាក់​មាន ឈ្មោះ ធុន ហុង ភេទ​ប្រុស អាយុ​១៨​ឆ្នាំ មុខរបរ​មិន​ពិតប្រាកដ មាន​ទីកន្លែង​កំណើត​ខណ្ឌ ជ្រោយចង្វារ រាជធានី​ភ្នំពេញ មក​នៅ​សៀមរាប ស្នាក់​នៅ​បន្ទប់​ជួល ភូមិ​បន្ទាយ​ចាស់ សង្កាត់​ស្ល​ក្រាម ក្រុង​/​ខេត្តសៀមរាប​។ ដែល​បាន​ធ្វើ​សកម្មភាព​ពី​បទ​លួច​មាន​ស្ថាន​ទម្ងន់​(​ឆក់​កាបូប​ភ្ញៀវ​ទេសចរណ៍​) ធ្វើ​ឱ្យ​ជន​រង​គ្រោះ ដែល​ជា​ភ្ញៀវ​ទេសចរណ៍​បរទេស ឈ្មោះ SHAHROZEKHAN (​ខាន់​សារ៉ូ​ស​អាយុ​២៣​ឆ្នាំ​) សញ្ជាតិ​ប៉ា​គី​ស្ថាន កាន់​លិខិតឆ្លងដែន​លេខ MD៤១២៤២៥១ បាន​ដួល​របួស​ជើង​និង​ស្មា​។

ប្រភព​បាន​បញ្ជាក់​ថា ដំណើររឿង មាន​ជនសង្ស័យ​ពីរ​នាក់​បាន​បើក​ម៉ូតូ ម៉ាក គ្លី​ក សេរី​ឆ្នាំ​២០១៥ ពណ៌​ឈាម​ជ្រូក បាន​ធ្វើ​សកម្មភាព​ជិះ​ឆក់​កាបូបដៃ របស់​ជនបរទេស​ខាងលើ ខណៈ​កំពុង​ដើរ​ម្នាក់ឯង​តាម​ផ្លូវ​។ ពេល​នោះ​ពួក​វា​ធ្វើ​សកម្មភាព​ឆក់​កាបូប បាន​ភ្លាម​ក៏​ត្រូវ​បាន​កងកម្លាំង នគរបាល​យើង ដែល​ធ្វើ​សកម្មភាព​ល្បាត​ត្រួតពិនិត្យ​នៅ​ជិត​នោះ​បាន​ដេញ​តាម​ប្រមាញ់​ចាប់​បាន​ម្នាក់ ដែល​ជា​អ្នក​ជិះ​ពីក្រោយ និង​ជា​អ្នក​ធ្វើ​សកម្មភាព​ឆក់ ចំណែក​អ្នក​បើក​ម៉ូតូ​បាន​បើក​រត់គេច​ខ្លួន​បាត់​។

ចំពោះ​សម្ភារ និង​កាបូបដៃ​របស់​ភ្ញៀវ កម្លាំង​យើង​បាន​យក​មក​វិញ​ទាំងអស់​។ ក្រោយ​ពី​ការ​សាកសួរ​របស់​សមត្ថកិច្ច​ជំនាញ​ជនសង្ស័យ​បាន​ឆ្លើយ​សារភាព​ថា ពួក​គេ​ពិតជា​បាន​ធ្វើ​សកម្មភាព​ឆក់​ពិតប្រាកដ​មែន​។ បច្ចុប្បន្ន​ជនសង្ស័យ​ម្នាក់​ដែល​ជំនាញ​ឆក់​កាបូប ត្រូវ​បាន​កម្លាំង​សមត្ថកិច្ច​ជំនាញ​កំពុង​កសាង​សំណុំរឿង បញ្ជូន​ទៅ​តាម​នីតិវិធី​ច្បាប់​បន្ត​។ រីឯ​របស់របរ និង​សម្ភារ កម្លាំង​យើង​បាន​ប្រគល់​ជូន​ម្ចាស់​ដែល​ជា​ជន​រង​គ្រោះ​(​បរទេស​)​វិញ​អស់ហើយ​៕

Facebook Google Twitter Email

សន្ដិសុខ​សង្គម

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ