មកពីលក់បន្លែវិញ បាត់មាសជិត៧តម្លឹង និងលុយជាង១ម៉ឺនដុល្លារ លុះនាងប្តឹង បែកធ្លាយអ្នកជិតខាងម្នាក់
- ស្វាយរៀង
ខេត្តស្វាយរៀង ៖កម្លាំងនគរបាលស្រុកស្វាយជ្រំ សហការជាមួយកម្លាំងនគរបាលព្រហ្មទណ្ឌកម្រិតស្រាលនៃស្នងការនគរបាលខេត្តស្វាយរៀង បានឃាត់ខ្លួនជនសង្ស័យម្នាក់ពាក់ព័ន្ធករណីចូលលួចទ្រព្យសម្បត្តិមានតម្លៃរបស់ប្រជាពលរដ្ឋក្នុងផ្ទះ និងបានដកហូតទ្រព្យសម្បត្តិប្រគល់ជូនជនរងគ្រោះមកវិញ រួមមានមាស៦តម្លឹង៧ជី ប្រាក់៩លានរៀល និងប្រាក់ដុល្លារ១៣,៨០០ដុល្លារ។
បើតាមសមត្ថកិច្ចបានឲ្យដឹងថា កាលពីថ្ងៃទី៤ វិច្ឆិកា ឆ្នាំ២០២៦ ជនរងគ្រោះឈ្មោះអោម ផាត ភេទស្រី អាយុ ៤៦ឆ្នាំ រស់នៅភូមិសាលារៀន ឃុំប្រាសាក់ ស្រុកស្វាយជ្រំ បានប្តឹងសមត្ថកិច្ចប៉ុស្តិ៍រដ្ឋបាលឃុំប្រាសាក់ថា កាលពីវេលាម៉ោង១និង៣០នាទីរសៀល គាត់មកពីលក់បន្លែនៅផ្សារវាលយន្ត ពេលមកដល់ផ្ទះបើកថតទូនៅក្នុងបន្ទប់មើល ស្រាប់តែបាត់មាសចំនួន៦តម្លឺង៧ជី (ខ្សែក៣ខ្សែ ខ្សែដៃ១ខ្សែ ចិញ្ចៀន២វង់ ) ប្រាក់៩លានរៀល និងប្រាក់ដុល្លារ១៣,៨០០ដុល្លារ។
តាមប្រភពបន្តថា លោកមេប៉ុស្តិ៍នគបាលឃុំប្រាសាក់ បានរាយកាណ៍ថា ក្រោយបានទទួលពាក្យបណ្តឹងពីប្រជាពលរដ្ឋថាមានចោរចូលលួចទ្រព្យសម្បត្តិភ្លាម លោកអធិការនគបាលស្រុកស្វាយជ្រំរាយការណ័ជូនលោកស្នងការនៃស្នងការដ្ឋាននគបាលខេត្តស្វាយរៀងដាក់បញ្ជាឲ្យ សហការជាមួយកម្លាំងការិយាល័យព្រហ្មទណ្ឌកម្រិតស្រាលនៃស្នងការដ្ឋាននគបាលខេត្តនិងកម្លាំប៉ុស្តិ៍រដ្ឋបាលឃុំបាសាក់ចុះដល់កន្លែងកើតហេតុធ្វើការ ស្រាវជ្រាវរហូតដល់ថ្ងៃទី៥ វិច្ឆិកា ២០២៦ វេលាម៉ោង១០ព្រឹក ក៏បានកំណត់មុខសញ្ញាជនសង្ស័យម្នាក់ឈ្មោះសេក ឆៃ ភេទប្រុស អាយុ៣៧ឆ្នាំ មុខរបរធ្វើស្រែ ដែលស្នាក់នៅផ្ទះជិតផ្ទះជនរងគ្រោះមកសាសួរ នៅចំពោះមុខសមត្ថកិច្ច ជនសង្ស័យឈ្មោះសេក ឆៃ ក៏បានសារភាពថាខ្លួនពិតជាបានចូលលួចទ្រព្យសម្បត្តិរបស់ឈ្មោះអោម ផាត ពិតប្រាកដមែន។
ដោយយកប៉ែលជីកដីកប់មាសនិងប្រាក់ដុល្លារនៅក្រោយផ្ទះ ចំណែកប្រាក់រៀលយកទៅកប់នៅក្រោមបាវស្រូវ។បន្ទាប់មកសមត្ថកិច្ចបានដកហូតប៉ែល១ ទួណឺវីស១ មាស៦តម្លឹង៧ជី ប្រាក់រៀល៩លានរៀល ប្រាក់ដុល្លារ១៣,៨០០ដុល្លារ ប្រគល់ឲ្យជនរងគ្រោះវិញហើយ។
ចំណែកជនសង្ស័យបានក៏សាងសំណុំរឿងបញ្ជូនទៅសាលាដំបូងខេត្តស្វាយរៀងចាត់ការតាមនីតិវិធី ត្រូវបានលោកចៅក្រមចេញដីកាឃុំខ្លួនបណ្តោះអាសន្ននៅពន្ធនាគារខេត្តស្វាយរៀងរួចហើយ ៕
ចែករំលែកព័តមាននេះ