អាជ្ញាធរជួយមើលៗផង... កុំឱ្យដើរបិទស្រេចតែអញពេក...!

អាជ្ញាធរជួយមើលៗផង… កុំឱ្យដើរបិទស្រេចតែអញពេក…!

ថ្ងៃទី ១៦ ខែ សីហា ឆ្នាំ ២០១៨

ម៉ោង ១៣:៣៧

រាជធានីភ្នំពេញ ៖ ដោយហេតុតែចង់ចំណេញខ្លាំង ព្រោះមិនចង់ចំណាយប្រាក់ច្រើនទៅលើការផ្សព្វ
ផ្សាយពាណិជ្ជកម្មរបស់ខ្លួន គឺមានក្រុមហ៊ុនមួយចំនួនបានត្រឹមតែចំណាយទៅលើបោះពុម្ពស្ទីកឃើរ ហើយប្រើឱ្យមនុស្សដើរបិទផ្សាយនៅតាមគ្រប់ទីកន្លែងពាសវាលពាសកាល ដោយមិនខ្វល់ពីការប៉ះពាល់សណ្តាប់ធ្នាប់ និងសោភ័ណភាពនៅតាមទីសាធារណៈនោះឡើយ ។

ជាក់ស្តែង នៅថ្ងៃទី១៦ សីហា នេះ គ្រប់គ្នាបានឃើញស្ទីកឃើរជាច្រើនត្រូវគេបិទបង្ហាញពីអាជីវកម្ម និងសេវារបស់ខ្លួនបែបអនាធិបតេយ្យបំផុត តាមក្រោមស្ពានដូចជាស្ពានអាកាសស្ទឹងមានជ័យ និងស្ពានអាកាសតិចណូ ដែលកន្លងមក គេឃើញបិទនៅតាមជញ្ជាំងផ្ទះ បង់អង្គុយ និងតាមបង្គោលភ្លើងតែប៉ុណ្ណោះ ។

ទាក់ទិនករណីនេះ ត្រូវបានមហាជនរិះគន់ខ្លាំង ដោយបានសំណូមពរឱ្យអាជ្ញាធរមូលដ្ឋាន មេត្តាជួយចុះពិនិត្យនិងទប់ស្កាត់ផង កុំបណ្តោយឱ្យយកទីសាធារណៈ ឬតាមផ្ទះគេដើរបិទបែបសេរី ដោយមិនខ្វល់ពីអារម្មណ៍ម្ចាស់លំនៅឋានទាល់សោះ ហើយវាក៏បានធ្វើឱ្យប៉ះពាល់សោភ័ណក្រុងខ្លាំងណាស់ដែរ ។