អកុសល​ទាំង​១០​ជា​ឫសគល់​នៃ​អំពើអាក្រក់​នានា


គន្លង​ឬ​ផ្លូវ​នៃ​អំពើអាក្រក់​ហៅ​ថា អកុសលកម្មបថ អកុសលកម្មបថ​នេះ​មាន​១០​យ៉ាង​គឺ កាយ​កម្ម អំពើ​ដែល​សម្រេច​ដោយ​កាយ​មាន​៣ វចីកម្ម អំពើ​ដែល​សម្រេច​ដោយ​វាចា​មាន​៤ និង​មនោ​កម្ម អំពើ​ដែល​សម្រេច​ដោយ​ចិត្ដ​មាន​៣​រួម​ត្រូវជា​១០​យ៉ាង ។

កាយ​កម្ម​មាន​៣​គឺៈ
១-​បា​ណា​តិ​បា​តោ ក​រិ​យា​សម្លាប់សត្វ​ដោយ​ខ្លួនឯង​ឬ​ប្រើ​គេ​ឲ្យ​សម្លាប់សត្វ​នោះ​ៗ ។

២ -​អទិន្នា​ទា​នំ កិរិយា​ឆក់​លួច ដណ្តើម​ទ្រព្យ​គេ ដោយ​ខ្លួនឯង ឬ​ប្រើ​ឲ្យ​គេ​លួច ឆក់ ដណ្តើម​ទ្រព្យ​នោះ ។

៣-​កា​មេ​សុ មិច្ឆាចា​រា កិរិយា​ប្រព្រឹត្ត​ខុស​ក្នុង​កាម​ទាំងឡាយ​ទាំង​ស្ត្រី​ឬ​បុរស​ដែល​មាន​គេ​ហួងហែង​រក្សា​។

វចីកម្ម​៤​គឺៈ

១-​មុសា​វា​ទោ កិរិយា​ពោល​នូវ​ពាក្យ​កុហក ។

២-​បិ​សុ​ណា​វាចា កិរិយា​ពោល​នូវ​ពាក្យ​ញុះញង់ បំបែកបំបាក់​អ្នក​ដទៃ​។

៣-​ផរុសវាចា កិរិយា​ពោល​ពាក្យ​ទ្រគោះបោះបោក ជេរប្រទេច​អ្នក​ដទៃ ។

៤-​ស​ម្ផ​ប្ប​លា​បោ កិរិយា​ពោល​នូវ​ពាក្យ​រោយរាយ​ឥតប្រយោជន៍​។

មនោ​កម្ម​៣​គឺៈ

១-​អភិជ្ឈា គំនិត​សម្លឹង​រំពៃ​ចំពោះ​ទ្រព្យ​របស់​អ្នក​ដទៃ គិត​ចង់​បានជា​របស់​ខ្លួន ។

២-​ព្យាបា​ទោ ចិត្ត​ចងគំនុំ​ប៉ង​នឹង​ឲ្យ​អ្នក​ដទៃ​ដល់​នូវ​សេចក្តី​វិនាស សេចក្តី​អន្តរាយ ។

៣-​មិច្ឆាទិដ្ឋិ ការ​យល់​ខុស តែ​នៅ​ប្រកាន់​ថា​ជា​ត្រូវ ។

កម្ម​អាក្រក់​ទាំង​១០​យ៉ាងនេះ​បើ​ទោះជា​មិន​ទាន់​ឲ្យ​ផល ឲ្យ​ឃើញច្បាស់​ដល់​អ្នក​ប្រព្រឹត្ត​ក្នុង​ពេល​បច្ចុប្បន្ន​នេះ ក៏​គង់​នឹង​ឱ្យ​ផល​ទៅ​ក្នុង​បរលោក​នាយ​ដែរ​គឺ​ខាន​ពុំ​បាន​ឡើយ ។

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ជ្រុង​មួយ​នៃ​សាសនា

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ