អុញ… មើលលោកមេប៉ុស្តិ៍និរោធ ទៅប្រជុំឬទៅសម្រាន្ត?
- ភ្នំពេញ
រាជធានីភ្នំពេញ ៖ កាលពីព្រឹកថ្ងៃទី១៥ សីហា នេះ ស្ថិតក្នុងកិច្ចប្រជំុគណៈបញ្ជាការឯកភាពខណ្ឌច្បារ អំពៅ ដែលដឹកនាំប្រជុំ ដោយលោកចេង មុនីរ៉ា…
រាជធានីភ្នំពេញ ៖ កាលពីព្រឹកថ្ងៃទី១៥ សីហា នេះ ស្ថិតក្នុងកិច្ចប្រជំុគណៈបញ្ជាការឯកភាពខណ្ឌច្បារ
អំពៅ ដែលដឹកនាំប្រជុំ ដោយលោកចេង មុនីរ៉ា អភិបាលខណ្ឌច្បារអំពៅ លើកិច្ចពិភាក្សាអំពីបញ្ហាសន្តិ
សុខសណ្តាប់ធ្នាប់នៅក្នុងមូលដ្ឋាននោះ ស្រាប់តែបានឃើញលោកហេង សុវណ្ណតារ៉ា ដែលជានាយប៉ុស្តិ៍និរោធ បានដេកលង់លក់យ៉ាងសុខស្រួល ដោយមិនខ្វល់អំពីអង្គប្រជុំនោះឡើយ ។
ទង្វើដែលមិនគោរពវិន័យ ក៏ដូចជាមិនគោរពក្រមសីលធម៌ក្នុងកិច្ចប្រជុំ ត្រូវបានគេដឹងថា លោកមេប៉ុស្តិ៍និរោធនេះ គឺពុំមែនជាលើកទី១នោះទេ ពោលគឺលោកតែងតែយកពេលវេលាប្រជុំ ជាវេលាដេកលង់លក់ជារឿយៗផងដែរ ។ ក្នុងនោះ គេមិនដឹងថា តើលោកនាយប៉ុស្តិ៍រវល់ការងារអ្វីខ្លះទេ ទើបមិនមានពេលវេលាសម្រាន្តឱ្យបានគ្រប់គ្រាន់បែបនេះ ទើបពេលប្រជុំលើកណា គឺជាពេលដែលលោកដេកលង់លក់ទៅវិញ ។
គួរបញ្ជាក់ផងដែរថា លោកមេប៉ុស្តិ៍និរោធរូបនេះ តែងតែរងការនូវរិះគន់ចំៗពីសំណាក់ប្រជាពលរដ្ឋ ដែលរស់នៅមូលដ្ឋានក្នុងសង្កាត់និរោធទាំងមូល ទាក់ទិនសកម្មភាពមិនយកចិត្តទុកដាក់ខ្ពស់ ក្នុងការបម្រើដល់ប្រជាពលរដ្ឋ ពិសេសរាល់ពេលទទួលពាក្យបណ្តឹងផ្សេងៗម្តងៗ គឺលោកធ្វើអ្វីស្រេចតែអំពើចិត្ត មិនគិតពីកាតព្វកិច្ចរបស់ខ្លួន ដែលជាមន្ត្រីនគរបាល មានតួនាទីបម្រើ ក៏ដូចជាដោះស្រាយរាល់ទុក្ខលំបាករបស់ពលរដ្ឋក្នុងមូលដ្ឋានរបស់ខ្លួន ។
ប្រភពបន្តថា លោកនាយប៉ុស្តិ៍ដដែលនេះ ធ្លាប់ត្រូវបានគណៈអធិការនៃអធិការដ្ឋាននគរបាលខណ្ឌច្បារអំពៅ ធ្វើរបាយការណ៍ទៅកាន់ថ្នាក់លើជាច្រើនលើកច្រើនសារដែរ ស្តីពីសកម្មភាពអសកម្មការងារ និងមិនគោរពតាមការណែនាំរបស់មេកើយ ប៉ុន្តែក្នុងនោះ គេពុំដែលឃើញថ្នាក់លើ ចាត់វិធានការណ៍ទៅលើនាយប៉ុស្តិ៍រូបនេះម្តងណាឡើយ ដោយបន្តទុកឱ្យលោកនាយប៉ុស្តិ៍ធ្វើស្រេចតែអំពើចិត្ត ។
ប្រភពពលរដ្ឋរស់នៅក្នុងមូលដ្ឋានសង្កាត់និរោធ ក៏បានស្នើដល់មន្ត្រីថ្នាក់លើ ពិសេសនាតឧត្តមសេនីយ៍ជួន សុវណ្ណ អគ្គស្នងរងនគរបាលជាតិ និងជាស្នងការនគរបាលរាជធានីភ្នំពេញ មេត្តាពិនិត្យមើលលើលោកនាយប៉ុស្តិ៍ខាងលើផង និងគួរណាស់ដាក់ពិនិត្យ ឬផ្លាស់ប្តូរចេញតែម្តងទៅ ដើម្បីកុំឱ្យប៉ះពាល់ដល់មន្ត្រីនគរបាលផ្សេងៗ ដែលគេសមត្ថភាព និងមានទំនួលខុសនោះ ។
តាមប្រភពច្បាស់ការណ៍ឱ្យដឹងទៀតថា មិនមាននរណាម្នាក់ហ៊ានប៉ះពាល់ ឬដាក់ពិន័យដល់លោកហេង សុវណ្ណតារ៉ា ឡើយ ព្រេាះគាត់មានឧត្តមសេនីយ៍ប្រធាននាយកដ្ឋានមួយរូបនៃអគ្គស្នងការដ្ឋាននគរបាលជាតិជាខ្នងបង្អែកដ៏រឹងមាំណាស់ ។
ចែករំលែកព័តមាននេះ